ജൂവലറിയില് തോക്കിന്മുനയില് വന് കവര്ച്ച. കര്ണാടകയിലെ മൈസൂരുവില് സിദ്ധാര്ത്ഥ നഗറില് ഇന്നലെ ഉച്ചയ്ക്ക് ഒന്നരയോടെ സ്കൈ ഗോള്ഡ് ആന്ഡ് ഡയമണ്ട്സ് എന്ന സ്ഥാപനത്തിലായിരുന്നു മോഷണം. ഇന്നലെ ഉച്ചയ്ക്കാണ് സംഭവം നടന്നത്.
പൊലീസ് യൂണിഫോമിന് സമാനമായ വസ്ത്രം ധരിച്ചാണ് അക്രമികള് എത്തിയതെന്നാണ് പ്രാഥമിക വിവരം. പരിശോധനയ്ക്കെന്ന വ്യാജേന വാതില് തുറപ്പിച്ച സംഘം അകത്തുകയറിയ ഉടന് തോക്ക് ചൂണ്ടി ഭീഷണിപ്പെടുത്തുകയായിരുന്നു.
ജ്വല്ലറി ഉടമയെയും മറ്റുള്ളവരെയും കെട്ടിയിട്ട ശേഷം അലമാരകളില് സൂക്ഷിച്ചിരുന്ന സ്വര്ണവും വിലപിടിപ്പുള്ള വജ്രങ്ങളും കവര്ന്നു. ഏകദേശം അഞ്ച് കോടിയിലധികം രൂപയുടെ ആഭരണങ്ങള് നഷ്ടപ്പെട്ടതായാണ് പ്രാഥമിക കണക്ക്.
മൈസൂരു സിറ്റി പൊലീസ് കമ്മീഷണര് അടക്കമുള്ള മുതിര്ന്ന ഉദ്യോഗസ്ഥര് സ്ഥലത്തെത്തി പരിശോധന നടത്തി. വീടിന് സമീപത്തെ സിസിടിവി ദൃശ്യങ്ങള് പൊലീസ് ശേഖരിച്ചിട്ടുണ്ട്.
