Advertisement
മുൻ ഇന്ത്യൻ ക്രിക്കറ്റ് താരവും ഇപ്പോൾ ഇന്ത്യൻ ടീം പരിശീലകനുമായ ഗൗതം ഗംഭീറിന് വധഭീഷണി. ഇ മെയിൽ മുഖാന്തരമാണ് മുൻ ബിജെപി എംപി കൂടിയായ ഗംഭീറിന് വധഭീഷണി ലഭിച്ചത്. സംഭവത്തിൽ ഗംഭീർ പൊലീസിൽ പരാതി നൽകി. ‘ഞാൻ നിങ്ങളെ കൊലപ്പെടുത്തും’ എന്നാണ് സന്ദേശം. പരാതി ലഭിച്ചതിനു പിന്നാലെ പൊലീസ് അന്വേഷണം ആരംഭിച്ചു.
ജമ്മു കശ്മീരിലെ പഹൽഗാമിൽ വിനോദസഞ്ചാരികൾക്കു നേരെയുണ്ടായ ഭീകരാക്രമണത്തിനു പിന്നാലെയാണ്, ഇന്ത്യൻ ക്രിക്കറ്റ് ടീം പരിശീലകനു നേരെ വധഭീഷണി സന്ദേശം എത്തിയത്. പഹൽഗാം ആക്രമണത്തിന് ഇന്ത്യ ശക്തമായ തിരിച്ചടി നൽകുമെന്ന് ഗംഭീർ എക്സിൽ പങ്കുവച്ച അനുശോചനക്കുറിപ്പിൽ വ്യക്തമാക്കിയിരുന്നു. ഇതിനു പിന്നാലെയാണ് വധഭീഷണി എന്നതും ശ്രദ്ധേയമാണ്.
Advertisement
