പലരും പല്ലുകളിലെ മഞ്ഞ നിറം കളയാന്‍ ദന്ത ഡോക്ടറെ ആശ്രയിക്കാറുണ്ട്. എന്നാല്‍ പ്രകൃതിദത്തമായ ചില മാര്‍ഗങ്ങളിലൂടെ പല്ലിലെ മഞ്ഞ നിറത്തെ കളയാന്‍ സാധിക്കും. അത്തരത്തില്‍ പല്ലുകളുടെ മഞ്ഞ നിറം അകറ്റാന്‍ വീട്ടില്‍ തന്നെ ചെയ്യാവുന്ന കാര്യങ്ങള്‍ എന്തൊക്കെയാണെന്ന് നോക്കാം.
- ബേക്കിംഗ് സോഡ
ബേക്കിംഗ് സോഡ പല്ലിലെ മഞ്ഞ നിറത്തെയും കറയെയും ഇല്ലാതാക്കാന്‍ സഹായിക്കും. ഇതിനായി ബേക്കിംഗ് സോഡയും നാരങ്ങാ നീരും കൂട്ടി ചേര്‍ത്ത് പല്ലുകള്‍ തേയ്ക്കാം.
- ആപ്പിള്‍ സൈഡര്‍ വിനഗര്‍
പല്ലുകളുടെ മഞ്ഞ നിറം അകറ്റാന്‍ ആപ്പിള്‍ സൈഡര്‍ വിനഗര്‍ വെള്ളത്തില്‍ കലര്‍ത്തി വായ് കഴുകുന്നതും നല്ലതാണ്.
- ഓറഞ്ചിന്റെ തൊലി
ഓറഞ്ചിന്റെ തൊലി കൊണ്ട് പല്ലുകളിൽ നന്നായി ഉരസുക. പതിവായി ഇങ്ങനെ ചെയ്യുന്നത് പല്ലുകളിലെ കറ അകറ്റാന്‍ സഹായിക്കും.
- ചെറുനാരങ്ങ
ചെറുനാരങ്ങയുടെ തൊലി കൊണ്ട് പല്ലുകളിൽ ഉരസുന്നതും പല്ലിനു നിറം നൽകാൻ സഹായിക്കും.
- മഞ്ഞള്
മഞ്ഞള് കൊണ്ട് ദിവസവും പല്ല് തേക്കുന്നത് പല്ലിലെ മഞ്ഞ നിറം മാറാന്‍ സഹായിക്കും. ഒരൽപ്പം ഉപ്പ് കൂടി മഞ്ഞളില്‍ ചേര്‍ക്കുന്നതും നല്ലതാണ്.
- ഉമിക്കരി
ഉമിക്കരി കൊണ്ട് പല്ല് തേക്കുന്നതും പല്ലുകളിലെ കറ മാറാന്‍ സഹായിക്കും.
- ഉപ്പ്
ഒരൽപ്പം ഉപ്പ് എടുത്ത് പല്ല് തേക്കുന്നതും മഞ്ഞ നിറത്തെ കളയാന്‍ സഹായിക്കും.
- ഗ്രാമ്പൂ
ഗ്രാമ്പൂ പൊടിച്ച് വെളിച്ചെണ്ണയുമായി കലർത്തി ഒരു പേസ്റ്റ് രൂപത്തിലാക്കുക. ശേഷം ഈ പേസ്റ്റ് ഉപയോഗിച്ച് പല്ല് തേക്കുന്നതും പല്ലിലെ മഞ്ഞ നിറത്തെ അകറ്റാന്‍ സഹായിക്കും.
