കരുനാഗപള്ളി.പുത്തൻ തെരുവിൽ അടിപ്പാത അനുവദിച്ചില്ലെങ്കിൽ മരണം വരിക്കേണ്ടി വന്നാലും ഹൈവെ ഗതാഗതം സ്തംഭിപ്പിക്കുമെന്ന് ആക്ഷൻ കൺസിൽ. പുത്തൻ തെരുവിൽ ആരംഭിച്ച അനിശ്ചിത കാല സത്യഗ്രഹ സമരത്തിൽ മുഖ്യപ്രഭാഷണം നടത്തി പ്രഖ്യാപിക്കുകയായിരുന്നു ആക്ഷൻ കൺസിൽ രക്ഷാധികാരി അഡ്വ. കെ.പി മുഹമ്മദ് .

നാഷണൽ ഹൈവേ ആക്ഷൻ കൗൺസിലിൻ്റെ നേതൃത്വത്തിൽ നടന്നുവരുന്ന ജനകീയ പ്രക്ഷോഭത്തിന്റെ ഭാഗമായി സമരം ശക്തമാകുന്നതിനാൽ അനിശ്ചിതകാല സമരപ്പന്തൽ പുത്തൻ തെരുവിൽ സി ആർ മഹേഷ് എംഎൽഎ
ഉദ്ഘാടനം ചെയ്തു.
ഇനി വരും തലമുറയ്ക്ക് ആണ് ഇതിൻ്റെ ദുരിതവും ദുഃഖവും ബുദ്ധിമുട്ടും ഏറെ അനുഭവിക്കേണ്ടി വരുന്നത് പുത്തൻ തെരുവിൽ ഉടൻ അടിപ്പാത യാഥാർത്ഥ്യമാക്കാൻ ബന്ധപ്പെട്ട അധികൃതർ തയ്യാറാകണമെന്നും ജനകീയ സമരം ശക്തമാക്കണമെന്നും അടിപ്പാത നിർമ്മിക്കുന്നത് വരെ ഈ സമരത്തിന് എൻ്റെ എല്ലാവിധ പിന്തുണയും സഹകരണവും ഉണ്ടാകും എന്നും
സമരപന്തൽ ഉദ്ഘാടനം ചെയ്തു കൊണ്ട് എംഎൽഎ പറഞ്ഞു,

ആക്ഷൻ കൗൺസിൽ ജനറൽ കൺവീനർ ടി. ച്ച് ഷമീർ തോട്ടിൻ്റെ തെക്കതിൽ സ്വാഗതം പറഞ്ഞു.
ആക്ഷൻ കൗൺസിൽ ചെയർമാൻ എ.നാസർ കാട്ടും പുറത്ത് അധ്യക്ഷത വഹിച്ചു.
ശക്തികുളങ്ങര ദേവീക്ഷേത്രം വികസന കമ്മിറ്റി അംഗം സി ചന്ദ്രബാബു,
സി പി എം ജില്ലാ കമ്മിറ്റി അംഗം പി.ബി സത്യദേവൻ,
എസ്ഡിപിഐ ജില്ലാ പ്രസിഡൻ്റ് ലത്തീഫ് കരുനാഗപ്പള്ളി,
ബിജെപി നേതാവ്, വിജയൻ പിള്ള, അഡ്വ: ഷംസുദ്ദീൻ, ഡോ: അനിൽ മുഹമ്മദ്,
ആക്ഷൻ കൗൺസിൽ വൈസ് ചെയർമാൻമാരായ, ബി കൃഷ്ണകുമാർ,
നാസർ തോപ്പിൽ വടക്കതിൽ ,
കൺവീനറാൻമാരായ
സുധീർ കാട്ടിൽ തറയിൽ, ഇല്യാസ് പോളയിൽ, പഞ്ചായത്ത് അംഗങ്ങളായ
യുസുഫ് കുഞ്ഞ് കൊച്ചയ്യാത്ത്,
അഷറഫ് പോളയിൽ, ഉസൈബ റഷീദ്,
സലീന ജമാൽ, നിസാർ കാഞ്ഞിക്കൽ ,മുസ്ലിംലീഗ് ജില്ലാ ട്രഷറർ എം എ സലാം
എന്നിവർ സംസാരിച്ചു.

ചാത്തന്നൂർ: ടിപ്പർ ലോറിയും സ്കൂട്ടറും കൂട്ടിയിടിച്ച് സ്കൂട്ടർ യാത്ര ക്കാരൻ മരിച്ചു. പാരിപ്പള്ളി കുളമട ശ്യം നിവാസിൽ മുരളീധരൻ പിള്ള (62) യാണ് മരിച്ചത്. ഇന്നലെ
വൈകുന്നേരം മൂന്ന് മണിയോടുകൂടി കുളമട ഭാഗത്ത് നിന്നും വേളമാനൂർ ഭാഗത്തേക്ക് വന്ന ടിപ്പർ ലോറിയും എതിർ ദിശയിൽ വന്ന സ്കൂട്ടറും തമ്മിൽ പാരിപ്പള്ളി എള്ളുവിള ജംഗ്ഷന് സമീപത്തുവച്ച് കൂട്ടിയിടിച്ചുണ്ടായ അപകടത്തിലാണ് സ്കൂട്ടർ യാത്രക്കാരൻ മരിച്ചത്. അപകടത്തിൽ തലയ്ക്ക് ഗുരുതരമായി പരിക്കേറ്റ മുരളിധരനെ നാട്ടുകാർ
പാരിപ്പള്ളി മെഡിക്കൽ കോളേജിൽ എത്തിച്ചു വെങ്കിലും മരിച്ചിരുന്നു. പാരിപ്പള്ളി പോലിസ് മേൽ നടപടികൾ സ്വീകരിച്ചു. മൃതദേഹം പാരിപ്പള്ളി മെഡിക്കൽ കോളേജിലേക്ക് മാറ്റി. ഇന്ന് പോസ്റ്റ്‌മാർട്ടത്തിന് ശേഷം ബന്ധുക്കൾക്ക് വിട്ട് കൊടുക്കും