മലയാളത്തിന്റെ എക്കാലത്തെയും പ്രിയപ്പെട്ട ഗായകൻ എംജി ശ്രീകുമാർ കഴിഞ്ഞ ദിവസം സോഷ്യൽ മീഡിയ വഴി പങ്കുവച്ച ഒരു വീഡിയോ ഇപ്പോൾ ഹിറ്റ് ആവുകയാണ്. ഗ്ലോബൽ സ്റ്റാറായി മാറിയ എംജി ശ്രീകുമാറിന്റെ ഒരു എഐ വിഡിയോ ആണ് പ്രേക്ഷകരുടെ ശ്രദ്ധ നേടുന്നത്. ‘നരൻ’ സിനിമയിലെ ‘വേൽമുരുകാ ഹരോ ഹരാ’ എന്ന പാട്ടിന്റെ അകമ്പടിയോടെയാണ് വിഡിയോ അവതരിപ്പിച്ചിരിക്കുന്നത്.
‘എങ്ങനെയുണ്ട് എഐ ചേട്ടന്മാരുടെ പരിപാടി’ എന്ന അടിക്കുറിപ്പോടെയാണ് എംജി ശ്രീകുമാർ വിഡിയോ പങ്കുവച്ചത്. ആയിരങ്ങള് തടിച്ചുകൂടിയ വേദികളെ ഹരംകൊള്ളിക്കുന്ന പോപ് ഗായകനായാണ് എംജി ശ്രീകുമാർ വിഡിയോയിൽ പ്രത്യക്ഷപ്പെടുന്നത്. മോഡേൺ ലുക്കില് സ്റ്റൈലിഷായാണ് എംജി ശ്രീകുമാറിനെ വിഡിയോയിൽ അവതരിപ്പിക്കുന്നത്.
കറുത്ത ടീഷർട്ടും ആഭരണങ്ങളും ധരിച്ച് മസിലുകളുമായി ഇതുവരെ കാണാത്ത എംജിയെയാണ് വിഡിയോയിൽ കാണാൻ സാധിക്കുക. വിഡിയോയുടെ അവസാനം മോഹൻലാലിന്റെ തകർപ്പൻ ഡാൻസും പ്രേക്ഷകർക്കായി ഒരുക്കിയിട്ടുണ്ട്.
എംജി അണ്ണന്റെ അടുത്ത് ഒരു വേടനും വരില്ല’ എന്നും എംജി അണ്ണൻ പവർ’, പയിനായിരം പൂച്ചെണ്ടുകൾ, അടി ഒരു എഐ പൂക്കുറ്റി, ‘എംജി വേറെ ലെവൽ’ തുടങ്ങി നിരവധി കമന്റുകളും ഈ വീഡിയോയ്ക്ക് താഴെ വരുന്നുണ്ട്.
