മുംബൈ: ക്രിസ്മസ്, പുതുവത്സര തിരക്ക് പ്രമാണിച്ച് കുർള എൽടിടിയിൽനിന്ന് കൊച്ചുവേളിയിലേക്ക് കൊങ്കൺ പാതയിലൂടെ കോട്ടയം വഴി പ്രത്യേക പ്രതിവാര ട്രെയിൻ പ്രഖ്യാപിച്ചു. നാട്ടിലേക്കും തിരിച്ചും നാലു വീതം സർവീസുകളാണുണ്ടാകുക.
∙ എൽടിടി–കൊച്ചുവേളി (01463)
19, 26, ജനുവരി 2, 9 തീയതികളിൽ വ്യാഴാഴ്ചകളിലാണ് എൽടിടിയിൽനിന്നുള്ള സർവീസ്. വൈകിട്ട് നാലിനു പുറപ്പെടുന്ന ട്രെയിൻ പിറ്റേന്നു രാത്രി 10.45ന് കൊച്ചുവേളിയിലെത്തും.
∙ കൊച്ചുവേളി–എൽടിടി (01464)
21, 28 ജനുവരി 4, 11 തീയതികളിൽ ശനിയാഴ്ചകളിലാണ് കൊച്ചുവേളിയിൽനിന്ന് എൽടിടിയിലേക്കുള്ള സർവീസ്. വൈകിട്ട് 4.20ന് പുറപ്പെടുന്ന ട്രെയിൻ മൂന്നാംദിവസം പുലർച്ചെ 12.45ന് എൽടിടിയിലെത്തും.
∙ സ്റ്റോപ്പുകൾ
താനെ, പൻവേൽ, പെൺ, റോഹ, ഖേഡ്, ചിപ്ലുൺ, സംഗമേശ്വർ, രത്നഗിരി, കങ്കാവ്ലി, സിന്ധുദുർഗ്, കുഡാൽ, സാവന്ത്വാഡി, തിവിം, കർമലി, മഡ്ഗാവ്, കാർവാർ, ഗോകർണ റോഡ്, കുംട, മുരുഡേശ്വർ, ഭട്കൽ, മൂകാംബിക റോഡ്, കുന്താപുര, ഉഡുപ്പി, സൂറത്ത്കൽ, മംഗളൂരു ജംക്ഷൻ, കാസർകോട്, കണ്ണൂർ, കോഴിക്കോട്, തിരൂർ, ഷൊർണൂർ, തൃശൂർ, എറണാകുളം ടൗൺ, കോട്ടയം, തിരുവല്ല, ചെങ്ങന്നൂർ, മാവേലിക്കര, കായംകുളം, കൊല്ലം, കൊച്ചുവേളി എന്നിവിടങ്ങളിലാണ് സ്റ്റോപ്പുകൾ.
കൊച്ചി: നടി ആക്രമിക്കപ്പെട്ട കേസിലെ അന്തിമവാദം തുറന്ന കോടതിയിൽ വേണമെന്ന് ആവശ്യപ്പെട്ട് അതിജീവിത വിചാരണക്കോടതിയിൽ. ലൈംഗികാതിക്രമത്തിന് ഇരയാകുന്ന സ്ത്രീകള് കുറ്റപ്പെടുത്തലുകൾ ഏറ്റുവാങ്ങുന്ന സാഹചര്യത്തിൽ തനിക്ക് സംഭവിച്ചത് എന്താണെന്ന് എല്ലാവരും അറിയട്ടെ എന്നു വ്യക്തമാക്കിയാണ് അതിജീവിത അപേക്ഷ നൽകിയത്. കേസിൽ സാക്ഷിവിസ്താരമടക്കം പൂർത്തിയായ സാഹചര്യത്തിലാണ് അന്തിമവാദം നടക്കുന്നത്.
ഈ അപേക്ഷയും മുൻ ഡിജിപി ആര്.ശ്രീലേഖയ്ക്കെതിരെ അതിജീവിത നൽകിയ കോടതിയലക്ഷ്യ ഹർജിയും കോടതി ഇന്നു പരിഗണിച്ചേക്കും. നടി ആക്രമിക്കപ്പെട്ട കേസിൽ എറണാകുളം പ്രിൻസിപ്പൽ സെഷൻസ് കോടതിയിൽ ഇന്നലെയാണ് അന്തിമവാദം ആരംഭിച്ചത്. പ്രോസിക്യൂഷന്റെ വാദമാണ് ഇപ്പോൾ നടക്കുന്നത്. ഇതിനു ശേഷം പ്രതിഭാഗത്തിന്റെ വാദം. വിധി പ്രസ്താവിക്കുന്നതിനു മുൻപായി ഇരുകൂട്ടർക്കും അന്തിമവാദം കോടതിക്ക് മുൻപാകെ സമർപ്പിക്കാനുള്ള അവസരമുണ്ടാകും. ഒരു മാസത്തിനുള്ളിൽ അന്തിമവാദ നടപടികൾ പൂർത്തിയാകും എന്നാണ് കരുതുന്നത്.
കേസിലെ പ്രതികളിലൊരാളായ നടൻ ദിലീപ് കുറ്റവാളിയല്ല എന്ന മട്ടിൽ ആർ.ശ്രീലേഖ യുട്യൂബ് ചാനലിലൂടെ പ്രതികരിച്ചത് കോടതിലക്ഷ്യമാണെന്ന് ചൂണ്ടിക്കാട്ടി നേരത്തേതന്നെ അതിജീവിത പരാതി നൽകിയിരുന്നു. 2017 ഫെബ്രുവരി 17നാണ് തൃശൂരിൽനിന്നു കൊച്ചിയിലേക്ക് വരുന്ന വഴി നടി ലൈംഗികമായി ആക്രമിക്കപ്പെട്ടത്. ഇതിന്റെ ദൃശ്യങ്ങൾ പ്രതികൾ പകർത്തി. ദിലീപ് ഉൾപ്പെടെ ഒൻപത് പേർ കേസിൽ പ്രതികളായി. എട്ടാം പ്രതിയാണ് ദിലീപ്. 2019ൽ ആരംഭിച്ച വിചാരണയാണ് ഇപ്പോൾ അന്തിമഘട്ടത്തിലേക്ക് എത്തിയത്. നടി ആക്രമിക്കപ്പെടുന്നതിന്റെ ദൃശ്യങ്ങളടങ്ങിയ പെൻഡ്രൈവ് അനധികൃതമായി തുറന്നു എന്നതടക്കം ഒട്ടേറെ വിവാദങ്ങളും ഉണ്ടായി. ഇക്കാര്യത്തിൽ നടപടി ആവശ്യപ്പെട്ട് അതിജീവിത കഴിഞ്ഞ ദിവസം രാഷ്ട്രപതിക്കു കത്തയച്ചിരുന്നു.
ജയ്പുർ: രാജസ്ഥാനിൽ 55 മണിക്കൂറിലേറെ കുഴൽക്കിണറിൽ കുടുങ്ങിക്കിടന്ന അഞ്ചു വയസ്സുകാരൻ ആര്യനെ പുറത്തെടുത്തെങ്കിലും ജീവൻ രക്ഷിക്കാനായില്ല. അബോധാവസ്ഥയിലായ കുട്ടിയെ രാത്രി രക്ഷിച്ച് ആശുപത്രിയിലേക്കു മാറ്റിയിരുന്നു. എന്നാൽ ചികിത്സയ്ക്കിടെ മരിച്ചു.
ദോസ ജില്ലയിലെ കാളിഘട് ഗ്രാമത്തിൽ 160 അടി താഴ്ചയുള്ള കുഴൽക്കിണറിലേക്ക് തിങ്കളാഴ്ച ഉച്ചകഴിഞ്ഞ് മൂന്ന് മണിയോടെയാണ് ആര്യൻ വീണത്. പാടത്തു കളിക്കുന്നതിനിടെ, മൂടിയില്ലാത്ത കിണറ്റിൽ വീഴുകയായിരുന്നു. ദേശീയ ദുരന്തനിവാരണ സേനയാണു രക്ഷാദൗത്യം ഏറ്റെടുത്തത്. സമാന്തരമായി മറ്റൊരു കുഴിയെടുത്ത് കുഴൽക്കിണറുമായി ബന്ധിച്ചശേഷം കുട്ടിയെ പുറത്തെടുക്കാൻ ശ്രമം ആരംഭിച്ചു. 150 അടി വെള്ളമുള്ള കിണറ്റിൽ ക്യാമറ ഇറക്കി നിരീക്ഷണം നടത്താനുള്ള ശ്രമം വിജയിക്കാതിരുന്നത് ദൗത്യത്തിനു വെല്ലുവിളിയായിരുന്നു.
?നടിയെ ആക്രമിച്ച കേസ്സ്മുൻ ഡിജിപി ആർ ശ്രീലേഖയ്ക്കെതിരെ വിചാരണക്കോടതിയിൽ അതിജീവിത കോടതിയലക്ഷ്യ ഹർജി നൽകി.
?സിറിയയിൽ നിന്ന് 75 ഇന്ത്യക്കാരെ ഒഴിപ്പിച്ചു. ലബനനിലേക്ക് മാറ്റിയ ഇവരെ അവിടെ നിന്ന് ഇന്ത്യയിലെത്തിക്കും.
?സിറിയിയൻ കേന്ദ്രങ്ങളിൽ ഇസ്രായേൽ വ്യോമാ ക്രമണം, രണ്ട് ദിവസത്തിനിടെ 480 ആക്രമണങ്ങൾ. ആയുധ നിർമ്മാണ കേന്ദ്രങ്ങളിലും ആക്രമണം.
?കോഴിക്കോട്ട് റീൽസ് ചിത്രീകരണത്തിനിടെയുണ്ടായ വാഹനാപകടം മുഹമ്മദ് റബീസ്, സാബിത് റഹ്മാൻ എന്നിവരെ കസ്റ്റഡിയിലെടുത്തു.
? ലക്ഷക്കണക്കിനാളു കൾ കണ്ട പുഷ്പ – 2 ൻ്റെ വ്യാജ തെലുങ്ക് പതിപ്പ് യൂട്യൂബിൽ നിന്ന് നീക്കം ചെയ്തു.
? കേരളീയം ?
? കേരളത്തില് വീണ്ടും മഴ ശക്തമാകുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. വ്യാഴം, വെള്ളി ദിവസങ്ങളില് സംസ്ഥാനത്ത് മഴ കനക്കുമെന്നും ഇത് പ്രകാരം ഇടുക്കി, എറണാകുളം, തൃശൂര് എന്നീ മൂന്ന് ജില്ലകളില് നാളെ ഓറഞ്ച് അലര്ട്ട് പ്രഖ്യാപിച്ചു.
? പതിനാറാം ധനകാര്യ കമ്മീഷന് റിപ്പോര്ട്ടില് കമ്മീഷന്റെ പരിഗണനാ വിഷയങ്ങളില് എന്തെല്ലാം ഉള്പ്പെണമെന്ന കാര്യത്തില് കേരളത്തിന്റെ നിലപാട് കൃത്യമായി ബോധ്യപ്പെടുത്തിയതായി ധനകാര്യ മന്ത്രി കെ എന് ബാലഗോപാല്.
? രാജ്യസഭയില് പക്ഷപാതപരമായി പെരുമാറുന്നുവെന്ന് ആരോപിച്ച് ഉപരാഷ്ട്രപതിയും രാജ്യസഭാ ചെയര്മാനുമായ ജഗ്ദീപ് ധന്കറിനെതിരെ അവിശ്വാസ പ്രമേയ നോട്ടീസ് നല്കി പ്രതിപക്ഷം. ഇന്ത്യ സഖ്യത്തിലെ പാര്ട്ടികള്ക്ക് മറ്റുവഴികളില്ലെന്നും വേദനാജനകമായ തീരുമാനമാണ് എടുത്തിരിക്കുന്നതെന്നും കോണ്ഗ്രസ് വക്താവും രാജ്യസഭാ എംപിയുമായ ജയ്റാം രമേശ് വ്യക്തമാക്കി.
? കെ ഗോപാലകൃഷ്ണന് ഐ എ എസിനും അഡീഷണല് ചീഫ് സെക്രട്ടറി ജയതിലകിനുമെതിരെ വീണ്ടും വിമര്ശനവുമായി എന് പ്രശാന്ത് ഐ എ എസ്. രണ്ട് ഉദ്യോഗസ്ഥരും തന്നെ കുടുക്കാന് വ്യാജ ഫയല് ഉണ്ടാക്കിയെന്ന് അദ്ദേഹം ആരോപിച്ചു.
? മുനമ്പം ഭൂമി തര്ക്കം പരിഗണിക്കേണ്ടത് സിവില് കോടതിയാണെന്ന് ഹൈക്കോടതി. വഖഫ് നോട്ടീസിന്മേലുളള തുടര് നടപടികളില് നിന്ന് മുനമ്പത്തുകാര്ക്ക് ഇടക്കാല സംരക്ഷണം നല്കാന് താല്ക്കാലിക സ്റ്റേ അനുവദിക്കാമെന്ന് ഡിവിഷന് ബെഞ്ച് വാക്കാല് പറഞ്ഞു.
? എംകെ രാഘവന് എം.പി ചെയര്മാനായ മാടായി കോളേജില് അദ്ദേഹത്തിന്റെ ബന്ധുവായ സിപിഎം പ്രവര്ത്തകന് ജോലി നല്കിയതില് ഇന്നലേയും കോണ്ഗ്രസ് പ്രവര്ത്തകരുടെ പ്രതിഷേധം. ഇന്നലെ വൈകിട്ട് എംകെ രാഘവന്റെ കുഞ്ഞിമംഗലത്തെ വീട്ടിലേക്ക് കോണ്ഗ്രസ് പ്രവര്ത്തകര് മാര്ച്ച് നടത്തുകയും അദ്ദേഹത്തിന്റെ കോലം കത്തിക്കുകയും ചെയ്തു.
? സംവിധായകന് രഞ്ജിത്തിന് എതിരായ പീഡന പരാതിയില് കേസന്വേഷണത്തിന് സ്റ്റേ അനുവദിച്ചുള്ള വിധിപ്പകര്പ്പിന്റെ വിശദാശങ്ങള് പുറത്ത്. പരാതിക്കാരനെതിരെ രൂക്ഷ വിമര്ശനമുന്നയിച്ചാണ് കര്ണാടക ഹൈക്കോടതി അന്വേഷണം സ്റ്റേ ചെയ്തത്.
? പ്രശസ്തമായ ഗുരുവായൂര് ഏകാദശി ഇന്ന്. ഏകാദശിയോടനുബന്ധിച്ച് ഗുരുവായൂര് ഉള്പ്പെടുന്ന ചാവക്കാട് താലൂക്കില് തൃശൂര് ജില്ലാ കളക്ടര്. പ്രാദേശിക അവധി പ്രഖ്യാപിച്ചു. ചാവക്കാട് താലൂക്കിലെ എല്ലാ സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കുമാണ് അവധി പ്രഖ്യാപിച്ചത്.
? റഷ്യയിലേക്ക് യുദ്ധത്തിനായി മനുഷ്യക്കടത്ത്. തൃശൂര് സ്വദേശികളായ ജയിന്, ബിനില് എന്നിവരെ ജോലിക്കെന്ന് പറഞ്ഞ് എത്തിച്ച ശേഷം യുദ്ധരംഗത്തേക്ക് അയച്ചെന്നാണ് വീട്ടുകാര്ക്ക് ലഭിച്ച സന്ദേശം. വീട്ടുകാരുടെ പരാതിയില് മോചനത്തിനായി എംബസി മുഖാന്തരം ബന്ധപ്പെട്ടിട്ടുണ്ടെന്ന് കേന്ദ്ര സഹമന്ത്രി സുരേഷ് ഗോപി പറഞ്ഞു.
? മുല്ലപ്പെരിയാര് അണക്കെട്ടിലെ അറ്റകുറ്റപ്പണിയെ ചൊല്ലിയുള്ള തര്ക്കത്തില് കേരള മുഖ്യമന്ത്രി പിണറായി വിജയനുമായി ചര്ച്ച നടത്തുമെന്ന് തമിഴ്നാട് മുഖ്യമന്ത്രി എം കെ സ്റ്റാലിന്.
? ഇ.പി.ജയരാജന്റേത് കമ്മ്യൂണിസ്റ്റിന് നിരക്കുന്ന രീതിയല്ലെന്ന് കൊല്ലം സമ്മേളനത്തില് വിമര്ശനം. പാര്ലമെന്റ് തിരഞ്ഞെടുപ്പ് ദിനത്തിലെ ഇപി ജയരാജനുമായി ബന്ധപ്പെട്ട് ഉയര്ന്ന വിവാദങ്ങളും പ്രകാശ് ജാവേദ്ക്കറിനെ കണ്ടതുമായി ബന്ധപ്പെട്ട ഇപിയുടെ വെളിപ്പെടുത്തലും തിരിച്ചടിയായെന്നാണ് വിമര്ശനം.
? കോഴിക്കോട് ബീച്ച് റോഡില് വെള്ളയില് ഭാഗത്ത് റീല്സ് ചിത്രീകരിക്കുന്നതിനിടയില് വാഹനമിടിച്ച് യുവാവിന് ദാരുണാന്ത്യം. വടകര കടമേരി തച്ചിലേരി താഴെ കുനിയില് സുരേഷ് ബാബുവിന്റെ മകന് ആല്വിന് (21) ആണ് മരിച്ചത്. ആല്വിന് മുമ്പ് ജോലി ചെയ്തിരുന്ന സ്ഥാപനത്തിനു വേണ്ടി പ്രമോഷണല് വീഡിയോ ചിത്രീകരിക്കുമ്പോഴാണ് അപകടമുണ്ടായത്.
?? ദേശീയം ??
? കര്ണാടകയിലെ ബെലഗാവിയില് ലിംഗായത്ത് പഞ്ചമശാലി സമുദായത്തിന്റെ സംവരണ പ്രതിഷേധം അക്രമാസക്തമായി. സമുദായ മേധാവി ബസവജയ മൃത്യുഞ്ജയ് സ്വാമിയുടെ നേതൃത്വത്തില് നടത്തിയ പ്രക്ഷോഭത്തിനിടെ പോലീസ് ലത്തിച്ചാര്ജ് നടത്തി.
? ട്രക്കും വാനും നേര്ക്കുനേര് കൂട്ടിയിടിച്ച് ഉത്തര്പ്രദേശിലെ ഹാഥ്റസില് ഒരു കുടുംബത്തിലെ ഏഴ് പേര് മരിച്ചു. മഥുര – കൈസര്ഗഞ്ച് ഹൈവേയില് നടന്ന അപകടത്തില് മൂന്ന് സ്ത്രീകളും മൂന്ന് പരുഷന്മാരും ഒരു കുട്ടിയുമാണ് മരിച്ചത്.
? മഹാരാഷ്ട്ര സംസ്ഥാന തിരഞ്ഞെടുപ്പില് വോട്ടിങ്ങില് പൊരുത്തക്കേടുണ്ടെന്ന പ്രതിപക്ഷ ആരോപണങ്ങള് തള്ളി തിരഞ്ഞെടുപ്പ് കമ്മിഷന്. ഇലക്ട്രോണിക് വോട്ടിങ് യന്ത്രത്തിലെ കണക്കുകളും വിവിപാറ്റ് സ്ലിപ്പുകളും തമ്മില് പൊരുത്തക്കേടില്ലെന്ന് സംസ്ഥാന മുഖ്യ തിരഞ്ഞെടുപ്പ് ഓഫീസര് പറഞ്ഞു.
? അലഹബാദ് ഹൈക്കോടതി സിറ്റിംഗ് ജഡ്ജി ശേഖര് കുമാര് യാദവിന്റെ വിവാദ പരാമര്ശങ്ങളെ കുറിച്ച് സുപ്രീം കോടതി അന്വേഷണം തുടങ്ങി. രാജ്യത്ത് ഭൂരിപക്ഷ സമുദായത്തിന്റെ താത്പര്യമാണ് നടപ്പാകേണ്ടതെന്ന ശേഖര് കുമാര് യാദവിന്റെ വിവാദ പ്രസംഗത്തില് അലഹബാദ് ഹൈക്കോടതിയില് നിന്ന് വിവരങ്ങള് തേടിയതായി സുപ്രീംകോടതി വ്യക്തമാക്കി.
? ഉത്തര് പ്രദേശിലെ സംഭല് ജില്ലയിലെ ഷാഹി ജുമാ മസ്ജിദില് സര്വേക്കിടെയുണ്ടായ സംഘര്ഷത്തിന് പിന്നാലെ പൊലീസ് നടത്തിയ വെടിവയ്പില് കൊല്ലപ്പെട്ട അഞ്ച് പേരുടെ കുടുംബാംഗങ്ങളെ കണ്ട് പ്രതിപക്ഷ നേതാവ് രാഹുല് ഗാന്ധി.
? റഷ്യയും യുക്രൈനും ഒരുമിച്ച് നിര്മിച്ച യുദ്ധക്കപ്പല് ഇന്ത്യക്ക് കൈമാറി. 2016ലാണ് ഇന്ത്യ രണ്ട് യുദ്ധക്കപ്പല് നിര്മിക്കാന് ഓര്ഡര് നല്കിയത്.ഇന്ത്യന് പ്രതിരോധ മന്ത്രി രാജ്നാഥ് സിങ് തിങ്കളാഴ്ച മോസ്കോയില് എത്തിയപ്പോള് റഷ്യ കപ്പല് ഇന്ത്യക്ക് കൈമാറി.
?? അന്തർദേശീയം ??
? കനേഡിയന് പ്രധാന മന്ത്രി ജസ്റ്റിന് ട്രൂഡോയെ വീണ്ടും പരിഹസിച്ച് നിയുക്ത യു.എസ്. പ്രസിഡന്റ് ഡൊണാള്ഡ് ട്രംപ്. ജസ്റ്റിന് ട്രൂഡോയെ ഗവര്ണര് എന്നു വിശേഷിപ്പിച്ചുകൊണ്ടാണ് ട്രൂത്ത് സോഷ്യല് എന്ന സാമൂഹിക മാധ്യമത്തിലൂടെ ട്രംപ് പരിഹസിച്ചത്.
? പ്രസിഡന്റ് ബാഷര് അല് അസദിനെ പുറത്താക്കി വിമതര് അധികാരം പിടിച്ചെടുത്ത സിറിയയില് വിമതര്ക്ക് ഏറ്റവും പ്രിയപ്പെട്ട നിലവിലെ ഭരണകര്ത്താക്കളില് ഒരാളായ മുഹമ്മദ് അല് ബഷിറിനെ ഇടക്കാല പ്രധാനമന്ത്രിയായി നിയമിച്ചു.
തിരുവനന്തപുരം .നഗരത്തിൽ വീണ്ടും ബസ് ഇടിച്ച് അപകടമരണം. പൂവാർ സ്വദേശി നിഷ വി. യാണ് ബസ് അപകടത്തിൽ മരിച്ചത്. ഭിന്നശേഷിക്കാരിയായ നിഷ റോഡ് മുറിച്ച് കടക്കുന്നതിനിടെ കെ.എസ്.ആർ.ടി.സി ബസ് ഇടിക്കുകയായിരുന്നു . രാവിലെ 10. 30 ഓടെയാണ് അപകടം ഉണ്ടായത്. പിന്നാലെ ആശുപത്രിയിൽ പ്രവേശിപ്പിച്ചു. തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ വൈകുന്നേരത്തോടെയാണ് മരിച്ചത്. ഒരാഴ്ചയ്ക്കിടെ തിരുവനന്തപുരം നഗരത്തിൽ ബസ് ഇടിച്ചു ഉണ്ടാകുന്ന രണ്ടാമത്തെ മരണമാണ് ഇത്.
തിരുവനന്തപുരം വാമനപുരം നദിയിൽ അഞ്ചാം ക്ലാസുകാരൻ മുങ്ങി മരിച്ചു. അവനവഞ്ചേരി ഗവൺമെൻ്റ് എച്ച്.എസിലെ അഞ്ചാം ക്ലാസ് വിദ്യാർത്ഥിയായ ശിവനന്ദാണ് മരിച്ചത്. ഇന്ന് വൈകുന്നേരം 5.30 ഓടെയാണ് അപകടമുണ്ടായത്. അഖിൽ അനു ദമ്പതികളുടെ 10 വയസ്സുകാരനായ മകൻ ശിവനന്ദ് കൂട്ടുകാരനുമെത്ത് വാമനപുരം നദി കാണാൻ പോയതായിരുന്നു. തീരത്ത് എത്തിയ ശിവനന്ദ് വസ്ത്രങ്ങൾ അഴിച്ചുവച്ച് ആറ്റിലേക്കിറങ്ങിയപ്പോഴാണ് ചെളിയിൽ പുതഞ്ഞു പോയത്. കൂട്ടുകാരൻ രക്ഷിക്കാൻ ശ്രമിച്ചെങ്കിലും നടന്നില്ല. പിന്നാലെ മുതിർന്നവരെ വിവരമറിയിച്ചെങ്കിലും അപ്പോഴേക്കും ശിവനന്ദ് വെള്ളത്തിൽ മുങ്ങിപ്പോയിരുന്നു. ആറ്റിങ്ങിൽ നിന്ന് ആഗ്നിരക്ഷാ സേനയെത്തിയാണ് മൃതദേഹം പുറത്തെടുത്തത്
ബെംഗളൂരു: സ്കൂൾ വിനോദയാത്രാ സംഘത്തിലെ നാല് വിദ്യാർഥിനികൾ ഉത്തരകന്നഡ മുരുഡേശ്വറിൽ കടലിൽ മുങ്ങിമരിച്ചു. കോലാർ മുളബാഗിലു മൊറാർജി ദേശായി റസിഡൻഷ്യൽ സ്കൂളിലെ ഒൻപതാം ക്ലാസ് വിദ്യാർഥിനികളായ ശ്രാവന്തി, ദീക്ഷ, ലാവണ്യ, ലിപിക (എല്ലാവർക്കും 15 വയസ്സ്) എന്നിവരാണ് മരിച്ചത്. നാല് പേരുടെയും കുടുംബങ്ങൾക്കു മുഖ്യമന്ത്രി സിദ്ധരാമയ്യ അഞ്ച് ലക്ഷം രൂപ വീതം ധനസഹായം പ്രഖ്യാപിച്ചു.
ചൊവ്വാഴ്ച വൈകിട്ട് 5.30നാണ് 46 വിദ്യാർഥികളുടെ സംഘം അധ്യാപകർക്കൊപ്പം മുരുഡേശ്വറിൽ എത്തിയത്. ലൈഫ് ഗാർഡിന്റെ മുന്നറിയിപ്പു വകവയ്ക്കാതെ കടലിലിറങ്ങിയ ഏഴ് വിദ്യാർഥിനികൾ മുങ്ങിത്താഴുകയായിരുന്നു. ഒരാളുടെ മൃതദേഹം ചൊവ്വാഴ്ച വൈകിട്ടും ബാക്കി മൂന്ന് പേരുടെ മൃതദേഹങ്ങൾ ഇന്നലെ രാവിലെയുമാണു ലഭിച്ചത്. മറ്റ് മൂന്ന് പേരെ ലൈഫ് ഗാർഡും പൊലീസും മത്സ്യത്തൊഴിലാളികളും ചേർന്നു സുരക്ഷിതമായി കരയ്ക്കെത്തിക്കുകയും ആശുപത്രിയിൽ പ്രവേശിപ്പിക്കുകയും ചെയ്തു.
വിദ്യാർഥിസംഘത്തെ നയിച്ച ആറ് അധ്യാപകരെ അറസ്റ്റ് ചെയ്ത ശേഷം സ്റ്റേഷൻ ജാമ്യത്തിൽ വിട്ടയച്ചതായി ഉത്തരകന്നഡ എസ്പി എം.നാരായണ പറഞ്ഞു. ഇത്തരം അപകടകരമായ സ്ഥലങ്ങളിലേക്കു വിനോദയാത്ര സംഘടിപ്പിക്കും മുൻപ് അധ്യാപകർ വിദ്യാർഥികൾക്കു സുരക്ഷാ ബോധവൽക്കരണം നൽകണമെന്നു മുഖ്യമന്ത്രി നിർദേശിച്ചു.
ചാലക്കുടി. മേലൂരിൽ സ്വയം പ്രസവം എടുത്തതിന് തുടർന്ന് നവജാത ശിശു മരിച്ചു. ഒഡീഷാ സ്വദേശി ഗുല്ലി – ശാന്തി ദമ്പതികളുടെ കുട്ടിയാണ് പ്രസവത്തോടെ മരിച്ചത്. വീട്ടിൽ വച്ച് പ്രസവം നടത്തുകയും പൊക്കിൾകൊടി അറുത്തുമാറ്റിയതിന് പിന്നാലെ കുട്ടി മരിക്കുകയുമായിരുന്നു. ഗുരുതരമായ രക്തസ്രാവത്തെ തുടർന്ന് ശാന്തി ചാലക്കുടി താലൂക്ക് ആശുപത്രിയിൽ ചികിത്സയിലാണ്. ഇന്നുച്ചയ്ക്ക് പ്രസവവേദന അനുഭവപ്പെട്ടതിന് പിന്നാലെ വീട്ടിൽ വച്ച് ശാന്തി പ്രസവിച്ചു. പിന്നാലെ സ്വയം പൊക്കിൾ കൂടി അറുത്തുമാറ്റിയെങ്കിലും അമിത രക്തസ്രാവും ഉണ്ടായി. ആശുപത്രിയിലേക്ക് എത്തിക്കുമ്പോഴേക്കും കുട്ടി മരിച്ചിരുന്നു എന്നതാണ് പ്രാഥമിക വിവരം. തിങ്കളാഴ്ച ആശുപത്രിയിൽ പോയിരുന്നെങ്കിലും ഡോക്ടർ ഇല്ലാതിരുന്നതാണ് വീട്ടിൽ പ്രസവിക്കാൻ ഇടയാക്കിയതെന്ന് ഭർത്താവ് ഗുല്ലി പറഞ്ഞു.
കൊല്ലം: തലേദിവസം വരെ നടത്തിയ വർഗീയ വിദ്വേഷ രാഷ്ട്രീയത്തെ മറന്നു സന്ദീപ് വാരിയരെ ‘ഉത്തമനായ സഖാവ്’ ആക്കാൻ നോക്കിയ നേതാക്കളാണ് പാർട്ടിയുടേതെന്നു സിപിഎം ജില്ലാ സമ്മേളനത്തിൽ വിമർശനം. കോൺഗ്രസിൽ ചേർന്നപ്പോൾ അയാളുടെ വർഗീയ രാഷ്ട്രീയത്തെ ഉപയോഗിച്ച് പത്രപ്പരസ്യം നൽകി ന്യൂനപക്ഷങ്ങളെ കബളിപ്പിക്കാൻ ശ്രമിച്ചെന്നും പ്രതിനിധികൾ വിമർശിച്ചു.
മന്ത്രി കെ.ബി.ഗണേഷ് കുമാറിനെതിരെയും വിമർശനമുണ്ടായി. ഇടതുമുന്നണി സ്ഥാനാർഥിയായി പത്തനാപുരത്തു മത്സരിച്ചു വിജയിച്ചു മന്ത്രിയായ ഗണേഷ്കുമാർ സിപിഎമ്മിനു ബാധ്യതയാണെന്നു പ്രതിനിധികൾ വിമർശിച്ചു. ഈ സർക്കാരിൽ രാഷ്ട്രീയ അഴിമതി കുറഞ്ഞെങ്കിലും ഉദ്യോഗസ്ഥ തലത്തിൽ വൻ അഴിമതി അരങ്ങേറുന്നു. പാർട്ടിക്കാർക്കു പൊലീസ് സ്റ്റേഷനിൽപ്പോലും നീതി കിട്ടുന്നില്ല. മറ്റു പാർട്ടിക്കാർക്കു കിട്ടുന്ന പരിഗണന പോലും പാർട്ടിക്കാർക്കില്ല.
യുവത്വത്തിന് അവസരം എന്ന പേരിൽ ആര്യ രാജേന്ദ്രനെ തിരുവനന്തപുരം കോർപറേഷനിൽ മേയറാക്കിയത് ആനമണ്ടത്തരമായി. കോർപറേഷൻ ഡിവിഷനുകളിൽ ഇപ്പോൾ പലയിടത്തും ബിജെപി മുന്നേറ്റമാണ്. ആര്യയുടെ പക്വതയില്ലാത്ത പെരുമാറ്റം ഇപ്പോൾ മാത്രമല്ല, ഭാവിയിലും പാർട്ടിക്കു ദോഷമാകും.
പാർലമെന്റിൽ ഇടതുപക്ഷത്തിനു മുഖമില്ലാതായി. ഡിവൈഎഫ്ഐ നേതാവ് എ.എ.റഹീമിനെ രാജ്യസഭയിലേക്ക് അയച്ചത് എന്തിനു വേണ്ടിയാണ് ? ആൾ മോശമാണെന്നു പറയുന്നില്ലെങ്കിലും പ്രകടനം പരിതാപകരമാണെന്നും പ്രതിനിധികൾ വിമർശിച്ചു. പാർട്ടിയിൽ വിരമിക്കൽ പ്രായം 75 വയസ്സ് നോക്കിയല്ല കണക്കാക്കേണ്ടത്. വിവരക്കേട് പറയുന്ന നേതാക്കളെ അപ്പോൾ തന്നെ ഒഴിവാക്കണമെന്നും വിമർശനമുണ്ടായി.
കൊച്ചി.തൃക്കാക്കര നഗരസഭയിൽ വരുന്നത് കൂട്ട അയോഗ്യത. രണ്ട് കൗൺസിലർമാരെ കൂടി ഇന്ന് അയോഗ്യരാക്കും. ഭരണ പ്രതിപക്ഷത്തെ മൂന്ന് കൗൺസിലർമാരുടെ ഹാജർ നില പരിശോധിക്കാനും തീരുമാനം. കഴിഞ്ഞയാഴ്ച മുൻ നഗരസഭ ചെയർപേഴ്സൺ അജിതാ തങ്കപ്പനെ അയോഗ്യയാക്കിയിരുന്നു. സിപിഎമ്മിലെ ഉഷാ പ്രവീൺ, കോൺഗ്രസിലെ രജനി ജീവൻ എന്നിവരെയാകും ഇന്ന് അയോഗ്യാക്കുക. തുടർച്ചയായി കൗൺസിൽ യോഗങ്ങളിൽ പങ്കെടുക്കാത്തത് ആണ് നടപടി
