സംസ്ഥാനത്ത് ഓൺലൈൻ മദ്യവിൽപ്പനയുമായി ബന്ധപ്പെട്ടുള്ള ശുപാർശ ബെവ്കോ സർക്കാരിന് സമർപ്പിച്ചു.
ബെവ്കോ എംഡി ഹര്ഷിത അട്ടല്ലൂരിയാണ് വിശദമായ ശുപാർശ സര്ക്കാരിന് സമര്പ്പിച്ചത്. വരുമാന വദ്ധനവ് ലക്ഷ്യമിട്ടാണ് ബെവ്കോയുടെ പുതിയ നീക്കം.2000 കോടി രൂപയുടെ വരമാന വർദ്ധനവാണ് ബെവ്കോ പ്രതീക്ഷിക്കുന്നത്. ഓണ്ലൈൻ മദ്യവിൽപ്പനയ്ക്കായി ബെവ്കോ മൊബൈൽ ആപ്ലിക്കേഷനും തയ്യാറാക്കി. നിബന്ധനകൾക്ക് വിധേയമായിട്ടാകും ഓൺലൈൻ മദ്യ വിൽപന.
സ്വിഗ്ഗിയടക്കമുള്ള ഓണ്ലൈൻ ഡെലിവറി പ്ലാറ്റ്ഫോമുകള് താത്പര്യം അറിയിച്ച് മുന്നോട്ടുവന്നിട്ടുണ്ടെന്ന് ബെവ്കോ എംഡി ഹര്ഷിത അട്ടല്ലൂരി വ്യക്തമാക്കി. മൂന്ന് വർഷം മുൻപ് ഓൺലൈൻ മദ്യ വിൽപനയ്ക്ക് ബെവ്കോ സർക്കാരിനോട് അനുമതി തേടിയിരുന്നെങ്കിലും നൽകിയിരുന്നില്ല. 23വയസിന് മുകളിലുള്ളവര്ക്കായിരിക്കും ഓണ്ലൈനിൽ മദ്യം വാങ്ങാൻ കഴിയുക. ഇതിനായി പ്രായം തെളിയിക്കുന്ന രേഖ നൽകണം. വീര്യം കുറഞ്ഞ മദ്യമായിരിക്കും ഓൺലൈനായി ലഭ്യമാകുക. എന്നാൽ ഓൺലൈൻ മദ്യപവിൽപ്പനയ്ക്കായി സംസ്ഥാനം പാകപ്പെട്ടിട്ടുണ്ടോ എന്ന് എക്സൈസ് മന്ത്രി എം ബി രാജേഷ് കഴിഞ്ഞ ദിവസം സംശയം പ്രകടിപ്പിച്ച പശ്ചാത്തലത്തിൽ കൂടുതൽ ആലോചനകൾക്ക് ശേഷം മാത്രമാകും സർക്കാർ അംഗീകാരം നൽകുന്നത്.
