തിരുവനന്തപുരം റീജിയണൽ കോ-ഓപ്പറേറ്റീവ് മിൽക്ക് പ്രൊഡ്യൂസേഴ്സ് യൂണിയൻ ലിമിറ്റഡ് (ടി ആർ സി എം പി യു ) ടെക്നീഷ്യൻ ഗ്രേഡ് II (ബോയിലർ) ജോലി ഒഴിവുകൾ നികത്തുന്നത് സംബന്ധിച്ച തൊഴിൽ വിജ്ഞാപനം പുറത്തിറക്കി. ആവശ്യമായ യോഗ്യതയും താൽപര്യവും ഉള്ള ഉദ്യോഗാർത്ഥികൾക്ക് ഓൺലൈൻ ആയി അപേക്ഷിക്കാം. നിലവിൽ ഒരു ഒഴിവ് മാത്രമാണ് റിപ്പോർട്ട് ചെയ്തിരിക്കുന്നത്.
കൊല്ലത്താണ് ഈ ഒഴിവ്. യോഗ്യരായ ഉദ്യോഗാർത്ഥികൾക്ക് തിരുവനന്തപുരം റീജിയണൽ കോ-ഓപ്പറേറ്റീവ് മിൽക്ക് പ്രൊഡ്യൂസേഴ്സ് യൂണിയൻ ലിമിറ്റഡിലേക്ക് ആഗസ്റ്റ് 27 ന് നടക്കുന്ന അഭിമുഖത്തിൽ പങ്കെടുക്കാം. നിയമനം താൽക്കാലികമായിരിക്കും. തിരഞ്ഞെടുക്കപ്പെടുന്നവർക്ക് പ്രതിമാസം 24000 രൂപ ശമ്പളമായി ലഭിക്കും.
അപേക്ഷകർ 01.01.2025 ന് 18 നും 40 നും ഇടയിൽ പ്രായമുള്ളവരായിരിക്കണം. എസ് സി, എസ് ടി വിഭാഗക്കാർക്ക പ്രായപരിധിയിൽ അഞ്ച് വർഷത്തെ ഇളവ് ലഭിക്കും. ഒ ബി സി / വിമുക്തഭടന്മാർക്ക് കേരള സഹകരണ നിയമപ്രകാരം മൂന്ന് വർഷത്തെ പ്രായപരിധി ഇളവും അനുവദിക്കുന്നതാണ്. അപേക്ഷകർക്ക് ഐ ടി ഐ (ഫിറ്റർ ട്രേഡ്) യിൽ എൻ സി വി ടി സർട്ടിഫിക്കറ്റ് ഉണ്ടായിരിക്കണം. സെക്കൻഡ് ക്ലാസ് ബോയിലർ സർട്ടിഫിക്കറ്റും ഫാക്ടറി ആൻഡ് ബോയിലേഴ്സ് വകുപ്പ് നൽകുന്ന കുറഞ്ഞത് സെക്കൻഡ് ക്ലാസ് ബോയിലർ അറ്റൻഡന്റ് സർട്ടിഫിക്കറ്റും ആവശ്യമാണ്.
ബന്ധപ്പെട്ട മേഖലയിൽ ആർഐസി വഴി ഒരു വർഷത്തെ അപ്രന്റീസ്ഷിപ്പ് സർട്ടിഫിക്കറ്റ്, ഒരു പ്രശസ്ത വ്യവസായത്തിൽ പ്രസക്തമായ ട്രേഡിൽ രണ്ട് വർഷത്തെ പരിചയം എന്നിവ ഉള്ളവരായിരിക്കണം ഉദ്യോഗാർത്ഥികൾ. ഈ റിക്രൂട്ട്മെന്റിന് ഏതെങ്കിലും തരത്തിലുള്ള അപേക്ഷാ ഫീസ് ആവശ്യമില്ല. ഡോക്യുമെന്റ് വെരിഫിക്കേഷൻ, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് യോഗ്യരായ ഉദ്യോഗാർത്ഥികളെ തിരഞ്ഞെടുക്കുന്നത്.
താൽപ്പര്യമുള്ള ഉദ്യോഗാർത്ഥികൾ താഴെ കൊടുത്തിരിക്കുന്ന വിലാസത്തിൽ നിശ്ചിത തീയതിയിൽ പ്രായം, യോഗ്യത, പരിചയം എന്നിവ തെളിയിക്കുന്ന ഒറിജിനൽ സർട്ടിഫിക്കറ്റുകൾ, പാസ്പോർട്ട് സൈസ് ഫോട്ടോ എന്നിവ സഹിതം അഭിമുഖത്തിൽ പങ്കെടുക്കണം. സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ അഭിമുഖ സമയത്ത് ബന്ധപ്പെട്ട സമിതിക്ക് മുന്നിൽ സമർപ്പിക്കണം.
തിരുവനന്തപുരം റീജിയണൽ കോഓപ്പറേറ്റീവ് ഡയറി പ്രൊഡ്യൂസേഴ്സ് യൂണിയന്റെ ഏതെങ്കിലും യൂണിറ്റിൽ 2 വർഷത്തിൽ കൂടുതൽ ജോലി ചെയ്തിട്ടുള്ളവർ അഭിമുഖത്തിൽ പങ്കെടുക്കേണ്ടതില്ല. അഭിമുഖം ഇനിപ്പറയുന്ന സ്ഥലത്തും തീയതിയിലും നടക്കും:- സ്ഥലം : കൊല്ലം ഡയറി കോൺഫറൻസ് ഹാൾ അഭിമുഖ തീയതിയും സമയവും : ആഗസ്റ്റ് 27, രാവിലെ 10.00
