Advertisement
പത്തനംതിട്ട: കോന്നി പയ്യനാമണ്ണില് പാറമടയില് കല്ലിടിഞ്ഞ് വീണുണ്ടായ അപകടത്തില് 2 പേര് മരിച്ചു. ഉച്ചക്ക് മൂന്നരയോടെയാണ് ഇവിടെ പ്രവര്ത്തിക്കുകയായിരുന്ന ഹിറ്റാച്ചിക്ക് മുകളിലേക്ക് കൂറ്റന് പാറക്കല്ലുകള് ഇടിഞ്ഞുവീഴുകയായിരുന്നു. ഒഡിഷ സ്വദേശി മഹാദേവ് പ്രധാന് (51), ബിഹാര് സ്വദേശി അജയ് കുമാര് റെ (38) എന്നിവരാണ് മരിച്ചത്.
അപകടത്തില് ഹിറ്റാച്ചി പാറക്കല്ലുകള്ക്കിടയില് മൂടിപ്പോയ നിലയിലായിരുന്നു. പാറമടയ്ക്കുള്ളില് നടന്ന അപകടമായതിനാല് വിവരം പുറത്തറിയാന് വൈകിയിരുന്നു. അഗ്നിരക്ഷാ സേനാംഗങ്ങള് ഉള്പ്പടെ സ്ഥലത്തെത്തിയിരുന്നു. കലക്ടര് ഉള്പ്പടെ അപകടസ്ഥലത്തെത്തി.
Advertisement
