Advertisement
ദേശീയ ചലച്ചിത്ര പുരസ്കാരങ്ങൾ പ്രഖ്യാപിച്ചു. മികച്ച നടിക്കുള്ള പുരസ്കാരം റാണി മുഖർജി(മിസിസ് ചാറ്റര്ജി വേഴ്സസ് നോര്വേ)യും മികച്ച നടനുള്ള പുരസ്കാരത്തിന് ഷാരൂഖ് ഖാനും(ജവാൻ), വിക്രാന്ത് മാസി(12th ഫെയിൽ)യും അർഹരായി. മികച്ച സഹനടിയായി ഉർവ്വശി(ഉള്ളൊഴുക്ക്)യെയും സഹനടനായി വിജയരാഘവനെ(പൂക്കാലം)യും തെരഞ്ഞെടുത്തു.
332 ചിത്രങ്ങളാണ് അവാർഡിനായി പരിഗണിച്ചത്. മികച്ച മലയാള സിനിമയ്ക്കുള്ള അവാർഡ് ഉള്ളൊഴുക്ക് സ്വന്തമാക്കി. 2023ല് സെന്സര് ചെയ്ത ചിത്രങ്ങളാണ് 71-ാമത് ദേശീയ ചലച്ചിത്ര അവാർഡിനായി പരിഗണിച്ചത്. കൊവിഡിനെ തുടര്ന്നായിരുന്നു മുന് വര്ഷങ്ങളില് അവാര്ഡ് പ്രഖ്യാപനത്തില് ഇടവേളയുണ്ടായത്. 2024ലെ അവാര്ഡും ഈ വര്ഷം തന്നെ പ്രഖ്യാപിച്ചേക്കുമെന്നാണ് റിപ്പോര്ട്ടുകള്.
Advertisement
