പ്രണവ് മോഹന്ലാലിനെ കേന്ദ്ര കഥാപാത്രമാക്കി രാഹുല് സദാശിവന് എഴുതി സംവിധാനം ചെയ്യുന്ന ‘ഡീയസ് ഈറേ’.യുടെ ഫസ്റ്റ് ലുക്ക് പുറത്ത്. ഹൊറര് ത്രില്ലര് ജോണറിലാണ് ചിത്രം ഒരുങ്ങുന്നത്. നൈറ്റ് ഷിഫ്റ്റ് സ്റ്റുഡിയോസ്, വൈ നോട്ട് സ്റ്റുഡിയോസ് തുടങ്ങിയ ബാനറുകളില് ചകവര്ത്തി രാമചന്ദ്ര, എസ് ശശികാന്ത് എന്നിവര് സംയുകതമായാണ് ഡീയസ് ഈറേ’ നിര്മിക്കുന്നത്. വലിയ രീതിയില് പ്രേക്ഷക- നിരൂപക പ്രശംസ നേടിയ ‘ഭ്രമയുഗം’ എന്ന മമ്മൂട്ടി സിനിമയുടെ വിജയത്തിനുശേഷം, രാഹുല് സദാശിവന്- നൈറ്റ് ഷിഫ്റ്റ് സ്റ്റുഡിയോസ് ടീം ഒന്നിക്കുന്ന സിനിമകൂടിയാണിത്. ഭ്രമയുഗത്തിനുശേഷം, ഹൊറര് ത്രില്ലര് സിനിമകളുടെ സ്വീകാര്യത മലയാളത്തില് കൂടിയിട്ടുണ്ട്. രാഹുല് സദാശിവന്റെ മുന്ചിത്രങ്ങളെക്കാള് പതിന്മടങ്ങ് ഭയവും ത്രില്ലര് നിമിഷങ്ങളും ഡീയസ് ഈറേയില് എക്സ്പീരിയന്സ് ചെയ്യാനാകുമെന്നാണ് റിപ്പോര്ട്ടുകള്. സിനിമയുടെ കഥാപശ്ചാത്തലം സംബന്ധിച്ച വിവരങ്ങള് ഒന്നുംതന്നെ ഇതുവരെ പുറത്തുവിട്ടിട്ടില്ല. ക്രോധത്തിന്റെ ദിനം എന്ന അര്ഥം വരുന്ന ‘ദി ഡേ ഓഫ് റാത്ത്’ എന്നതാണ് ചിത്രത്തിന്റെ ടൈറ്റില് ടാഗ് ലൈന്.
ബ്ലോക്ക്ബസ്റ്റര് ഹിറ്റായ ‘ഭ്രമയുഗ’ത്തിന് പിന്നില് പ്രവര്ത്തിച്ച അതേ ക്രിയേറ്റീവ് ടീം തന്നെയാണ് ‘ഡീയസ് ഈറേ’യുടെയും അണിയറയിലുള്ളത്. 2025 ഏപ്രില് 29-ന് ചിത്രീകരണം പൂര്ത്തിയായ ചിത്രം നിലവില് പോസ്റ്റ്-പ്രൊഡക്ഷന് ഘട്ടത്തിലാണ്. വ്യത്യസ്ത ലോകമാണ് കഥാ പശ്ചാത്തലമായി ‘ഡീയസ് ഈറേ’യില് അവതരിപ്പിക്കുന്നത് . ചിത്രം പുതിയ ഒരു ദൃശ്യാനുഭവം സമ്മാനിക്കുമെന്നും അണിയറ പ്രവര്ത്തകര് വ്യക്തമാക്കുന്നുണ്ട് .
ഛായാഗ്രഹണം: ഷെഹ്നാദ് ജലാല് ഐഎസ്സി, കലാസംവിധാനം: ജ്യോതിഷ് ശങ്കര്, സംഗീത സംവിധായകന്: ക്രിസ്റ്റോ സേവ്യര്, എഡിറ്റര്: ഷഫീക്ക് മുഹമ്മദ് അലി, സൗണ്ട് ഡിസൈനര്: ജയദേവന് ചക്കാടത്ത്, സൗണ്ട് മിക്സ്: എം ആര് രാജാകൃഷ്ണന്, മേക്കപ്പ്: റൊണക്സ് സേവ്യര്, സ്റ്റണ്ട്: കലൈ കിംഗ്സണ്, കോസ്റ്റിയൂം ഡിസൈനര്: മെല്വി ജെ, പബ്ലിസിറ്റി ഡിസൈന്: എയിസ്തെറ്റിക് കുഞ്ഞമ്മ, സ്റ്റില്സ്: അര്ജുന് കല്ലിങ്കല്, കളറിസ്റ്റ് : ലിജു പ്രഭാകര്, വിഎഫ്എക്സ് : ഡിജിബ്രിക്സ്, പ്രൊഡക്ഷന് കണ്ട്രോളര്: അരോമ മോഹന്, പിആര്ഒ: ശബരി, മ്യൂസിക് ഓണ്: നൈറ്റ് ഷിഫ്റ്റ് റെക്കോര്ഡ്സ്.