ശാസ്താംകോട്ട:രാജ്യത്ത് ക്രൈസ്തവർക്കെതിരെ വർദ്ധിച്ചുവരുന്ന അതിക്രമങ്ങൾ തടയാൻ സർക്കാർ നടപടികൾ സ്വീകരിക്കണമെന്ന് കെസിസി ശൂരനാട് സോൺ ആവശ്യപ്പെട്ടു.ക്രിസ്തുമസും വിശുദ്ധവാരവും പോലെയുള്ള ക്രൈസ്തവ വിശേഷദിനങ്ങളിൽ പോലും ക്രൈസ്തവ ന്യൂനപക്ഷ അതിക്രമങ്ങളാണ് റിപ്പോർട്ട് ചെയ്യപ്പെടുന്നത്.രാജ്യത്തെ മതസൗഹാർദ്ദത്തിനും സഹവർത്തനത്തിനും വെല്ലുവിളി ഉയർത്തുന്ന ഇത്തരം വർഗീയ അതിക്രമങ്ങൾക്ക് നേതൃത്വം നൽകുന്ന വ്യക്തികളെയും പ്രസ്ഥാനങ്ങളെയും കണ്ടെത്തി നിയമനടപടിക്ക് വിധേയരാക്കാൻ സർക്കാർ തയ്യാറാകണം.കുറ്റക്കാർക്കെതിരെ നടപടി സ്വീകരിക്കാൻ കേന്ദ്ര സംസ്ഥാന സർക്കാർ തയ്യാറാകണമെന്ന് കെസിസി ശൂരനാട് സോൺ ആവശ്യപ്പെട്ടു.സംസ്ഥാന സർക്കാരിനെയും കേന്ദ്രസർക്കാരിനെയും തങ്ങളുടെ ആശങ്ക അറിയിച്ചതായി ശൂരനാട് സോൺ ഭാരവാഹികളായ റവ:ഫാ.ജിജു ജോൺ വയലിറക്കത്തു (പ്രസിഡന്റ്),മാത്യു ജോൺ പടിപ്പുരയിൽ (സെക്രട്ടറി),ഡോ.നിധി അലക്സ് നൈനാൻ (ട്രഷറര്) എന്നിവർ അറിയിച്ചു.
