വേനൽക്കാലം എന്നാൽ തണ്ണിമത്തൻ സീസൺ കൂടിയാണ്. ശരീരത്തിന് ആവശ്യമായ ജലാംശം നൽകുന്ന ഒരു ഫലമാണ് തണ്ണിമത്തൻ. കാരണം തണ്ണിമത്തനിൽ 95% വരെയും ജലാംശം ഉണ്ട്. തണ്ണിമത്തൻ കുരുവും പോഷകഗുണങ്ങൾ കൊണ്ട് നിറഞ്ഞതാണ്.
തണ്ണിമത്തൻ വിത്തുകളുടെ ആരോഗ്യ ഗുണങ്ങൾ ഇതാ:
- അവശ്യ പോഷകങ്ങളുടെ നല്ല ഉറവിടം
മഗ്നീഷ്യം, അയേൺ, സിങ്ക്, പൊട്ടാസ്യം തുടങ്ങി നിരവധി പോഷകങ്ങൾ തണ്ണിമത്തൻ വിത്തുകളിൽ അടങ്ങിയിട്ടുണ്ട്. ഇവ ആരോഗ്യകരമായ കൊഴുപ്പുകളുടെയും പ്രോട്ടീനിന്റെയും നല്ല ഉറവിടവുമാണ്. അതിനാൽ തണ്ണിമത്തൻ കുരു പതിവാക്കുന്നത് നിങ്ങളുടെ ആരോഗ്യത്തിന് ഗുണം ചെയ്യും.
- എനർജി ബൂസ്റ്റർ
നിങ്ങൾക്ക് പലപ്പോഴും ഊർജ്ജക്കുറവ് അനുഭവപ്പെടാറുണ്ടോ? അങ്ങനെയെങ്കിൽ, തണ്ണിമത്തൻ വിത്തുകൾ കഴിക്കുന്നത് നിങ്ങളുടെ ഊർജ്ജ നില കൂട്ടാൻ സഹായിക്കും. തണ്ണിമത്തൻ കുരു അവശ്യ പോഷകങ്ങളാൽ സമ്പന്നമായതിനാൽ, ഇവ സ്വാഭാവികമായി നിങ്ങളുടെ ഊർജ്ജം വർദ്ധിപ്പിക്കുകയും നിങ്ങളെ കൂടുതൽ ഉന്മേഷവാനാക്കുകയും ചെയ്യുന്നു.
- തലച്ചോറിൻറെ ആരോഗ്യം
തണ്ണിമത്തൻ വിത്തുകൾക്ക് തലച്ചോറിൻറെ ആരോഗ്യത്തെ സംരക്ഷിക്കാൻ കഴിയും.
- ഹൃദയാരോഗ്യം
ആരോഗ്യകരമായ കൊഴുപ്പുകൾ അടങ്ങിയിരിക്കുന്നതിനാൽ തണ്ണിമത്തൻ കുരു പതിവാക്കുന്നത് ഹൃദയ സംബന്ധമായ പ്രശ്നങ്ങൾ തടയാനും ഹൃദയാരോഗ്യം സംരക്ഷിക്കാനും സഹായിക്കും.
- ദഹനം
തണ്ണിമത്തൻ കുരുവിൽ നാരുകൾ കൂടുതലായി അടങ്ങിയിട്ടുണ്ട്. ഇത് ദഹനം മെച്ചപ്പെടുത്താൻ സഹായിക്കും.
- ശരീരഭാരം നിയന്ത്രിക്കാൻ
തണ്ണിമത്തൻ വിത്തുകളിലെ ഫൈബർ വിശപ്പ് കുറയ്ക്കാൻ സഹായിക്കും. ഇവയിൽ കലോറിയും കുറവാണ്. അതിനാൽ ശരീരഭാരം നിയന്ത്രിക്കാൻ ആഗ്രഹിക്കുന്നവർക്ക് ഇവ ഡയറ്റിൽ ഉൾപ്പെടുത്താം.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തിൽ മാറ്റം വരുത്തുക.
