ജോജു ജോര്ജ് സംവിധാനം ചെയ്ത മലയാള ചിത്രം ‘പണി’ സിനിമയിലെ നായിക അഭിനയ വിവാഹിതയായി. ദീര്ഘകാലസുഹൃത്തായ കാര്ത്തിക്കാണ് വരന്. ഹൈദരാബാദില് പരമ്പരാഗത തെലുഗു രീതിയില് നടന്ന വിവാഹത്തില് അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. വിവാഹത്തിന്റെയും അനുബന്ധ ചടങ്ങുകളുടെയും ദൃശ്യങ്ങള് അഭിനയ ഇന്സ്റ്റഗ്രാം പേജില് പങ്കുവച്ചിട്ടുണ്ട്. 20ന് സിനിമാമേഖലയിലുള്ളവര്ക്ക് വിരുന്നൊരുക്കും. സംസാരശേഷിയും കേള്വിശക്തിയുമില്ലാത്ത അഭിനേത്രി എന്ന വിശേഷണം ആവശ്യമേയില്ലാത്ത വിധം പ്രതിഭ കൊണ്ട് മികവ് തെളിയിച്ച അഭിനയ അറുപതോളം ചിത്രങ്ങളില് അഭിനയിച്ചു കഴിഞ്ഞു.