Advertisement
കരുനാഗപ്പള്ളി:ആദിനാട്ട് യുവാവിനെ കുത്തി കൊലപ്പെടുത്താൻ ശ്രമിച്ച കേസിൽ പ്രതി പിടിയിൽ.കുലശേഖരപുരം ആദിനാട് നോർത്ത് വാഴപ്പള്ളി തറയിൽ വടക്കതിൽ സിദ്ധാർത്ഥ് (22)ആണ് കരുനാഗപ്പള്ളി പോലീസിന്റെ പിടിയിലായത്.ആദിനാട് സ്വദേശിയായ ജിഷ്ണുവിന്റെ കൂട്ടുകാരന്റെ കയ്യിൽ നിന്ന് പണം കടം വാങ്ങിയത് എന്തിനാണെന്ന് ചോദിച്ചതിന്റെ വൈരാഗ്യത്താൽ പുതിയകാവിന് പടിഞ്ഞാറ് വശത്ത് വിളിച്ചുവരുത്തി പ്രതിയായ സിദ്ധാർത്ഥ് ജിഷ്ണുവിനെ കുത്തി പരിക്കേൽപ്പിക്കുകയായിരുന്നു.പരിക്കേറ്റ ജിഷ്ണു കരുനാഗപ്പള്ളിയിലെ സ്വകാര്യ ആശുപത്രിയിൽ ചികിത്സയിലാണ്.സംഭവത്തിന് ശേഷം രക്ഷപ്പെടാൻ ശ്രമിച്ച പ്രതിയെ സാഹസികമായാണ് കരുനാഗപ്പള്ളി പോലീസ് പിടികൂടിയത്.എസ് എച്ച്ഒ ബിജു.വിയുടെ നേതൃത്വത്തിൽ എസ്ഐമാരായ ഷമീർ,ആഷിഖ്,സന്തോഷ്, വേണുഗോപാൽ,എസ് സി പി ഓ ഹാഷിം,അനിത എന്നിവ അടങ്ങിയ സംഘമാണ് പ്രതിയെ പിടികൂടിയത്.
Advertisement
