ഇളയരാജയുടെ ഗാനങ്ങള് അനധികൃതമായി ഉപയോഗിച്ചെന്ന് ചൂണ്ടിക്കാട്ടി ‘ഗുഡ് ബാഡ് അഗ്ലി’യുടെ പ്രദര്ശനം വിലക്കി മദ്രാസ് ഹൈക്കോടതി. ചിത്രം പ്രദര്ശിപ്പിക്കുകയോ വിതരണം ചെയ്യുകയോ അരുതെന്നാണ് നിര്മാതാക്കളോട് ഹൈക്കോടതി നിര്ദേശിച്ചിരിക്കുന്നത്. അനുമതിയില്ലാതെ തന്റെ സംഗീതം ഉപയോഗിച്ചുവെന്ന് ചൂണ്ടിക്കാട്ടി ഇളയരാജ സമര്പ്പിച്ച പകര്പ്പവകാശ ലംഘന ഹര്ജി തിങ്കളാഴ്ച പരി?ഗണിക്കുമ്പോഴായിരുന്നു ഹൈക്കോടതിയുടെ ഇടക്കാല ഉത്തരവ്.
ഇളയരാജയുടെ മൂന്ന് ?ഗാനങ്ങളാണ് ‘ഗുഡ് ബാഡ് അഗ്ലി’യിലുള്ളത്. നാട്ടുപുര പാട്ടിലെ ‘ഒത്ത രൂപ തരേന്’, സകലകല വല്ലവനിലെ ‘ഇളമൈ ഇദോ ഇദോ’, വിക്രത്തിലെ ‘എന് ജോഡി മഞ്ച കുരുവി’ എന്നീ ?ഗാനങ്ങളാണ് ചിത്രത്തില് ഉള്പ്പെടുത്തിയിരിക്കുന്നത്. അനുമതി വാങ്ങാതെ ?ഗാനങ്ങള് ഉപയോ?ഗിച്ചത് 1957 ലെ പകര്പ്പവകാശ നിയമത്തിലെ വ്യവസ്ഥകള് ലംഘിക്കുന്നതാണെന്ന് ഇളയരാജയുടെ അഭിഭാഷകന് കോടതിയില് അറിയിച്ചു.
തെലങ്കാന ആസ്ഥാനമായുള്ള മൈത്രി മൂവി മേക്കേഴ്സ് ആണ് ചിത്രത്തിന്റെ നിര്മാതാക്കള്. പകര്പ്പവകാശ വിഷയം സംബന്ധിച്ച് ഇളയരാജ അയച്ച നോട്ടീസിന് പ്രൊഡക്ഷന് കമ്പനി നല്കിയ മറുപടി അപര്യാപ്തമാണെന്ന് ഹൈക്കോടതി ജസ്റ്റിസ് എന് സെന്തില്കുമാര് പറഞ്ഞു. തന്റെ ഗാനങ്ങള് അനുമതിയില്ലാതെ ചിത്രത്തില് ഉപയോഗിച്ചതിന് അഞ്ച് കോടി രൂപ നഷ്ടപരിഹാരം ആവശ്യപ്പെട്ടുകൊണ്ടാണ് ഇളയരാജ നോട്ടിസ് അയച്ചത്. ഏഴ് ദിവസത്തിനകം ?ഗാനങ്ങള് ചിത്രത്തില് നിന്നും നീക്കണമെന്നും നോട്ടീസില് ആവശ്യപ്പെട്ടിരുന്നു.
ഇടക്കാല ഉത്തരവ് പുറപ്പെടുവിച്ചതോടെ സിനിമയുടെ പ്രദര്ശന, വില്പ്പന, വിതരണത്തിന് ഒടിടി ഉള്പ്പെടെയുള്ള മുഴുവന് പ്ലാറ്റ്ഫോമുകളിലും വിലക്ക് ഏര്പ്പെടുത്തിയിട്ടുണ്ട്. അജിത്ത് കുമാര് നായകനായ ചിത്രം ആദിക് രവിചന്ദ്രനാണ് സംവിധാനം ചെയ്തിരിക്കുന്നത്. അജിത് കുമാറിനൊപ്പം തൃഷ കൃഷ്ണന്, അര്ജുന് ദാസ്, സുനില്, പ്രഭു, പ്രസന്ന, കാര്ത്തികേയ ദേവ്, പ്രിയ പ്രകാശ് വാര്യര്, ഷൈന് ടോം ചാക്കോ, ടിനു ആനന്ദ്, ബി എസ് അവിനാശ്, രഘു റാം എന്നിവര് അഭിനയിക്കുന്നുണ്ട്.
നേരത്തെയും നിരവധി സിനിമകളില് അനുവാദം കൂടാതെ തന്റെ ?പാട്ടുകള് ഉപയോഗിച്ചെന്ന് ചൂണ്ടിക്കാണിച്ച് ഇളയരാജ രംഗത്തുവന്നിരുന്നു. മലയാള ചിത്രം മഞ്ഞുമ്മല് ബോയ്സില് ‘കണ്മണി അന്പോട്’ എന്ന ഗാനം ഉപയോഗിച്ചതിന് സമാനരീതിയില് അദ്ദേഹം നോട്ടീസ് അയച്ചിരുന്നു.
