നിവിന് പോളിയുടെ ആദ്യ വെബ് സീരീസ് ‘ഫാര്മ’യുടെ ട്രെയിലര് പുറത്ത്. കെപി വിനോദ് എന്ന മെഡിക്കല് റെപ്രസന്റേറ്റീവിന്റെ ജീവിതത്തിന്റെ വിവിധ കാലഘട്ടങ്ങളിലൂടെ സഞ്ചരിക്കുന്ന ഈ മെഡിക്കല് ഡ്രാമയില് ബിനു പപ്പു, നരേന്, മുത്തുമണി, ശ്രുതി രാമചന്ദ്രന്, വീണ നന്ദകുമാര്, അലേഖ് കപൂര് തുടങ്ങിയവര് അഭിനയിക്കുന്നു.
സീരീസ് ഡിസംബര് 19ന് ജിയോ ഹോട്ട്സ്റ്റാറില് സ്ട്രീമിങ് ആരംഭിക്കും. പി ആര് അരുണ് ആണ് സംവിധാനം. എട്ട് എപ്പിസോഡുകളുള്ള ഈ സീരീസ് 2024-ല് ഗോവയില് നടന്ന ഐഎഫ്എഫ്ഐ യില് പ്രീമിയര് ചെയ്തിരുന്നു.
അഭിനന്ദന് രാമാനുജം ഛായാഗ്രഹണം നിര്വഹിക്കുന്ന സിരീസിന് സംഗീതം പകരുന്നത് ജേക്സ് ബിജോയ് ആണ്. എഡിറ്റിങ് ശ്രീജിത് സാരംഗ്. കാസ്റ്റിങ് വിവേക് അനിരുദ്ധ്. മേക്കപ്പ് സുധി കട്ടപ്പന. മൂവി മില്ലിന്റെ ബാനറില് കൃഷ്ണന് സേതുകുമാര് ആണ് സീരിസ് നിര്മിക്കുന്നത്. പ്രൊഡക്ഷന് കണ്ട്രോളര് – നോബിള് ജേക്കബ്. പിആര്ഓ – റോജിന് കെ റോയ്.
