ന്യൂഡൽഹി : ഡൽഹിയിലെ ആറോളം സ്കൂളുകള്ക്ക് നേരെ വീണ്ടും ബോംബ് ഭീഷണി. ഇന്ന് രാവിലെ വന്ന ബോംബ് ഭീഷണിയെത്തുടര്ന്ന് സ്കൂളുകള്ക്ക് അവധി നല്കി. പശ്ചിമ വിഹാറിലെ ഭട്നഗർ ഇന്റർനാഷണൽ സ്കൂൾ, ശ്രീനിവാസ് പുരിയിലെ കേംബ്രിഡ്ജ് സ്കൂൾ, ഈസ്റ്റ് ഓഫ് കൈലാഷിലെ ഡിപിഎസ് അമർ കോളനി തുടങ്ങിയ സ്കൂളുകളിലേക്ക് ബോംബ് ഭീഷണിയെത്തി.
ഭട്നഗർ ഇന്റർനാഷണൽ സ്കൂളിലേക്ക് രാവിവെ 4.21 നും, കേംബ്രിഡ്ജ് സ്കൂളിലേക്ക് 6.23 നും ഡിപിഎസ് അമർ കോളനിയി സ്കൂളിലേക്ക് 6.35 നുമാണ് ബോംബ് ഭീഷണി സന്ദേശമെത്തി. വിദ്യാർത്ഥികളുടെയും ജീവനക്കാരുടെയും സുരക്ഷ ഉറപ്പാക്കാനും സഹായിക്കാനും ഫയർ ടെൻഡറുകൾ അയച്ചിട്ടുണ്ട്. ഈ ആഴ്ചയിൽ ഇത് രണ്ടാം തവണയാണ് ഡൽഹിയിലെ സ്കൂളുകൾക്ക് ബോംബ് ഭീഷണി ലഭിക്കുന്നത്.
“കുട്ടികള് സ്കൂൾ വളപ്പിൽ പ്രവേശിക്കുമ്പോൾ അവരുടെ ബാഗുകൾ ഇടയ്ക്കിടെ പരിശോധിക്കില്ലെന്ന് എനിക്ക് ഉറപ്പുണ്ട്. കെട്ടിടങ്ങൾ നശിപ്പിക്കാനും ആളുകളെ ഉപദ്രവിക്കാനും ബോംബുകൾക്ക് ശക്തിയുണ്ട്. ഡിസംബർ 13, 14 തുടങ്ങിയ രണ്ട് ദിവസങ്ങളില് ഏതെങ്കിലുമൊരു ദിവസം നിങ്ങളുടെ സ്കൂളില് ബോംബ് പൊട്ടിച്ചിതറും. ഡിസംബർ 14 ന് ചില സ്കൂളുകളിൽ നേരത്തെ തീരുമാനിച്ച രക്ഷാകർതൃ മീറ്റിംഗ് ഉണ്ട്. ഈ സമയം ബോംബുകൾ ബ്ലാസ്റ്റ് ചെയ്യാന് പറ്റിയ നല്ല അവസരമാണ്” ഇമെയില് സന്ദേശത്തോടെ എന് ഡി ടി വി റിപ്പോര്ട്ട് ചെയ്യുന്നു.
അഗ്നിശമന സേന, പോലീസ്, ബോംബ് ഡിറ്റക്ഷൻ ടീം, ഡോഗ് സ്ക്വാഡുകൾ എന്നിവരും സ്കൂളിലെത്തി പരിശോധന നടത്തിവരികയാണെന്ന് അധികൃതർ അറിയിച്ചു. അതേ സമയം ഐ പി അഡ്രസ് ഉള്പ്പെടെയുള്ള കാര്യങ്ങള് അന്വേഷിച്ചു വരികയാണെന്ന് ഡൽഹി പൊലീസ് അറിയിച്ചു.
വിഷയം അത്യന്തം ഗുരുതരവും ആശങ്കാജനകവുമാണെന്ന് ആം ആദ്മി പാർട്ടി തലവനും മുന് ഡൽഹി മുഖ്യമന്ത്രിയുമായിരുന്ന അരവിന്ദ് കെജ്രിവാള് പറഞ്ഞു. ബോംബ് ഭീഷണി ഇങ്ങനെ തുടര്ക്കഥ ആയാല് ഇത് കുട്ടികളെയും അവരുടെ പഠനത്തെയും ബാധിക്കുമെന്ന് അദ്ദേഹം കൂട്ടിച്ചേര്ത്തു.
ഡിസംബർ ഒൻപതിന് ഡൽഹിയിലെ നാല്പതിലധികം സ്കൂളുകൾക്ക് സമാനമായ ബോംബ് ഭീഷണി ഇമെയിൽ വഴി ലഭിച്ചിരുന്നു. പിന്നീട് ബോംബ് ഭീഷണി വ്യാജമാണെന്ന് പൊലീസ് അറിയിച്ചിരുന്നു. ഇതിനു ശേഷം ഞായറാഴ്ച രാത്രി 11:38 ന് അയച്ച ഇമെയിലിൽ സ്കൂൾ കെട്ടിടങ്ങൾക്കുള്ളിൽ ഒന്നിലധികം ബോംബുകള് വച്ചിട്ടുണ്ടെന്നും ബോംബുകൾ നിർവീര്യമാക്കാൻ അയച്ചയാൾ 30,000 ഡോളര് തരണമെന്നും ആവശ്യപ്പെട്ടുള്ള സന്ദേശമെത്തി.
? പാലക്കാട് പനയമ്പാടത്ത് സ്കൂള് വിദ്യാര്ത്ഥിനികള്ക്കിടയിലേക്ക് നിയന്ത്രണം തെറ്റി സിമന്റ് ലോറി മറിഞ്ഞുണ്ടായ അപകടത്തില് 4 വിദ്യാര്ത്ഥിനികള്ക്ക് ദാരുണാന്ത്യം.
? അത്തിക്കല് വീട്ടില് ഷറഫുദ്ദീന്-സജ്ന ദമ്പതികളുടെ മകള് അയിഷ, പിലാതൊടി വീട്ടില് അബ്ദുള് റഫീക്ക്,-സജീന ദമ്പതികളിടെ മകള് റിദ ഫാത്തിമ, അബ്ദുള് സലീം- നബീസ ദമ്പതികളുടെ മകള് നിദ ഫാത്തിമ, അബ്ദുള് സലാം- ഫരിസ ദമ്പതികളുടെ മകള് ഇര്ഫാന ഷെറില് എന്നിവരാണ് മരിച്ചത്. ഒരു വിദ്യാര്ത്ഥിനി അത്ഭുതകരമായി രക്ഷപ്പെട്ടു.
?പരീക്ഷ കഴിഞ്ഞ് മടങ്ങുകയായിരുന്ന വിദ്യാര്ത്ഥിനികള്ക്ക് ഇടയിലേക്കാണ് നിയന്ത്രണം തെറ്റിവന്ന സിമന്റ് ലോറി മറിഞ്ഞ് വീണത്.
? പനയമ്പാടത്ത് സിമന്റ് ലോറി ഇടിച്ചുകയറി മരിച്ച നാല് സ്കൂള് വിദ്യാര്ഥിനികളേയും ഒരുമിച്ച് ഇന്ന് കബറടക്കം. രാവിലെ ആറോടെ മൃതദേഹങ്ങള് ആശുപത്രിയില്നിന്ന് വീടുകളില് എത്തിക്കും. രണ്ടു മണിക്കൂര്നേരം ഇവിടെ പൊതുദര്ശനം ഉണ്ടാകും. തുടര്ന്ന് 8.30-ഓടെ തുപ്പനാട് കരിമ്പനയ്ക്കല് ഹാളിലേക്ക് മൃതദേഹങ്ങള് കൊണ്ടുവരും.
?അപകടത്തില് പെട്ട സിമന്റ് ലോറിയില് മറ്റൊരു ലോറി ഇടിക്കുകയായിരുന്നു. ഇതേ തുടര്ന്ന് സിമന്റ് കയറ്റിയ ലോറിയുടെ നിയന്ത്രണം നഷ്ടമായി മറിയുകയായിരുന്നുവെന്നും ആര്ടിഒ പറഞ്ഞു. ഇന്നലെ വൈകിട്ട് നാലോടെയാണ് അപകടമുണ്ടായത്.കരിമ്പ ഹയര് സെക്കന്ഡറി സ്കൂളിലെ വിദ്യാര്ത്ഥികളാണ് അപകടത്തില്പ്പെട്ടത്.
?വയനാട് ദുരന്തത്തെ അതിതീവ്ര ദുരന്തമായി പ്രഖ്യാപിക്കാതേയും വയനാടിനായി പ്രത്യേക പ്രഖ്യാപനങ്ങളൊന്നുമില്ലാതേയും ചര്ച്ച പൂര്ത്തിയാക്കി ദുരന്ത നിവാരണ നിയമ ഭേദഗതി ബില് ലോക്സഭയില് പാസാക്കി. പ്രത്യേക പാക്കേജ് സംബന്ധിച്ചോ, അതി തീവ്ര ദുരന്ത പ്രഖ്യാപനം സംബന്ധിച്ചോ യാതൊരു സൂചനയും ദുരന്ത നിവാരണ നിയമ ഭേദഗതി ബില്ലിന്മേല് സംസാരിച്ച ആഭ്യന്തര സഹമന്ത്രി നിത്യാനന്ദ റായ് ലോക് സഭയില് നല്കിയില്ല.
?പാലക്കാട് കല്ലടിക്കോട് നാലു വിദ്യാര്ത്ഥിനികളുടെ മരണത്തിനിടയാക്കിയ ലോറിയുടെ ഡ്രൈവര് മഹേന്ദ്ര പ്രസാദിനെ പോലീസ് കസ്റ്റഡിയിലെടുത്തു. ആശുപത്രിയില് നിന്നാണ് ലോറി ഡ്രൈവര് മഹേന്ദ്ര പ്രസാദിനെ മണ്ണാര്ക്കാട് പോലീസ് കസ്റ്റഡിയില് എടുത്തത്.
?പാലക്കാട് കല്ലടിക്കോട് പനയമ്പാടത്ത് ഉണ്ടായ അപകടം ദൗര്ഭാഗ്യകരമാണെന്നും കുട്ടികള് മരിച്ച സംഭവം വളരെ വേദനയുണ്ടാക്കുന്നതാണെന്നും അന്വേഷണത്തിന് നിര്ദേശം നല്കിയിട്ടുണ്ടെന്നും അടിയന്തര റിപ്പോര്ട്ട് തേടിയിട്ടുണ്ടെന്നും ഗതാഗത മന്ത്രി കെബി ഗണേഷ് കുമാര് ദില്ലിയില് പറഞ്ഞു.
? കേന്ദ്ര സര്ക്കാര് സെന്റര് ഓഫ് എക്സലന്സ് ആയി തിരുവനന്തപുരം സര്ക്കാര് മെഡിക്കല് കോളേജിലെ എമര്ജന്സി മെഡിസിന് വിഭാഗത്തെ തിരഞ്ഞെടുത്തു. അത്യാഹിത വിഭാഗ ചികിത്സയുടെ പഠനത്തിനായി നീതി ആയോഗ് – ഐസിഎംആര് തിരഞ്ഞടുക്കുന്ന രാജ്യത്തെ 5 മെഡിക്കല് കോളേജുകളുടെ പട്ടികയിലാണ് തിരുവനന്തപുരം മെഡിക്കല് കോളേജും ഉള്പ്പെട്ടത്.
?എഡിഎം നവീന് ബാബുവിനെ കൊന്നശേഷം കെട്ടിതൂക്കിയതെന്ന് സംശയിക്കുന്നതായി ഹര്ജിക്കാരിയായ ഭാര്യ മഞ്ജുഷ കോടതിയെ അറിയിച്ചു. തനിക്ക് തെറ്റുപറ്റി പോയി എന്ന് നവീന് ബാബു പറഞ്ഞതായുളള കളക്ടറുടെ മൊഴി പിന്നീട് സൃഷ്ടിച്ചതാണെന്നും ഹര്ജിക്കാരി ആരോപിച്ചു.
? ഹേമ കമ്മിറ്റി റിപ്പോര്ട്ടിന്റെ അടിസ്ഥാനത്തില് പ്രത്യേക അന്വേഷണ സംഘം എടുത്ത കേസ് തുടരാന് താത്പര്യമില്ലെന്ന് നടി മാല പാര്വതി ഉള്പ്പെടെയുള്ള ഹര്ജിക്കാര് സുപ്രീം കോടതിയില് വ്യക്തമാക്കി.
?നടിയെ ആക്രമിച്ച കേസില് കോടതിയലക്ഷ്യ ഹര്ജിയില് മുന് ഡിജിപി ആര് ശ്രീലേഖയ്ക്ക് വിചാരണ കോടതി നോട്ടീസയച്ചു. പ്രതിയായ ദിലീപിനെതിരെ തെളിവില്ലെന്ന് പറഞ്ഞത് കോടതിയലക്ഷ്യമാണെന്ന ആക്രമിക്കപ്പെട്ട നടിയിുടെ പരാതിയുടെ അടിസ്ഥാനത്തിലാണ് നോട്ടീസ് ലഭിച്ചിരിക്കുന്നത്.
?വയനാടുണ്ടായ ഉരുള്പൊട്ടല് ദുരന്തവുമായി ബന്ധപ്പെട്ട് കൂടുതല് സഹായം കിട്ടാന് കേരളത്തിന് അര്ഹതയുണ്ടെന്ന് കേന്ദ്ര സര്ക്കാരിനെ ബോധ്യപ്പെടുത്തണമെന്ന് സംസ്ഥാന സര്ക്കാരിനോട് ഹൈക്കോടതി അറിയിച്ചു.
? കൊട്ടാരക്കര താലൂക്ക് ആശുപത്രിയില് ഹൗസ് സര്ജനായിരുന്ന ഡോ. വന്ദന ദാസിനെ കൊലപ്പെടുത്തിയ കേസില് പ്രതി സന്ദീപിന് ജാമ്യം നല്കരുതെന്ന് സംസ്ഥാന സര്ക്കാര് സുപ്രീംകോടതിയില്.
?തിരുവനന്തപുരത്ത് നിന്ന് ഗുജറാത്തിലെ അഹമ്മദാബാദിലേക്ക് പുതിയ വിമാന സര്വീസ് തുടങ്ങി. ഇന്ഡിഗോ എയര്ലൈന്സ് നടത്തുന്ന സര്വീസ് തുടക്കത്തില് ആഴ്ചയില് നാലു ദിവസമായിരിക്കുമെന്നാണ് അധികൃതര് അറിയിച്ചിരിക്കുന്നത്.
? പതിനെട്ട് വര്ഷമായി റിയാദിലെ ജയിലില് കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി മച്ചിലകത്ത് അബ്ദുല് റഹീമിന്റെ മോചനത്തിനായി ഇന്നലെ ഉച്ചക്ക് 12.30ന് റിയാദ് ക്രിമിനല് കോടതിയില് ചേരാന് നിശ്ചയിച്ച സിറ്റിങ് സാങ്കേതിക കാരണങ്ങളാല് മാറ്റി വെച്ചു.
?? ദേശീയം ??
?ചതുരംഗക്കളത്തില് പുതുചരിത്രമെഴുതി ലോക ചാമ്പ്യനായി ഇന്ത്യന് ഗ്രാന്ഡ്മാസ്റ്റര് ഗുകേഷ് ദൊമ്മരാജു. നിലവിലെ ലോക ചാമ്പ്യനായ ചൈനയുടെ ഡിങ് ലിറനെ അവസാന ഗെയിമില് അട്ടിമറിച്ചാണ് ഗുകേഷ് കിരീടം സ്വന്തമാക്കിയത്. 18 വയസ്സ് മാത്രം പ്രായമുള്ള ഗുകേഷ് ചരിത്രത്തിലെ ഏറ്റവും പ്രായം കുറഞ്ഞ ലോക ചാമ്പ്യനാണ്.
?തമിഴ്നാട് ദിണ്ടിഗലില് സ്വകാര്യ ആശുപത്രിയില് തീപ്പിടിത്തമുണ്ടായി ഏഴുപേര്ക്ക് ദാരുണാന്ത്യം. മരിച്ചവരില് ആറ് പേര് ലിഫ്റ്റില് കുടുങ്ങിയവരായിരുന്നു. ഇരുപതോളം പേര്ക്ക് പരിക്കേറ്റു. ഇന്നലെ രാത്രി ഒന്പത് മണിയോടെയാണ് തീപ്പിടിത്തമുണ്ടായത്.
?മുസ്ലിം പള്ളികളില് സര്വേ ആവശ്യപ്പെട്ടുള്ള ഹര്ജികളിലെ തുടര്നടപടികള് സുപ്രീം കോടതി സ്റ്റേ ചെയ്തു. സര്വേകള് ആവശ്യപ്പെട്ടുള്ള ഹര്ജികളില് അന്തിമ ഉത്തരവോ ഇടക്കാല ഉത്തരവുകളോ പുറപ്പെടുവിക്കരുത് എന്ന് കീഴ്കോടതികള്ക്ക് നിര്ദേശം നല്കി. ആരാധനാലയങ്ങളില്
? ഛത്തീസ്ഗഢില് മാവോയിസ്റ്റുകളും സുരക്ഷാ സേനയും തമ്മില് ഏറ്റുമുട്ടല്. നാരായണ്പൂര്, ദന്തേവാഡ ജില്ലകളുടെ അതിര്ത്തിയിലുള്ള അബുജ്മര് പട്ടണത്തോട് ചേര്ന്ന വനമേഖലയിലാണ് ഏറ്റുമുട്ടലുണ്ടായത്..
?രാജ്യത്ത് റോഡ് അപകടങ്ങള് വര്ധിച്ചതായും ജനങ്ങളുടെ സ്വഭാവത്തില് മാറ്റങ്ങള് വരേണ്ടതുണ്ടെന്നും കേന്ദ്ര റോഡ് ഗതാഗത, ഹൈവേ വകുപ്പ് മന്ത്രി നിതിന് ഗഡ്കരി.
? കായികം ?
?ലോക ചെസ് കിരീടം നേടിയ ഇന്ത്യയുടെ അഭിമാനതാരം ഗുകേഷ് ദൊമ്മരാജുവിന് അഭിനന്ദന പ്രവാഹം. സമാനതകളില്ലാത്ത കഴിവിന്റെയും കഠിനാധ്വാനത്തിന്റെയും നിശ്ചയദാര്ഢ്യത്തിന്റെയും ഫലമാണ് ഗുകേഷിന്റെ വിജയമെന്ന് പ്രധാനമന്ത്രി നരേന്ദ്ര മോദി അഭിനന്ദിച്ചു. ഇന്ത്യക്ക് അഭിമാനകരമായ നേട്ടമാണ് ഗുകേഷ് നല്കിയതെന്നും അദ്ദേഹത്തിന്റെ വിജയത്തിലൂടെ, ചെസ്സിന്റെ ശക്തികേന്ദ്രം ഇന്ത്യയാണെന്ന് ഉറപ്പിച്ചിരിക്കുന്നതായും രാഷ്ട്രപതി ദ്രൗപദി മുര്മു വ്യക്തമാക്കി.
? ലോക ചെസ് ചാമ്പ്യനായ ദൊമ്മരാജു ഗുകേഷ് എന്ന ഡി.ഗുകേഷ് രജനീകാന്ത് – പത്മ ദമ്പതികളുടെ മകനായി 2006 മേയ് 29നാണ് ജനിച്ചത്. പിതാവ് രജനീകാന്ത് ഇഎന്ടി സര്ജനും അമ്മ ഡോ.പത്മ മൈക്രോബയോളജിസ്റ്റുമാണ്. തെലുങ്കു കുടുംബത്തില് ജനിച്ച ഗുകേഷ് ഏഴാം വയസ്സിലാണ് ചെസ് കളിച്ചു തുടങ്ങിയത്.
ലണ്ടൻ: ഗാർഹിക പീഡനം ഭയന്ന് അഭയകേന്ദ്രത്തിലെത്തിയ അമ്മയിൽ നിന്ന് നാല് വർഷം നീണ്ട കോടതി നടപടികളിലൂടെ മകളുടെ സംരക്ഷണാവകാശം നേടിയെടുത്തതിന് പിന്നാലെ 10 വയസുകാരിയോട് പിതാവും രണ്ടാനമ്മയും ചെയ്തത് സമാനതകളില്ലാത്ത ക്രൂരത. ബ്രിട്ടനിലെ സറേയിലെ വീട്ടിനുള്ളിൽ 10 വയസുകാരി ക്രിക്കറ്റ് ബാറ്റിനും ഇരുമ്പ് വടികൊണ്ടും അടിയേറ്റ് മരിച്ച നിലയിൽ കണ്ട സംഭവത്തിൽ പാകിസ്ഥാൻ സ്വദേശികളായ പിതാവും രണ്ടാനമ്മയും അടുത്ത ബന്ധുവും കുറ്റക്കാരെന്ന് കോടത്. 2023 ഓഗസ്റ്റിലാണ് ബ്രിട്ടനിലെ സറേയിലെ വീട്ടിൽ മരിച്ചത്.
ഉർഫാൻ ഷരീഫ്, രണ്ടാം ഭാര്യ ബെയ്നാഷ് ബട്ടൂൽ, ബന്ധു ഫൈസൽ മാലിക് എന്നിവരെയാണ് ബ്രിട്ടനിലെ കോടതി മകളുടെ മരണത്തിൽ കുറ്റക്കാരാണെന്ന് കണ്ടെത്തിയത്. ശരീരത്തിൽ 25 സ്ഥലത്തായി എല്ലുകൾ പൊട്ടിയ നിലയിലും 71 ഇടത്തായി പരിക്കുമേറ്റ നിലയിലാണ് കുട്ടിയുടെ മൃതദേഹം പൊലീസ് കണ്ടെത്തിയത്. പത്തുവയസുകാരിയുടെ ശരീരത്തിൽ ആറ് ഇടത്ത് കടിയേറ്റതിന്റെ പരിക്കുമുണ്ടായിരുന്നു. കൈകാലുകൾ ഡക്റ്റ് ടേപ്പ് ഉപയോഗിച്ച് കെട്ടിയിട്ട നിലയിലാണ് മൃതദേഹം കണ്ടെത്തിയത്. പാകിസ്ഥാൻ സ്വദേശിയായ 43 കാരന് പോളണ്ട് സ്വദേശിയായ ഒൾഗ ഡൊമിൻ എന്ന 38കാരിയായ ആദ്യ ഭാര്യയിലുണ്ടായ മകളാണ് ക്രൂരമായി കൊല്ലപ്പെട്ടത്.
വീട്ടിൽ കുട്ടിക്ക് പരിക്കേൽക്കുന്നത് പതിവായിരുന്നതെന്നും ഇത് അധ്യാപകരുടെ ശ്രദ്ധയിൽ കാണാതിരിക്കാൻ ശരീരം മുഴുവൻ മൂടുന്ന രീതിയിലുള്ള വസ്ത്രധാരണമായിരുന്നു കുട്ടി സ്വീകരിച്ചതെന്നും അന്വേഷണത്തിനിടയിൽ വ്യക്തമായിരുന്നു. മകളെ കൊലപ്പെടുത്തിയതായി പൊലീസുകാരെ വിളിച്ച് അറിയിച്ചത് പിതാവ് തന്നെയായിരുന്നു. ജോലി കഴിഞ്ഞ് തിരികെ എത്തുന്ന ഉർഫാൻ ഷരീഫിനോട് കുട്ടിയെക്കുറിച്ച് രണ്ടാം ഭാര്യ പതിവായി പരാതി പറയുകയും ഇതിന് ശേഷം മർദ്ദനവുമെന്നതായിരുന്നു ഇവരുടെ രീതി.
ഇതേ അപാർട്ട്മെന്റിൽ കുട്ടിയുടെ കുടുംബത്തിനൊപ്പം താമസിച്ചിരുന്ന ഫൈസൽ മാലിക് അക്രമത്തേക്കുറിച്ച് ഒരിക്കൽ പോലും പൊലീസിൽ റിപ്പോർട്ട് ചെയ്തിരുന്നില്ല. മരണപ്പെട്ട ദിവസം ക്രിക്കറ്റ് ബാറ്റിനും ഇരുമ്പ് കമ്പിക്കുമുള്ള മർദ്ദനത്തിന് പുറമേ പിതാവ് പത്ത് വയസുകാരിയുടെ വയറിൽ ആഞ്ഞ് അടിക്കുകയും ചെയ്തതായും പൊലീസ് കണ്ടെത്തിയിരുന്നു. കൊലപാതകത്തിന് പിന്നാലെ പാകിസ്ഥാനിലേക്ക് കടന്ന ശേഷമായിരുന്നു പിതാവ് മകളെ കൊലപ്പെടുത്തിയ വിവരം പൊലീസിനെ വിളിച്ച് അറിയിക്കുന്നത്. എട്ട് ആഴ്ചത്തെ വിചാരണയ്ക്ക് ഒടുവിലാണ് പിതാവും രണ്ടാനമ്മയും കൊലപാതകം ചെയ്തതായി കോടതി കണ്ടെത്തിയത്. കുട്ടിയ്ക്ക് ദാരുണ മരണം സംഭവിക്കാൻ അനുവദിച്ചതിനാണ് ഫൈസൽ മാലിക് കുറ്റക്കാരനെന്ന് കണ്ടെത്തിയിട്ടുള്ളത്.
ഗാർഹിക പീഡനം പതിവായതിനാലാണ് കുട്ടിയുടെ മാതാവ് വിവാഹമോചനം നേടിയത്. ഇതിന് ശേഷം നാല് വർഷത്തെ കേസ് നടത്തിപ്പിനൊടുവിലാണ് കുട്ടിയുടെ സംരക്ഷണാവകാശം ഇയാൾ നേടിയത്. 2015ൽ കുട്ടിയും അമ്മയും ഗാർഹിക പീഡനത്തിൽ നിന്ന് രക്ഷപ്പെടാൻ ശ്രമിക്കുന്നവർക്കായുള്ള അഭയ കേന്ദ്രത്തിൽ എത്തിയത്. കുട്ടിയുടെ സംരക്ഷണാവകാശം നേടിയെടുക്കാനായി ആദ്യ ഭാര്യയെ മാനസികരോഗി എന്ന് വരുത്തിതീർക്കാൻ ഉർഫാൻ ഷരീഫിന് സാധിച്ചിരുന്നു. കുട്ടിയുടെ മരണത്തിന് പിന്നിൽ മാനസിക രോഗിയായ രണ്ടാം ഭാര്യയാണ് കാരണമെന്ന് ഇയാൾ വിചാരണയ്ക്കിടെ നിരവധി തവണ സ്ഥാപിക്കാൻ ശ്രമിച്ചെങ്കിലും കോടതി ഇയാളുടെ വാദം തള്ളുകയായിരുന്നു.
ന്യൂഡൽഹി : ജഡ്ജിമാർ സോഷ്യൽ മീഡിയ ഉപയോഗിക്കുന്നത് ഒഴിവാക്കണമെന്നും വിധികളെക്കുറിച്ചുള്ള അഭിപ്രായങ്ങൾ ഓൺലൈനിലൂടെ പങ്കുവയ്ക്കുന്നതില് നിന്ന് വിട്ടു നില്ക്കണമെന്നും സുപ്രീം കോടതി. ജഡ്ജിമാർ സന്യാസിയെപ്പോലെ ജീവിക്കുകയും കുതിരയെപ്പോലെ പ്രവർത്തിക്കുകയും ചെയ്യണമെന്നും സുപ്രീം കോടതി നിരീക്ഷിച്ചു. ജുഡീഷ്യറിയിൽ പ്രദർശനങ്ങള്ക്ക് സ്ഥാനമില്ലെന്ന് പറഞ്ഞ കോടതി ജുഡീഷ്യല് ഓഫീസര്മാര് ഫെയ്ല്ബുക്കില് അഭിപ്രായങ്ങള് പ്രകടിപ്പിച്ചാല് നാളെ വിധിക്കാനിരുന്ന വിധി ഒരു തരത്തിലല്ലെങ്കില് മറ്റൊരു തരത്തില് പുറത്തു വരുമെന്നും പറഞ്ഞു.
മധ്യപ്രദേശ് ഹൈക്കോടതിയിലെ വനിതാ ജുഡീഷ്യൽ ഓഫീസർമാരായ അദിതി കുമാർ ശർമ്മ, സരിതാ ചൗധരി എന്നിവരെ പിരിച്ചുവിട്ട കേസിൽ വാദം കേൾക്കുന്നതിനിടെയാണ് ജസ്റ്റിസുമാരായ ബി വി നാഗരത്ന, എൻ കോടീശ്വർ സിംഗ് എന്നിവരടങ്ങിയ ബെഞ്ച് വാക്കാലുള്ള പരാമർശം നടത്തിയത്.
“ഇത് (സോഷ്യൽ മീഡിയ) ഒരു തുറന്ന പ്ലാറ്റ്ഫോമാണ്. നിങ്ങൾ ഒരു സന്യാസിയായി ജീവിക്കണം, ഒരു കുതിരയെപ്പോലെ ജോലി ചെയ്യണം. ജുഡീഷ്യൽ ഓഫീസർമാർ വളരെയധികം ത്യാഗം ചെയ്യണം. അവർ ഫേസ്ബുക്കിൽ കയറരുത്” കോടതി നിരീക്ഷിച്ചു.
അമിക്കസ് ക്യൂറിയും കോടതിയുടെ ഉപദേശകനുമായിരുന്ന മുതിർന്ന അഭിഭാഷകനായ ഗൗരവ് അഗർവാളിന്റെ സബ്മിഷനെത്തുടര്ന്നാണ് വനിതാ ജഡ്ജികള്ക്കെതിരെ പരാതികള് ഉയര്ന്നത്. ഗൗരവ് അഗർവാളിന്റെ സബ്മിഷനില് ജഡ്ജിയുടെ ഫേസ്ബുക്ക് പോസ്റ്റും അദ്ദേഹം ചൂണ്ടിക്കാട്ടിയിരുന്നു.
2023 നവംബർ 11 ന് പെര്ഫോമന്സ് അടിസ്ഥാനത്തിൽ ആറ് വനിതാ സിവിൽ ജഡ്ജിമാരെ പിരിച്ചുവിട്ട നടപടി സുപ്രീം കോടതി പരിഗണിച്ചിരുന്നു. ഓഗസ്റ്റ് ഒന്നിന് മധ്യപ്രദേശ് ഹൈക്കോടതി അവരിൽ നാല് പേരെ തിരിച്ചെടുക്കാൻ തീരുമാനിച്ചു . ജ്യോതി വർക്കഡെ, സുശ്രീ സോനാക്ഷി ജോഷി. , സുശ്രീ പ്രിയ ശർമ്മ, രചന അതുൽക്കർ ജോഷി എന്നിവരെയാണ് ചില നിബന്ധനകള്ക്ക് വിധേയമായി തിരിച്ചെടുത്തത്. അതേ സമയം സുപ്രീം കോടതി മറ്റ് രണ്ട് ജഡ്ജിമാരെ പിരിച്ചു വിട്ടു.
തിരുവനന്തപുരം: സംസ്ഥാനത്ത് ഇന്നും വ്യാപക മഴക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇടിമിന്നലോടു കൂടിയ മഴയുണ്ടാകുമെന്നാണ് പ്രവചനം. മൂന്ന് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട എന്നീ ജില്ലകളിലാണ് കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചത്. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്.
ആലപ്പുഴ, കോട്ടയം, ഇടുക്കി എന്നീ ജില്ലകളിൽ യെല്ലോ അലർട്ടാണ്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.കുറഞ്ഞ സമയം കൊണ്ട് വലിയ മഴയുണ്ടാകുന്ന രീതിയാണ് പ്രതീക്ഷിക്കുന്നത്. അതിതീവ്ര മഴ മലവെള്ളപ്പാച്ചിലും മിന്നൽ പ്രളയങ്ങളും സൃഷ്ടിക്കാൻ സാധ്യതയുണ്ടെന്നും ജാഗ്രത വേണമെന്നും കാലാവസ്ഥാ വകുപ്പ് മുന്നറിയിപ്പ് നൽകി.
മഴ ശക്തമായാൽ നഗരപ്രദേശങ്ങളിലും പൊതുവെ താഴ്ന്ന പ്രദേശങ്ങളിലും വെള്ളക്കെട്ട് രൂപപ്പെടാനും സാധ്യതയുണ്ട്. മഴ തുടരുന്ന സാഹചര്യം മണ്ണിടിച്ചിലും ഉരുൾപൊട്ടലും സൃഷ്ടിച്ചേക്കാം. പൊതുജനങ്ങളും സർക്കാർ സംവിധാനങ്ങളും അതീവ ജാഗ്രത പാലിക്കണമെന്ന് മുന്നറിയിപ്പിൽ പറയുന്നു. അതിതീവ്ര മഴ മുന്നറിയിപ്പുള്ളതിനാൽ ശബരിമലയില് പ്രത്യേക ജാഗ്രത വേണമെന്നു റവന്യു വകുപ്പ് പത്തനംതിട്ട കളക്ടർക്ക് നിർദ്ദേശം നൽകിയിട്ടുണ്ട്.ശബരിമല തീർഥാടനം നടക്കുന്ന സമയമായതിനാലാണ് ജാഗ്രതാ നിർദേശം നൽകിയിരിക്കുന്നത്.
കൂടാതെ ഇന്നും നാളെയും ലക്ഷദ്വീപ് തീരങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. രണ്ട് ദിവസം ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകാൻ പാടില്ലെന്നും കാലാവസ്ഥാ വകുപ്പ് വ്യക്തമാക്കി.
കേരള സര്ക്കാരിന്റെ കീഴില് ജോലി നേടാന് ആഗ്രഹിക്കുന്നവര്ക്ക് സുവര്ണ്ണാവസരം. കേരള ഫിനാന്ഷ്യല് കോര്പ്പറേഷന് ഇപ്പോള് ASSISTANT തസ്തികയിലേക്ക് നിയമനം നടത്തുന്നതിനു വേണ്ടി കേരള പബ്ലിക് സര്വീസ് കമ്മീഷന് വഴി യോഗ്യരായ ഉദ്യോഗാര്ഥികളില് നിന്നും അപേക്ഷ ക്ഷണിച്ചു. മിനിമം ഡിഗ്രി യോഗ്യത ഉള്ളവര്ക്ക് കേരള ഫിനാന്ഷ്യല് കോര്പ്പറേഷനില് അസിസ്റ്റന്റ് പോസ്റ്റുകളിലായി മൊത്തം Anticipated vacancies ഒഴിവുകളിലേക്ക് ഉദ്യോഗാര്ത്ഥികള്ക്ക് ഓണ്ലൈന് ആയി കേരള പി.എസ്.സിയുടെ വണ് ടൈം പ്രൊഫൈല് വഴി ഉദ്യോഗാര്ഥികള്ക്ക് അപേക്ഷിക്കാം. നല്ല ശമ്പളത്തില് കേരള സര്ക്കാരിന്റെ കീഴില് ജോലി ആഗ്രഹിക്കുന്നവര്ക്ക് ഈ അവസരം ഉപയോഗപ്പെടുത്താം. ഈ ജോലിക്ക് ഓണ്ലൈന് ആയി 2024 നവംബര് 30 മുതല് 2025 ജനുവരി 1 വരെ അപേക്ഷിക്കാം.
Kerala Public Service Commission Latest Notification Details
പാലക്കാട്: കല്ലടിക്കോട് പനയമ്പാടത്തിൽ സിമൻറ് ലോറി ഇടിച്ചുകയറി മരിച്ച നാല് സ്കൂൾ വിദ്യാർഥിനികൾക്ക് കണ്ണീരോടെ വിട നൽകാനൊരുങ്ങി നാട്.നാല് വിദ്യാർഥിനികളുടേയും കബറടക്കം ഇന്ന് നടക്കും. മോ4ച്ചറിയിൽ സൂക്ഷിച്ച മൃതദേഹങ്ങൾ ഇന്ന് രാവിലെ 5.30 ന് ബന്ധുക്കൾക്ക് കൈമാറി.
രാവിലെ ആറോടെ മൃതദേഹങ്ങൾ ആശുപത്രിയിൽനിന്ന് വീടുകളിൽ എത്തിച്ചു. രണ്ടു മണിക്കൂർനേരം ഇവിടെ പൊതുദർശനം നടത്തി. രാവിലെ 8.30-ന് തുപ്പനാട് കരിമ്പനയ്ക്കൽ ഹാളിൽ പൊതുദ4ശനത്തിനെ വച്ചു. പിന്നീട് 10.30 ന് തുപ്പനാട് ജുമാമസ്ജിൽ ഖബറടക്കും.
കുട്ടികൾ പഠിച്ചിരുന്ന കരിമ്പ ഹയർസെക്കൻഡറി സ്കൂളിൽ പൊതുദർശനം ഉണ്ടായിരിക്കില്ല. സ്കൂളിനു ഇന്ന് അവധി പ്രഖ്യാപിച്ചിട്ടുണ്ട്. സ്കൂളിൽ ഇന്ന് നടത്താനിരുന്ന എല്ലാ പരീക്ഷകളും മാറ്റിവച്ചു. കഴിഞ്ഞ ദിവസം വൈകിട്ടാണ് ഒരു നാടിനെയാകെ കണ്ണീരിലാഴ്ത്തി നാല് വിദ്യാർഥിനികളുടെ ജീവനെടുത്ത അപകടം സഭവിച്ചത്. അത്തിക്കൽ വീട്ടിൽ ഷറഫുദ്ദീൻ-സജ്ന ദമ്പതികളുടെ മകൾ അയിഷ, പിലാതൊടി വീട്ടിൽ അബ്ദുൾ റഫീക്ക്,-സജീന ദമ്പതികളിടെ മകൾ റിദ ഫാത്തിമ, അബ്ദുൾ സലാം- ഫരിസ ദമ്പതികളുടെ മകൾ ഇർഫാന ഷെറിൽ എന്നിവരാണ് മരിച്ചത്.
വൈകിട്ട് പരീക്ഷ കഴിഞ്ഞ് എട്ടാം ക്ലാസ് വിദ്യാർഥിനികൾ വീട്ടിലേക്കു മടങ്ങാൻ ബസ് സ്റ്റോപ്പിൽ നിൽക്കുമ്പോഴായിരുന്നു ദാരുണമായ അപകടം. നിയന്ത്രണം വിട്ട ലോറി വിദ്യാഥിനികളുടെ നേരെ പാഞ്ഞുകയറുകയായിരുന്നു. മരിച്ച ഇ4ഫാന ഷെറിൻ അബ്ദുൽ സലാമിൻറെ മൂന്നു മക്കളിൽ മൂത്തയാളാണ്. സ്വന്തമായി പൊടിമില്ല് നടത്തിയായിരുന്നു ഉപജീവനം. ഓട്ടോ ഡ്രൈവറായ റഫീഖിൻറെ മൂത്ത മകളാണ് മരിച്ച റിദ ഫാത്തിമ. ഒരു ആൺകുട്ടിയും പെൺകുട്ടിയും ഉൾപ്പെടെ മൂന്നുപേരായിരുന്നു മക്കൾ. മരിച്ച നിദ ഫാത്തിമയുടെ പിതാവ് പ്രവാസിയായ അബ്ദുൽ സലീം അടുത്തിടെയാണ് നാട്ടിലെത്തിയത്. രണ്ട് മക്കളിൽ ഏകമകളെയാണ് ഇവർക്ക് നഷ്ടമായത്.
പലചരക്ക് കട നടത്തുന്ന ഷറഫുദ്ധീൻറെ രണ്ടാമത്തെ മകളാണ് മരിച്ച ആയിഷ. ഒരു സഹോദരിയും ഒരു സഹോദരനമുണ്ട്. സബ്ജില്ല സ്കൂൾ കലോത്സവത്തിൽ ഒപ്പന മത്സരത്തിൽ സ്കൂൾ ടീമിന്റെ മണവാട്ടിയായിരുന്നു. എ ഗ്രേഡും ലഭിച്ചു. വരുന്ന 21 ന് സ്കൂളിന്റെ കെട്ടിടോദ്ഘാടനത്തിലും മണവാട്ടിയായി ഒരുങ്ങാനുള്ള തയാറെടുപ്പിലായിരുന്നു ആയിഷ. അതിനിടെയിലാണ് നിയന്ത്രണം വിട്ടെത്തിയ ലോറി ആ കുരുന്ന് ജീവനെടുത്തത്.
അതേസമയം അപകടത്തിൽ പരിക്കേറ്റ് ആശുപത്രിയിൽ ചികിത്സയിലുള്ള ലോറി ഡ്രൈവറുടേയും ക്ലീനറുടെയും വിശദമായ മൊഴി ഇന്നെടുക്കും. ഡ്രൈവർ മഹേന്ദ്ര പ്രസാദ്, ക്ലീനർ വർഗീസ് എന്നിവരുടെ മൊഴി കല്ലടിക്കോട് പൊലീസിന്റെ നേതൃത്വത്തിൽ രേഖപ്പെടുത്തും. മറ്റൊരു വാഹനത്തിന് സൈഡ് കൊടുത്തപ്പോൾ ബ്രേക്ക് ചവിട്ടിയെങ്കിലും വാഹനം നിയന്ത്രിക്കാനായില്ലെന്നും റോഡിൽ തെന്നലുണ്ടായിരുന്നുവെന്നുമാണ് ഡ്രൈവറുടെ മൊഴി. ചാറ്റൽ മഴയും റോഡിലെ തെന്നലും കാരണം വാഹനം നിയന്ത്രിക്കാനായില്ലെന്നും ഡ്രൈവർ മൊഴി നൽകിയിട്ടുണ്ട്. അപകടമുണ്ടാക്കിയ ലോറിക്ക് എതിരെ വന്ന വാഹന ഉടമയെയും പൊലീസ് വിശദമായി ചോദ്യം ചെയ്യും. വണ്ടൂർ സ്വദേശി പ്രജീഷിനെതിരെ ഇന്നലെ പൊലീസ് കേസെടുത്തിരുന്നു. അശ്രദ്ധമായും അമിതവേഗത്തിലും വന്നു എന്നാണ് കേസ്.
കേരള സര്ക്കാരിന്റെ കീഴില് സഹകരണ സംഘങ്ങള്, ബാങ്കുകളില് ജോലി നേടാന് ആഗ്രഹിക്കുന്നവര്ക്ക് സുവര്ണ്ണാവസരം. കേരള സ്റ്റേറ്റ് കോര്പ്പറേറ്റീവ് സര്വീസ് എക്സാമിനേഷന് ബോര്ഡ് (CSEB) ഇപ്പോള് അസിസ്റ്റന്റ് സെക്രട്ടറി, ഡേറ്റാ എന്ട്രി ഓപ്പറേറ്റര്, ജൂനിയര് ക്ലര്ക്ക്, സെക്രട്ടറി, സിസ്റ്റം അഡ്മിനിസ്ട്രേറ്റര് തസ്തികയിലേക്ക് നിയമനം നടത്തുന്നതിനു വേണ്ടി യോഗ്യരായ ഉദ്യോഗാര്ഥികളില് നിന്നും അപേക്ഷ ക്ഷണിച്ചു. മിനിമം പത്താം ക്ലാസ്സ് മുതല് യോഗ്യത ഉള്ളവര്ക്ക് അസിസ്റ്റന്റ് സെക്രട്ടറി, ഡേറ്റാ എന്ട്രി ഓപ്പറേറ്റര്, ജൂനിയര് ക്ലര്ക്ക്, സെക്രട്ടറി, സിസ്റ്റം അഡ്മിനിസ്ട്രേറ്റര് പോസ്റ്റുകളില് ആയി മൊത്തം 289 ഒഴിവുകളിലേക്ക് ഉദ്യോഗാര്ത്ഥികള്ക്ക് ഓണ്ലൈന് ആയി അപേക്ഷിക്കാം. നല്ല ശമ്പളത്തില് കേരളത്തില് സഹകരണ മേഘലയില് ജോലി ആഗ്രഹിക്കുന്നവര്ക്ക് ഈ അവസരം ഉപയോഗപ്പെടുത്താം. ഈ ജോലിക്ക് ഓണ്ലൈന് ആയി 2024 നവംബര് 25 മുതല് 2025 ജനുവരി 10 വരെ അപേക്ഷിക്കാം.
CSEB Kerala Recruitment 2025 Latest Notification Details
സ്ഥാപനത്തിന്റെ പേര്
കേരള സ്റ്റേറ്റ് കോര്പ്പറേറ്റീവ് സര്വീസ് എക്സാമിനേഷന് ബോര്ഡ് (CSEB)
കേരള സര്ക്കാരിന്റെ പോലീസ് വകുപ്പില് വകുപ്പില് ജോലി നേടാന് അവസരം. കേരള പോലീസ് ഇപ്പോള് Police Constable Driver/ Woman Police Constable Driver തസ്തികയിലേക്ക് നിയമനം നടത്തുന്നതിനു വേണ്ടി കേരള പബ്ലിക് സര്വീസ് കമ്മീഷന് വഴി യോഗ്യരായ ഉദ്യോഗാര്ഥികളില് നിന്നും അപേക്ഷ ക്ഷണിച്ചു. മിനിമം പ്ലസ്ടു യോഗ്യത ഉള്ളവര്ക്ക് കേരള പോലീസില് കോണ്സ്റ്റബിള് ഡ്രൈവര് പോസ്റ്റുകളിലായി മൊത്തം Anticipated ഒഴിവുകളിലേക്ക് ഉദ്യോഗാര്ത്ഥികള്ക്ക് ഓണ്ലൈന് ആയി കേരള പി.എസ്.സിയുടെ വണ് ടൈം പ്രൊഫൈല് വഴി ഉദ്യോഗാര്ഥികള്ക്ക് അപേക്ഷിക്കാം. നല്ല ശമ്പളത്തില് കേരള സര്ക്കാരിന്റെ കീഴില് ജോലി ആഗ്രഹിക്കുന്നവര്ക്ക് ഈ അവസരം ഉപയോഗപ്പെടുത്താം. ഈ ജോലിക്ക് ഓണ്ലൈന് ആയി 2024 നവംബര് 30 മുതല് 2025 ജനുവരി 1 വരെ അപേക്ഷിക്കാം.
Kerala Public Service Commission Latest Notification Details
കൊല്ലം:കൊല്ലം കണ്ടാല് ഇനി ഇല്ലം വേണ്ടാത്ത നില വന്നേക്കും, കൊല്ലം രാജ്യത്തെ ഏറ്റവും വിലയേറിയ നഗരമാകുമോ എന്ന് വൈകാതെ വെളിവാകും. ആഴക്കടല് എണ്ണ പര്യവേഷണവുമായി ബന്ധപ്പെട്ട് കൊല്ലം തുറമുഖത്ത് എണ്ണക്കിണര് സ്ഥാപിക്കുന്ന പരിശോധന നടത്തുന്നതിനായി അധികൃതരും കമ്ബനി പ്രതിനിധികളും തുറമുഖം സന്ദര്ശിച്ചു. ആര്യഓഫ്ഷോര് കമ്ബനിയുടെ റീജണല് ഹെഡ് (ഈസ്റ്റ്) മുഹമ്മദ് യാക്കൂബ്, ലൊക്കേഷന് മാനേജര് പി.ബി. കൃഷ്ണകുമാര്, മാനേജര് (പോര്ട്ട് ഓപ്പറേഷന്) അനൂപ് കൃഷ്ണന് കെ എന്നിവരടങ്ങിയ സംഘമാണ് തുറമുഖത്ത് എത്തിയത്.
റീജണല് ഓഫീസില് വച്ച് തുറമുഖത്തിലെ സൗകര്യങ്ങള് അവലോകനം ചെയ്ത ശേഷം സംഘം തുറമുഖത്ത് നേരിട്ടെത്തി സൗകര്യങ്ങള് വിലയിരുത്തി. 2025 ആഗസ്തില് റിഗ്ഗുകളും കപ്പലുകളും കൊല്ലത്ത് എത്തിച്ച് ആഴക്കടലില് എണ്ണ കിണര് സ്ഥാപിക്കുന്നതിനുള്ള പ്രവര്ത്തനം ആരംഭിക്കുമെന്ന് കമ്ബനിപ്രതിനിധികള് അറിയിച്ചു.
നിലവില് കമ്ബനി ആന്ഡമാന് കടലില് എണ്ണ കിണര് സ്ഥാപിക്കല് നടന്നു കൊണ്ടിരിക്കുകയാണ്. തുറമുഖ ഓഫീസറുടെ അധികച്ചുമതലയുള്ള ക്യാപ്റ്റന് അരുണ്കുമാര് പി. കെ, സുനില് ആര്, അലക്സ്ജി. ജോര്ജ് എന്നിവര് തുറമുഖത്തിന്റെ പ്രവര്ത്തനങ്ങള് വിശദീകരിച്ചു.
ഇന്ധന-വാതക സാധ്യത പ്രതീക്ഷിച്ചാണ് പര്യവേഷണം തുടങ്ങുന്നത്. യുകെ ആസ്ഥാനമായി കമ്ബനിയുമായി 1287 കോടിയുടെ (154 ദശലക്ഷംഡോളര്) കരാര് ആണ് പെട്രോളിയം മന്ത്രാലയം ഒപ്പിട്ടിരിക്കുന്നത്. ഇവരില് നിന്ന് എണ്ണക്കിണര് സ്ഥാപിക്കാനുള്ള ഉപകരാറാണ് ആര്യ ഓഫ്ഷോര് കമ്ബനി എടുത്തിരിക്കുന്നത്.
തീരത്തു നിന്ന് 48 കിലോമീറ്റര് അകലെയാകും ഇന്ധന പര്യവേഷണം നടത്തുക. ഇന്ധന പര്യവേഷണം ആരംഭിക്കുന്നതിന്റെ ഭാഗമായി നേരത്തെ കേന്ദ്ര പെട്രോളിയം മന്ത്രാലയം ഷിപ്പിങ് ഏജന്സി മുഖേന തുറമുഖത്തിന്റെ വിവരങ്ങള് ശേഖരിച്ചിരുന്നു. കൊല്ലത്തെ പ്രധാന ആശുപത്രികളുടെ വിവരങ്ങള്, ദൂരം, ചികിത്സാ സൗകര്യങ്ങള് എന്നിവയാണ് ശേഖരിച്ചത്. നഗരത്തിലെ നക്ഷത്രഹോട്ടലുകളും പട്ടികയും കൈമാറിയിരുന്നു.
പര്യവേഷണത്തിനുള്ള ഡ്രില്ലറുകള്, കൂറ്റന് പൈപ്പുകള് മറ്റ് യന്ത്രസാമഗ്രികള് എന്നിവ കൊല്ലം തുറമുഖത്ത് സൂക്ഷിക്കുന്നതിനുള്ള സൗകര്യവും നേരത്തെ വിലയിരുത്തിയിരുന്നു. പര്യവേഷണ കപ്പലിനും ചെറുകപ്പലുകള്ക്കും ടഗ്ഗുകള്ക്കും ഇന്ധനം നിറയ്ക്കുന്നതിനുള്ള സൗകര്യം താല്ക്കാലിക ഓഫീസ്മുറി എന്നിവയും തുറമുഖത്ത് സജ്ജമാക്കും. പര്യവേഷണം ആരംഭിക്കുന്നതോടെ ക്രൂ ചെയ്ഞ്ച് (കപ്പല് ജീവനക്കാര് മാറി കയറുന്നതിന്) വേണ്ടിവരും. ഇതിന് ഇമിഗ്രേഷന് ചെക്ക് പോയിന്റ് പ്രവര്ത്തനം ആരംഭിക്കും.
