അഞ്ചൽ.സംസ്ഥാനത്തിന്റെ വിവിധ ജില്ലകളിലായ് നിരവധി ചന്ദന മോഷണ കേസുകളിലുൾപ്പെട്ട രണ്ടുപേർ കൊല്ലത്ത് പിടിയിൽ. കൊല്ലം ഉമയനല്ലൂർ സ്വദേശിമുജീബ്, പാലക്കാട് നെല്ലായി സ്വദേശി അബ്ദുൽ അസീസ് എന്നിവരാണ്
അഞ്ചൽ വനം വകുപ്പിന്റെ പിടിയിലായത്.
അഞ്ചൽ വനം വകുപ്പ് 2024 ൽ രജിസ്റ്റർ ചെയ്ത മൂന്ന് ചന്ദന മോഷണം കേസുകളിലെ പ്രതികളാണ് മുജീബും അബ്ദുൽ അസീസും. 2022 ൽ പുനലൂർ വനം കോടതി പുറപ്പെടുവിച്ച വാറണ്ടുമുണ്ട്. കൊല്ലത്തിന് പുറമെ,
തൃശ്ശൂർ പാലക്കാട് തുടങ്ങിയജില്ലകളിലും 2014 മുതൽ ചന്ദന മോഷണം കേസുകളിലെ പ്രതികളുമാണ്. ഒളിവിൽ കഴിഞ്ഞുവന്ന പ്രതികളെ പിടികൂടുന്നതിനുവേണ്ടി വനവകുപ്പ് പ്രത്യേക അന്വേഷണസംഘംതന്നെ രൂപീകരിച്ചു. അബ്ദുൾ അസീസിനെ പാലക്കാട് നിന്നും മുജീബിനെ കൊല്ലം ഉമയനെല്ലൂരിൽ നിന്നും കഴിഞ്ഞദിവസം പിടികൂടുകയായിരുന്നു. അറസ്റ്റ് രേഖപ്പെടുത്തിയ ശേഷം കോടതിയിൽ ഹാജരാക്കി റിമാൻഡ് ചെയ്തു. കസ്റ്റഡിയിൽ വാങ്ങി തെളിവെടുപ്പ് നടത്തുമെന്ന് വനംവകുപ്പ് അഞ്ചൽ റേഞ്ച് ഫോറസ്റ്റ് ഓഫീസർ ദിവ്യ എസ് പറഞ്ഞു
