എൽഐസി ഹൗസിങ് ഫിനാൻസ് ലിമിറ്റഡിൽ 192 അപ്രന്റിസ് ഒഴിവ്. സെപ്റ്റംബർ 22 വരെ ഓൺലൈനായി അപേക്ഷിക്കാം. ഒരു വർഷത്തേയ്ക്കാണ് അപ്രന്റിസ്ഷിപ്. കേരളത്തിൽ തൃശൂർ (2), എറണാകുളം, കൊല്ലം, കോഴിക്കോട്, പാലക്കാട് എന്നിവിടങ്ങളിലായി 6 ഒഴിവുണ്ട്.
∙യോഗ്യത: ബിരുദം. 2021 സെപ്റ്റംബർ ഒന്നിനു ശേഷം യോഗ്യത നേടിയവരാകണം.
∙പ്രായം: 20–25. യോഗ്യത, പ്രായം എന്നിവ 2025 സെപ്റ്റംബർ 1 അടിസ്ഥാനമാക്കി കണക്കാക്കും.
∙തിരഞ്ഞെടുപ്പ്: എൻട്രൻസ് പരീക്ഷ, ഇന്റർവ്യൂ എന്നിവയുടെ അടിസ്ഥാനത്തിൽ. ഒരു മണിക്കൂർ ദൈർഘ്യമുള്ള പരീക്ഷ ഒക്ടോബർ 1നു നടത്തും.
∙സ്റ്റൈപെൻഡ്: 12,000 രൂപ.
∙ഫീസ്: 944 രൂപ. പട്ടികവിഭാഗം, വനിതകൾക്ക് 708 രൂപ. ഭിന്നശേഷിക്കാർക്കു 472രൂപ. ഓൺലൈനായി അടയ്ക്കാം
∙അപേക്ഷിക്കേണ്ട വിധം: ഓൺലൈൻ റജിസ്ട്രേഷൻ ഉൾപ്പെടെയുള്ളവ www.nats.education.gov.in എന്ന വെബ്സൈറ്റിലൂടെയാണു ചെയ്യേണ്ടത്. വിജ്ഞാപനം www.lichousing.com എന്ന വെബ്സൈറ്റിൽ.
