ചവറയ്ക്ക് പുതിയ ബോട്ടുടെര്മിനല് നിര്മ്മാണം ആരംഭിക്കുന്നു. 06.11.2025 ല് ടെന്റര് നിലവില് വന്നു. ഇന്ലാന്റ് നാവിഗേഷന് വകുപ്പിനാണ് നിര്മ്മാണചുമതല.
ചവറ ബസ്സ്റ്റാന്റ് ചവറ മാര്ക്കറ്റിലേക്ക് (പാലക്കടവ്) മാറ്റുന്നതിനുളള ശ്രമങ്ങള് ആരംഭിച്ചിട്ടുണ്ട്. അതിന് തൊട്ടടുത്ത് ബോട്ട് ടെര്മിനല് കൂടി വരുന്നത് യാത്രക്കാര്ക്ക് കൂടുതല് സൗകര്യമായിരിക്കും.
ദേശീയജലപാത പ്രവര്ത്തനക്ഷമമാകുമ്പോള് യാത്രാബോട്ടുകള്, ടൂറിസ്റ്റ് യാനങ്ങള് തുടങ്ങിയവയൊക്കെ വന്നടുക്കുന്നതിനും ചവറ പടന്നയില് പ്രവൃത്തി ആരംഭിച്ച ടൂറിസ്റ്റ് കേന്ദ്രത്തിലേക്ക് കൂടുതല് യാത്രക്കാര്ക്ക് എത്തുവാനും കഴിയും.
വിപുലമായ സൗകര്യങ്ങളാണ് 81.6ലക്ഷം രൂപ ടെന്റര് തുകയുളള ബോട്ട് ടെര്മിനലിന് വകയിരുത്തിയിരിക്കുന്നതെന്നും ചവറയുടെ വികസനത്തില് പുതിയ ബോട്ട് ടെര്മിനല് നാഴികകല്ലാകുമെന്നും ഡോ. സുജിത് വിജയന്പിളള എംഎല്എ അറിയിച്ചു.
