മദ്രസപ്രവേശനോത്സവം

April 13, 2025

പോരുവഴി.പോരുവഴി ഹനഫി മഹൽ മുസ്ലിം ജമാഅത്തിന്റെ നേതൃത്വത്തിൽ മിഫ്‌താ ഹുൽ ഉലൂം മദ്രസപ്രവേശനോത്സവം.ചീഫ് ഇമാംഅബ്ദുൽ സലാം മൗലവി ഉത്ഘാടനം ചെയ്തു. ജമാഅത്ത് പ്രസിഡന്റ്‌ അർത്തിയിൽ അൻസാരി അധ്യക്ഷധ വഹിച്ചു. ജമാഅത്ത് ജനറൽ സെക്രട്ടറി അയന്തിയിൽ ശിഹാബ്, ട്രഷറർ ഷാജി കല്ലടക്കാരന്റെ വിള, എക്സിക്യൂട്ടീവ് അഗംങ്ങളായ, അർത്തിയിൽ ഷഫീക്, നവാസ് അറഫ, അയൂബ് ചിറയിൽ,പറമ്പിൽ സുബൈർ, ഉസ്താദ് മാരായ സജീർമൗലവി, ബാസിത് മൗലവി, സഫിൽ മൗലവി എന്നിവർ സംസാരിച്ചു.ചീഫ് ഇമാം ലഹരിവിരുദ്ധപ്രതിജ്ഞ ചൊല്ലിക്കൊടുത്തു.

ഉത്സവം കൂടാൻ ബന്ധു വീട്ടിലെത്തിയ യുവാവ് കിണറ്റിൽ മരിച്ച നിലയിൽ

April 13, 2025

അടൂര്‍. ഉത്സവം കൂടാൻ ബന്ധു വീട്ടിലെത്തിയ യുവാവിനെ കിണറ്റിൽ മരിച്ച നിലയിൽ കണ്ടെത്തി. പട്ടാഴി സ്വദേശി അരുൺ രാജ് (41 ) ആണ് മരിച്ചത്. ബന്ധു അടൂർ മണക്കാല സ്വദേശി ചന്ദ്രൻ ആചാരിയുടെ വീട്ടുമുറ്റത്തെ കിണറ്റിൽ ആയിരുന്നു മൃതദേഹം. അരുൺ രാജിനെ രണ്ടുദിവസമായി കാണാനില്ലായിരുന്നു ; തുടർന്നുള്ള തിരച്ചിലാണ് മൃതദേഹം കണ്ടെത്തിയത്. വെള്ളിയാഴ്ച ഉത്സവം കണ്ട ശേഷം രാത്രി 12 മണിയോടെ കിടന്നുറങ്ങിയ അരുൺ രാജിനെ പുലർച്ചയാണ് കാണാതായത്

കഴക്കൂട്ടം എലിവേറ്റഡ് ഹൈവേയില്‍ കാർ തല കീഴായി മറിഞ്ഞു

April 13, 2025

തിരുവനന്തപുരത്ത് കാർ തല കീഴായി മറിഞ്ഞു. കഴക്കൂട്ടം എലിവേറ്റഡ് ഹൈവേയിലാണ് അപകടം ഉണ്ടായത്. മറ്റൊരു വാഹനത്തിലും ഡിവൈഡറിലും തട്ടി മറിയുകയായിരുന്നു. കാറിൽ ഉണ്ടായിരുന്നത് രണ്ടു പേർക്കും. രണ്ടു പേർക്കും കാര്യമായ പരിക്കില്ല

ഈ ഗവർമെന്റിന്റെ പതനത്തിൻറെ തുടക്കമാകും നിലമ്പൂർ ഉപതിരഞ്ഞെടുപ്പ്, സാദിഖലി ശിഹാബ് തങ്ങള്‍

April 13, 2025

മലപ്പുറം. ഭരണത്തിൻറെ അഭാവമാണ് കേരളത്തിൽ കാണുന്നതെന്നും നിലമ്പൂരിൽ മാറ്റം അനിവാര്യമാണെന്നും മുസ്ളിംലീഗ് സംസ്ഥാന അധ്യക്ഷന്‍ സാദിഖലി ശിഹാബ് തങ്ങൾ പറഞ്ഞു. മാറ്റങ്ങൾ പ്രതിഫലിക്കുന്ന തിരഞ്ഞെടുപ്പാകും. ഈ ഗവർമെന്റിന്റെ പതനത്തിൻറെ തുടക്കമാകും നിലമ്പൂർ ഉപതിരഞ്ഞെടുപ്പ്. ഐക്യ ജനാധിപത്യമുന്നണി ഒറ്റക്കെട്ട്. യുഡിഎഫ് ശക്തമാണ്. അഭിപ്രായവ്യത്യാസം ഉണ്ടെന്നാണ് പലരും പ്രചരിപ്പിക്കുന്നത്. അതിൽ ആരും മനപ്പായസം ഉണ്ണണ്ട

ഭരണം നിലനിർത്തുന്നതിന് വേണ്ടി സാമൂഹ്യസമവാക്യങ്ങൾ ഇല്ലാതാക്കുന്നതാണ് ഇന്ത്യയിൽ കണ്ടുകൊണ്ടിരിക്കുന്നത്.വർഗീയതയിലൂടെ വോട്ട് ബാങ്ക് രാഷ്ട്രീയത്തെ രക്ഷപ്പെടുത്താൻ ചിലർ ഇവിടെയും ശ്രമിക്കുന്നു.മുളയിലെ അത് നുള്ളി കളയേണ്ടതുണ്ട്. അതിനുള്ള അവസരമാണ് നിലമ്പൂർ തിരഞ്ഞെടുപ്പ്.മതേതരത്വം നിലനിർത്താനുള്ള രാഷ്ട്രീയ അവസരം.

പിക്കപ്പ് വാൻ കനാലിലേക്ക് മറിഞ്ഞ് അഞ്ചു പേരെ ഒഴുക്കിൽ പ്പെട്ട് കാണാതെയായി

April 13, 2025

കോർബ.ഛത്തീസ്ഗഡിൽ പിക്കപ്പ് വാൻ കനാലിലേക്ക് മറിഞ്ഞ് അഞ്ചു പേരെ ഒഴുക്കിൽ പ്പെട്ട് കാണാതെയായി.കാണാതെ ആയവരിൽ മൂന്നുപേർ കുട്ടികൾ.കോർബ ജില്ലയിലെ മുകുന്ദ്പൂർ ഗ്രാമത്തിൽ ആണ് സംഭവം.12 പേരാണ് വാനിൽ ഉണ്ടായിരുന്നത്.

ഇടയ്ക്കാട് കൊന്നക്കോട്ട് ചരുവിള വീട്ടിൽ ഫിലോമിന എ നിര്യാതയായി

April 13, 2025

ഇടയ്ക്കാട് :- ഇടയ്ക്കാട് കൊന്നക്കോട്ട് ചരുവിള വീട്ടിൽ റിട്ട.അധ്യാപകന്‍ മണിയുടെ ഭാര്യ ഫിലോമിന എ (75) നിര്യാതയായി .
മക്കൾ – വിൽസൺ , ഡെയ്സി , ലീലാമ്മ , ജോസ്
മരുമക്കൾ – സാമുവൽ (Late) ജോൺസൺ, രാജി
പരേതയുടെ 7 പ്രാർത്ഥനയും ശുശ്രൂഷയും ബുധനാഴ്ച രാവിലെ പത്തിന് തിരുഹൃദയ കത്തോലിക്ക ദേവാലയത്തിൽ നടക്കും..

2021ന് ശേഷം വിരമിച്ചവരുടെ പെൻഷൻ പരിഷ്കരണത്തുക നൽകാത്തത് പ്രതിഷേധാർഹം,കെ എസ് എസ് പി എ

April 13, 2025

കൊല്ലം.2021 നു ശേഷം വിരമിച്ചവർക്കുള്ള ശമ്പള പരിഷ്കരണ കുടിശ്ശിക നാല് വർഷമായിട്ടും വിതരണം ചെയ്യാനുള്ള നടപടികൾ എടുക്കാത്തത് പ്രതിഷേധാർഹവും അപലപനീയമാണെന്നും കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ ജില്ലാ പ്രസിഡന്റ് വാരൃത്ത് മോഹൻകുമാർ പറഞ്ഞു. ഫിക്സേഷൻ അരിയർ
പ്രോസസ് ചെയ്യാനുളള സംവിധാനം ഇതുവരെയും സ്പാർക്കിലാക്കിയിട്ടില്ലാത്തതിനാലാണ് ഇതിന് കാരണമെന്നാണ് ബന്ധപ്പെട്ട ഉദ്യോഗസ്ഥർ പറയുന്നത്.ആയതിനാൽ കാലവിളംബം കൂടാതെ പ്രശ്നപരിഹാരം കാണുവാൻ അധികൃതർ തയ്യാറാകണം.അതോടൊപ്പം 2019നും 2021നുമിടയിൽ വിരമിച്ചവരുടെ പെൻഷൻ പരിഷ്കരണത്തുകയുടെ നാലാം ഗഡു വിതരണം ചെയ്യാത്ത ട്രഷറികൾ ഉടൻ തന്നെ അതിനായുള്ള നടപടികൾ പൂർത്തിയാക്കണമെന്നും അദ്ദേഹം ആവശ്യപ്പെട്ടു

വാട്ടര്‍ ടാങ്കില്‍ കണ്ടെത്തിയ മൃതദേഹം അയല്‍ വീട്ടിലെ ജോലിക്കാരിയുടേത്

April 13, 2025

മലപ്പുറം: വളാഞ്ചേരി അത്തിപ്പറ്റയില്‍ ആള്‍ത്താമസമില്ലാത്ത വീട്ടിലെ വാട്ടര്‍ടാങ്കില്‍ കണ്ടെത്തിയ മൃതദേഹം തിരിച്ചറിഞ്ഞു. മരിച്ചത് അത്തിപ്പറ്റ സ്വദേശിനിയായ ഫാത്തിമയാണെന്ന് പൊലീസ് സ്ഥിരീകരിച്ചു. മൃതദേഹം കണ്ടെത്തിയ വീടിന് സമീപത്തെ മറ്റൊരു വീട്ടിലെ ജോലിക്കാരിയാണ് ഇവര്‍.

ഞായറാഴ്ച രാവിലെ 11 മണിയോടെയാണ് ആള്‍ത്താമസമില്ലാത്ത വീട്ടിലെ വാട്ടര്‍ടാങ്കില്‍ യുവതിയുടെ മൃതദേഹം കണ്ടെത്തിയത്. രാവിലെ ടാങ്ക് വൃത്തിയാക്കാനെത്തിയ തൊഴിലാളിയാണ് മൃതദേഹം കണ്ടത്. തുടര്‍ന്ന് പൊലീസിനെ വിവരമറിയിക്കുകയായിരുന്നു.

മികവഴക് :ഇഞ്ചക്കാട് ഗവ. എൽ. പി. സ്കൂളിന് സംസ്ഥാനതല അംഗീകാരം

April 13, 2025

ശാസ്താംകോട്ട: ഇഞ്ചക്കാട് ഗവ. എൽ. പി. സ്കൂളിന് പഠനമികവിന് സംസ്ഥാനതലത്തിൽ അംഗീകാരം ലഭിച്ചു. ഒന്നാം ക്ലാസ്സ്‌ വിദ്യാർത്ഥികൾ സ്വതന്ത്രവായനയിലും രചനയിലും നേടിയ മികവിനാണ് അംഗീകാരം. തിരുവനന്തപുരത്ത് നടന്ന സംസ്ഥാനതല സെമിനാറിൽ സ്കൂളിൽ നിന്നും ഒന്നാം ക്ലാസ്സ്‌ അധ്യാപിക ശിവതാര. എസ്.പ്രബന്ധം അവതരിപ്പിച്ചിരുന്നു. ആശയാവതരണ പഠന സമീപനം ക്ലാസ്സിൽ കൃത്യമായി നടപ്പിലാക്കിക്കൊണ്ടാണ് ഒന്നാം ക്ലാസ്സിൽ ഈ നേട്ടം കൈവരിച്ചതെന്ന് എച്ച്. എം. ഷീബ എൻ. പറഞ്ഞു.

മികവഴക് പുരസ്‌കാരം എസ്. സി.ആർ.ടി. ഡയറക്ടർ. ഡോ. ജയപ്രകാശിൽ നിന്നും അധ്യാപിക ശിവതാര എസ്. ഏറ്റുവാങ്ങി. എസ്. സി. ആർ. ടി. റിസർച്ച് ഓഫീസർ രാജേഷ് വള്ളിക്കോട്, വിദ്യാകിരണം സംസ്ഥാന കോ കോർഡിനേറ്റർ. ആർ.രാമകൃഷ്ണൻ, പാഠപുസ്തക രചയിതാവ്. ഡോ. കലാധരൻ,പ്രേംജിത് സൈജ, നിഷ പന്താവൂർ, തുടങ്ങിയവർ പങ്കെടുത്തു.

പുരയിടം വൃത്തിയാക്കുന്നതിനിടയിൽ റിട്ട.അധ്യാപികയുടെ കാലിൽ ചവർമാന്തി തുളച്ചു കയറി

April 13, 2025

ശാസ്താംകോട്ട:പുരയിടം വൃത്തിയാക്കുന്നതിനിടയിൽ റിട്ട.അധ്യാപികയുടെ കാലിൽ ചവർമാന്തി തുളച്ചു കയറി.ശൂരനാട് വടക്ക് ഹൈസ്കൂളിന് സമീപം അരീക്കൽ വീട്ടിൽ യശോദയുടെ(63) വലതു കാലിലാണ് ചവർമാന്തി തുളച്ചു കയറിയത്.ഇന്ന് രാവിലെ 9 ഓടെയാണ് സംഭവം.വിവരം അറിഞ്ഞെത്തിയ ശാസ്താംകോട്ട ഫയർഫോഴ്സിൻ്റെ നേതൃത്വത്തിൽ ഹൈഡ്രോളിക്ക് കട്ടർ ഉപയോഗിച്ച് തുളച്ചു കയറിയ കമ്പികൾ മുറിച്ച് മാറ്റിയ ശേഷം ഭരണിക്കാവിലെ സ്വകാര്യ ആശുപത്രിയിൽ പ്രവേശിപ്പിച്ചു.സ്റ്റേഷൻ ഓഫീസർ ജി.പ്രസന്നപിള്ളയുടെ നേതൃത്വത്തിൽ ഗ്രേഡ് എ.എസ്.റ്റി.ഒ നിയാസുദ്ദീൻ,ഫയർ ആൻ്റ് റെസ്ക്യൂ ഓഫീസർമാരായ ഗോപകുമാർ,സൂരജ്,അജീഷ്, എച്ച്.ജിമാരായ ശ്രീകുമാർ,ശിവപ്രസാദ്, എന്നിവർ രക്ഷാ പ്രവർത്തനത്തിൽ പങ്കെടുത്തു.