ക്യാൻസർ സാധ്യത കുറയ്ക്കുന്നതിന് ഭക്ഷണക്രമം പ്രധാന പങ്ക് വഹിക്കുന്നു. ചില ഭക്ഷണങ്ങളിൽ ആന്റിഓക്സിഡന്റുകൾ, ഫൈറ്റോകെമിക്കലുകൾ, നാരുകൾ, ആരോഗ്യകരമായ കൊഴുപ്പുകൾ എന്നിവ അടങ്ങിയിട്ടുണ്ട്. ക്യാൻസർ സാധ്യത കുറയ്ക്കുന്ന ചില ഭക്ഷണങ്ങളെ കുറിച്ചാണ് ഇനി പറയുന്നത്.
ബ്രോക്കോളിയിലെ ഉയർന്ന നാരുകൾ വൻകുടൽ ക്യാൻസറിനുള്ള സാധ്യത കുറയ്ക്കുന്നു
ബ്രോക്കോളിയിൽ സൾഫോറാഫെയ്ൻ ധാരാളം അടങ്ങിയിട്ടുണ്ട്. ഇത് ക്യാൻസർ കോശങ്ങളുടെ വളർച്ചയെ തടയുകയുക ചെയ്യുന്നു. സൾഫോറാഫെയ്ൻ സ്തന, പ്രോസ്റ്റേറ്റ്, വൻകുടൽ കാൻസറുകളുടെ സാധ്യത കുറയ്ക്കാൻ സഹായിക്കുമെന്ന് പഠനങ്ങൾ സൂചിപ്പിക്കുന്നു. ബ്രോക്കോളിയിലെ ഉയർന്ന നാരുകളുടെ അളവ് വൻകുടൽ ക്യാൻസറിനുള്ള സാധ്യത കുറയ്ക്കുകയും ചെയ്യുന്നു.
മഞ്ഞൾ ക്യാൻസർ കോശങ്ങളുടെ വളർച്ച മന്ദഗതിയിലാക്കുന്നു
മഞ്ഞൾ ക്യാൻസർ കോശങ്ങളുടെ വളർച്ച മന്ദഗതിയിലാക്കാനും ട്യൂമർ രൂപപ്പെടുന്നത് തടയാനും സഹായിക്കുന്നു. സ്തന, പ്രോസ്റ്റേറ്റ്, ശ്വാസകോശ, വൻകുടൽ കാൻസറുകൾക്കെതിരെ കുർക്കുമിൻ പ്രത്യേകിച്ച് ഫലപ്രദമാണെന്ന് പഠനങ്ങൾ സൂചിപ്പിക്കുന്നു.
ബെറിപ്പഴങ്ങൾ ക്യാൻസർ സാധ്യത കുറയ്ക്കും
സ്ട്രോബെറി, ബ്ലൂബെറി, റാസ്ബെറി എന്നിവയിൽ ആന്തോസയാനിനുകളും എലാജിക് ആസിഡും അടങ്ങിയിട്ടുണ്ട്, ഇവ ആന്റിഓക്സിഡന്റുകളാണ്. ഇവ കോശങ്ങളെ ഡിഎൻഎ നാശത്തിൽ നിന്ന് സംരക്ഷിക്കുകയും ചെയ്യുന്നു. അന്നനാളം, വൻകുടൽ, സ്തനാർബുദ സാധ്യത കുറയ്ക്കാൻ ബെറികൾക്ക് കഴിയുമെന്ന് ഗവേഷണങ്ങൾ പറയുന്നു.
വെളുത്തുള്ളി ആമാശയം, വൻകുടൽ, പ്രോസ്റ്റേറ്റ് കാൻസറുകൾക്കുള്ള സാധ്യത കുറയ്ക്കും
വെളുത്തുള്ളി ആമാശയം, വൻകുടൽ, പ്രോസ്റ്റേറ്റ് കാൻസറുകൾക്കുള്ള സാധ്യത കുറയ്ക്കും
വെളുത്തുള്ളിയിൽ അല്ലിസിൻ അടങ്ങിയിട്ടുണ്ട്. ഇത് രോഗപ്രതിരോധ ശേഷി വർദ്ധിപ്പിക്കുന്നതിനും സഹായിക്കുന്നു. വെളുത്തുള്ളി പതിവായി കഴിക്കുന്നത് വീക്കം കുറയ്ക്കുകയും ആമാശയം, വൻകുടൽ, പ്രോസ്റ്റേറ്റ് കാൻസറുകൾക്കുള്ള സാധ്യത കുറയ്ക്കുമെന്ന് പഠനങ്ങൾ സൂചിപ്പിക്കുന്നു.
ഗ്രീൻ ടീ പതിവായി കഴിക്കുന്നത് സ്തന, കരൾ, പ്രോസ്റ്റേറ്റ് കാൻസർ സാധ്യത കുറയ്ക്കുമെന്ന് പഠനങ്ങൾ സൂചിപ്പിക്കുന്നു
ഗ്രീൻ ടീയിൽ കാറ്റെച്ചിനുകൾ അടങ്ങിയിട്ടുണ്ട്. ഇവ കോശനാശം തടയാനും ക്യാൻസർ കോശങ്ങളുടെ വളർച്ച മന്ദഗതിയിലാക്കാനും സഹായിക്കുന്നു. ഗ്രീൻ ടീ പതിവായി കഴിക്കുന്നത് സ്തന, കരൾ, പ്രോസ്റ്റേറ്റ് കാൻസർ സാധ്യത കുറയ്ക്കുമെന്ന് പഠനങ്ങൾ സൂചിപ്പിക്കുന്നു.
തക്കാളി പ്രോസ്റ്റേറ്റ് ക്യാൻസർ, ശ്വാസകോശം, ആമാശയം എന്നിവയ്ക്കുള്ള സാധ്യ കുറയ്ക്കും
തക്കാളിക്ക് ചുവപ്പ് നിറം നൽകുന്നതും പ്രോസ്റ്റേറ്റ്, ശ്വാസകോശം, ആമാശയം എന്നിവയിലെ അർബുദ സാധ്യത കുറയ്ക്കുന്നതുമായ ഒരു ആന്റിഓക്സിഡന്റായ ലൈക്കോപീൻ അടങ്ങിയിട്ടുണ്ട്.
നട്സ് കഴിക്കുന്നത് വൻകുടൽ, സ്തന, പാൻക്രിയാറ്റിക് കാൻസറുകൾക്കുള്ള സാധ്യത കുറയ്ക്കും
നട്സ് കഴിക്കുന്നത് വൻകുടൽ, സ്തന, പാൻക്രിയാറ്റിക് കാൻസറുകൾക്കുള്ള സാധ്യത കുറയ്ക്കും
നട്സിൽ ഒമേഗ-3 ഫാറ്റി ആസിഡുകൾ, സെലിനിയം, പോളിഫെനോൾസ് എന്നിവ അടങ്ങിയിട്ടുണ്ട്. ഇവയ്ക്കെല്ലാം കാൻസർ വിരുദ്ധ ഗുണങ്ങളുണ്ട്. വൻകുടൽ, സ്തന, പാൻക്രിയാറ്റിക് കാൻസറുകൾക്കുള്ള സാധ്യത കുറയ്ക്കുന്നതിന് നട്സ് സഹായകമാണ്.
