Advertisement
ശരീരത്തിൽ യൂറിക് ആസിഡ് അധികമാകുമ്പോൾ അവ സന്ധികളിൽ അടിഞ്ഞു കൂടി പല ആരോഗ്യ പ്രശ്നങ്ങൾ ഉണ്ടാകാം. ഗൗട്ട്, വൃക്കയിലെ കല്ല് തുടങ്ങി പല പ്രശ്നങ്ങൾക്കും ഇത് വഴിവയ്ക്കും. യൂറിക് ആസിഡ് കൂടുമ്പോൾ ശരീരം കാണുന്ന ലക്ഷണങ്ങൾ എന്തൊക്കെയാണെന്ന് നോക്കാം.
- കാലുകളുടെ പത്തിയിൽ പുകച്ചിലും വേദനയും
കാലുകളുടെ പത്തിക്ക് വല്ലാത്ത പുകച്ചിലും നീറ്റലും വേദനയും, കാലുകൾക്ക് തീ പിടിച്ച പോലുള്ള അവസ്ഥ ഉണ്ടാകുന്നതും ശരീരത്തിൽ യൂറിക് ആസിഡ് കൂടിയതിൻറെ ഒരു സൂചനയാകാം. വിരൽ അനക്കാൻ പറ്റാത്ത അവസ്ഥയും ഇതുമൂലം ഉണ്ടാകാം. - മുട്ടുവേദന
മുട്ടുവേദന, മുട്ടിൽ നീര്, സന്ധിവേദന തുടങ്ങിയവയും യൂറിക് ആസിഡ് കൂടിയതിൻറെ സൂചനയാകാം. - സന്ധികളിൽ ചുവന്ന നിറത്തിൽ തടിപ്പും നീരും
ചില സന്ധികളിൽ ചുവന്ന നിറത്തോട് കൂടിയ തടിപ്പ്, നീര്, സൂചി കുത്തുന്നത് പോലുള്ള വേദന, മരവിപ്പ് തുടങ്ങിയവയും ഇതുമൂലം കണ്ടേക്കാം. - നടക്കാൻ ബുദ്ധിമുട്ട്
ശരീരത്തിൽ യൂറിക് ആസിഡ് കൂടുമ്പോൾ മുട്ടുവേദനയും സന്ധിവേദനയുമൊക്കെ ഉണ്ടാവുകയും ഇതുമൂലം നടക്കാൻ ബുദ്ധിമുട്ട് അനുഭവപ്പെടുകയും ചെയ്യാം. - വൃക്കയിൽ കല്ല്
യൂറിക് ആസിഡ് വളരെ കൂടുതലായാൽ വൃക്കയിൽ കല്ല്, വൃക്കസ്തംഭനം എന്നീ പ്രശ്നങ്ങളും ഉണ്ടാകാം. ഉയർന്ന അളവിൽ യൂറിക് ആസിഡ് ഉണ്ടായാൽ അത് ഹൃദ്രോഗത്തിനും രക്തസമ്മർദത്തിനും കാരണമായേക്കാം. - ചർമ്മ പ്രശ്നങ്ങൾ
ശരീരത്തിൽ യൂറിക് ആസിഡ് കൂടുമ്പോൾ ചർമ്മ പ്രശ്നങ്ങളും ഉണ്ടാകാം.
മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ ‘കൺസൾട്ട്’ ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
Advertisement
