Advertisement
തിരുവനന്തപുരം വിമാനത്താവളത്തിന് പിന്നാലെ തമ്പാനൂര്‍ റെയില്‍വേ സ്റ്റേഷനിലും ബോംബ് ഭീഷണി. ബോംബ് സ്‌ക്വാഡ് സ്ഥലത്തെത്തി പരിശോധന ആരംഭിച്ചു.
ഇന്ന് ഉച്ചയോടെയായിരുന്നു വിമാനത്താവളത്തില്‍ ബോംബ് വെച്ചിട്ടുണ്ടെന്ന് ഇ-മെയില്‍ സന്ദേശം ലഭിച്ചത്. എയര്‍പോര്‍ട്ട് മാനേജരുടെ മെയിലിലേക്കായിരുന്നു സന്ദേശം വന്നത്.
നഗരത്തിലെ ബോംബ് ഭീഷണിയില്‍ സൈബര്‍ പൊലീസ് അന്വേഷണം ആരംഭിച്ചു. ഇ-മെയില്‍ സന്ദേശങ്ങളുടെ ഉറവിടം തേടും. വിവരങ്ങള്‍ നല്‍കാന്‍ മൈക്രോസോഫ്റ്റ്‌നോട് ആവശ്യപ്പെടും. റെയില്‍വേ സ്റ്റേഷനുകളിലും ലോഡ്ജുകളിലും പ്രത്യേക പരിശോധന നടത്തും. ബോംബ് ഭീഷണിയില്‍ നഗരത്തില്‍ ഇതുവരെ ഒന്‍പത് കേസുകളാണ് രജിസ്റ്റര്‍ ചെയ്തത്.