പവർഗ്രിഡ് കോർപറേഷൻ ഒാഫ് ഇന്ത്യ ലിമിറ്റഡിനു കീഴിൽ വിവിധ റീജനുകളിലായി ഫീൽഡ് എൻജിനീയർ, ഫീൽഡ് സൂപ്പർവൈസർ തസ്തികകളിലായി 1,543 ഒഴിവ്. കേരളം, തമിഴ്നാട്, കർണാടക, പുതുച്ചേരി, അന്ധ്രപ്രദേശ്, തെലങ്കാന ഉൾപ്പെടുന്ന സതേൺ റീജ്യണലിൽ. 268 ഒഴിവുണ്ട്. രണ്ട് വർഷ താത്ക്കാലിക നിയമനം. ഈ മാസം പതിനേഴ് വരെ അപേക്ഷിക്കാം.
തസ്തിക, യോഗ്യത, ശമ്പളം:
∙ഫീൽഡ് എൻജിനീയർ (ഇലക്ട്രിക്കൽ, സിവിൽ): ഇലക്ട്രിക്കൽ/ഇലക്ട്രിക്കൽ (പവർ)/ ഇലക്ട്രിക്കൽ ആൻഡ് ഇലക്ട്രോണിക്സ്/പവർ സിസ്റ്റംസ് എൻജി./പവർ എൻജി.(ഇലക്ട്രിക്കൽ)/സിവിൽ എൻജിനീയറിങ്ങിൽ 55% മാർക്കോടെ ബിഇ/ബിടെക്/ ബിഎസ്സി (എൻജിനീയറിങ്), ഒരു വർഷ പരിചയം (പട്ടികവിഭാഗം, ഭിന്നശേഷി, വിമുക്തഭടൻമാർക്ക് പാസ്മാർക്ക് മതി); 30,000-1,20,000.
∙ഫീൽഡ് സൂപ്പർവൈസർ (ഇലക്ട്രിക്കൽ, സിവിൽ, ഇലക്ട്രോണിക്സ് ആൻഡ് കമ്യൂണിക്കേഷൻ): ഇലക്ട്രിക്കൽ/ഇലക്ട്രിക്കൽ (പവർ)/ഇലക്ട്രിക്കൽ ആൻഡ് ഇലക്ട്രോണിക്സ്/പവർ സിസ്റ്റംസ് എൻജി./പവർ എൻജി. (ഇലക്ട്രിക്കൽ)/സിവിൽ/ ഇലക്ട്രോണിക്സ്/ഇലക്ട്രോണിക്സ് ആൻഡ് കമ്യൂണിക്കേഷൻ/ഇലക്ട്രോണിക്സ് ആൻഡ് ടെലികമ്യൂണിക്കേഷൻ/ഐടി/ഇലക്ട്രോണിക്സ് ആൻഡ് ഇലക്ട്രിക്കൽ കമ്യൂണിക്കേഷൻ/ടെലികമ്യൂണിക്കേഷൻ എൻജിനീയറിങ്ങിൽ 55% മാർക്കോടെ ഡിപ്ലോമ, ഒരു വർഷ പരിചയം (പട്ടികവിഭാഗം, ഭിന്നശേഷി, വിമുക്തഭടൻമാർക്ക് പാസ്മാർക്ക് മതി); 23,000-1,05,000.
∙പ്രായപരിധി: 29. അർഹർക്ക് ഇളവ്.
∙ഫീസ്: ഫീൽഡ് എൻജിനീയർ-400; ഫീൽഡ് സൂപ്പർവൈസർ–300.
പട്ടികവിഭാഗക്കാർ, ഭിന്നശേഷിക്കാർ, വിമുക്തഭടൻമാർ എന്നിവർക്കു ഫീസില്ല.
∙തിരഞ്ഞെടുപ്പ്: എഴുത്തുപരീക്ഷ, ഇന്റർവ്യു എന്നിവ മുഖേന. ഡൽഹി, ഭോപാൽ, കൊൽക്കത്ത, ബെംഗളൂരു, ഗുവാഹത്തി, മുംബൈ എന്നിവിടങ്ങളിലാണു പരീക്ഷാ കേന്ദ്രങ്ങൾ. www.powergrid.in
