പുതു പുത്തന്‍ മോഡലും പെര്‍ഫോമന്‍സും അടിമുടി മാറ്റവുമായി എത്തിയിരിക്കുകയാണ് പള്‍സര്‍ എന്‍എസ് 400 ഇസഡ്. ബജാജ് ഔദ്യോഗികമായി ഇന്ത്യയില്‍ 2025 പള്‍സര്‍ NS400Z പുറത്തിറക്കി. എക്‌സ്-ഷോറൂം വില 1.92 ലക്ഷം രൂപ ആണ്.
പുതുക്കിയ മോഡലില്‍ നിരവധി മെക്കാനിക്കല്‍, പെര്‍ഫോമന്‍സ് അപ്ഗ്രേഡുകള്‍ കമ്പനി വരുത്തിയിട്ടുണ്ട്, അതിനാല്‍ തന്നെ മൊത്തത്തിലുള്ള കഴിവുകളും മെച്ചപ്പെട്ടിട്ടുണ്ട്. 2025 ബജാജ് പള്‍സര്‍ NS400Z UG -യുടെ ഹൃദയം എന്നത് നമുക്ക് പരിചിതമായ അതേ 373 സിസി, സിംഗിള്‍-സിലിണ്ടര്‍, ലിക്വിഡ്-കൂള്‍ഡ് എന്‍ജിനാണ്. എന്നാല്‍ നവീകരണങ്ങളുടെ ഭാഗമായി മുമ്പത്തെ 39.5 ബിഎച്ച്പിയില്‍ നിന്ന് ഇപ്പോള്‍ ഇത് 42.4 ബിഎച്ച്്പിയുടെ ഉയര്‍ന്ന ഔട്ട്പുട്ട് ഉത്പാദിപ്പിക്കുന്നു. ടോര്‍ക്ക് 35 എന്‍എമ്മില്‍ തന്നെ മാറ്റമില്ലാതെ തുടരുന്നു, എന്‍ജിന്‍ ആറ്-സ്പീഡ് ഗിയര്‍ബോക്‌സുമായി തന്നെ കണക്ട് ചെയ്തിരിക്കുന്നു. സുഗമവും ക്ലച്ച്-ലെസ് ഗിയര്‍ഷിഫ്റ്റുകളും പ്രാപ്തമാക്കുന്ന ഒരു ബൈ-ഡയറക്ഷണല്‍ ക്വിക്ക്ഷിഫ്റ്ററിന്റെ കൂട്ടിച്ചേര്‍ക്കലാണ് 2025 മോഡലിന്റെ പ്രധാന ഹൈലൈറ്റ്.
അടുത്തതായി, ഏത് സാഹചര്യങ്ങളിലും മെച്ചപ്പെട്ട ഗ്രിപ്പ് വാഗ്ദാനം ചെയ്യുന്നതിനായി ബജാജ് പഴയ 140-സെക്ഷന്‍ MRF Revz പിന്‍ ടയറിന് പകരം വിശാലമായ 150 -സെക്ഷന്‍ അപ്പോളോ ആല്‍ഫ H1 യൂണിറ്റുകളാണ് വാഗ്ദാനം ചെയ്യുന്നത്. മുന്‍വശത്ത് 110/70-R17 ടയര്‍ തന്നെയാണ് ഇപ്പോഴും വരുന്നത്, എന്നാല്‍ അതും ഇപ്പോള്‍ അപ്പോളോ H1 -ലേക്ക് അപ്പ്‌ഗ്രേഡ് ചെയ്തിരിക്കുന്നു എന്നതും ശ്രദ്ധേയമാണ്.
ബ്രേക്കിംഗിന്റെ കാര്യത്തിലാണ് മറ്റൊരു സ്വാഗതാര്‍ഹമായ അപ്ഗ്രേഡ് വരുന്നത്. പള്‍സര്‍ NS400Z UG -ല്‍ ഇപ്പോള്‍ പഴയ ഓര്‍ഗാനിക് സജ്ജീകരണത്തിന് പകരം സിന്റേര്‍ഡ് ബ്രേക്ക് പാഡുകളാണ് വരുന്നത്. ഇവ ബൈറ്റും ഫീഡ്ബാക്കും മെച്ചപ്പെടുത്തുകയും ബ്രേക്ക് ഫേഡ് കുറയ്ക്കുകയും ചെയ്യും എന്നാണ് നിര്‍മ്മാതാക്കളുടെ വിശ്വാസം.
മുന്‍ മോഡലില്‍ നിന്ന് 7,000 രൂപയുടെ വില വര്‍ധനവിനൊപ്പം, ഈ അപ്ഗ്രേഡുകള്‍ പുതിയ NS400Z UG -യുടെ മൊത്തത്തിലുള്ള മൂല്യം വര്‍ധിപ്പിക്കുന്നു. രാജ്യത്തുടനീളമുള്ള ബജാജ് ഡീലര്‍ഷിപ്പുകളില്‍ 2025 മോഡലിനായിട്ടുള്ള ബുക്കിംഗുകള്‍ ആരംഭിച്ചിട്ടുണ്ട്, ബൈക്കിന്റെ ഡെലിവറികള്‍ ഉടന്‍ ആരംഭിക്കും
