രോഗത്തെയും വേദനകളെയും തോൽപ്പിച്ച് മലയാളത്തിന്റെ മഹാനടൻ മമ്മൂട്ടി വീണ്ടും ഷൂട്ടിംഗ് തിരക്കിൽ. ഹൈദരാബാദിൽ മഹേഷ് നാരായണൻ സിനിമയുടെ സെറ്റിൽ മമ്മൂട്ടി ജോയിൻ ചെയ്തു.
ലോകവും കേരളവും കാത്തിരുന്നത് ഈ നിമിഷങ്ങൾക്കായിരുന്നു. മുണ്ടുടുത്ത് വെള്ളയിൽ പുള്ളികളുള്ള ഷർട്ടിൽ മാസ് എൻട്രി. പിന്നെ ജീവിതത്തിൽ പ്രയാസം നേരിടുന്നവർക്കെല്ലാം പ്രചോദനമാകുന്ന ക്യാൻസർ പോരാളികൾക്ക് ഊർജ്ജം നിറക്കുന്ന വാക്കുകൾ.
സംവിധായകൻ മഹേഷ് നാരായണന്റെ നേതൃത്വത്തിൽ സെറ്റിൽ മമ്മൂട്ടിയെ സ്വീകരിച്ചു.
തെലങ്കാന ആർ.ടി.സി. ആസ്ഥാനത്താണ് ആദ്യ മൂന്ന് ദിവസത്തെ ഷൂട്ട്. മുഖ്യമായും മമ്മൂട്ടിയുടെ സീനുകളാണ് ചിത്രീകരിക്കുന്നത്. തുടർന്ന് കുഞ്ചാക്കോ ബോബനടക്കമുള്ളവർ ഷൂട്ടിൽ കൂടെ ചേരും.
മമ്മൂട്ടി, മോഹൻലാൽ, നയൻതാര എന്നിവർ ഒന്നിക്കുന്ന കോംബോ സീനുകൾ ഉണ്ടാകുമെന്ന് സ്ഥിരീകരിച്ച് നിർമ്മാതാവ് ആന്റോ ജോസഫ്. ഈ ബിഗ് ബജറ്റ് ചിത്രം 2026 വിഷുവിന് റിലീസ് ചെയ്യാനാണ് അണിയറപ്രവർത്തകർ ലക്ഷ്യമിടുന്നത്.
