കണ്ണൂർ. പി ഇന്ദിര കണ്ണൂർ കോർപറേഷൻ മേയറാകും.
കോൺഗ്രസ് കോർ കമ്മിറ്റി യോഗത്തിന് ശേഷം കെ സുധാകരൻ എം പി പ്രഖ്യാപനം നടത്തി. കോർപറേഷനിൽ സമഗ്രവികസനത്തിനുള്ള പ്ലാൻ ഒരു വർഷത്തിനുള്ളിൽ നടപ്പിലാക്കുമെന്ന് നിയുക്തമേയർ പറഞ്ഞു.
കണ്ണൂർ കോർപറേഷൻ മേയർ സ്ഥാനത്തേക്ക് ഒന്നിലധികം പേരുകൾ പരിഗണനയിലുണ്ടായിരുന്നു. എന്നാൽ നിലവിലെ ഡെപ്യൂട്ടി മേയർ കൂടിയായ പി ഇന്ദിരയ്ക്ക് തന്നെയായിരുന്നു പ്രഥമ പരിഗണന. രണ്ട് ദിവസം നീണ്ടുനിന്ന ചർച്ചകൾക്കൊടുവിൽ കെ സുധാകരൻ എം പിയുടെ പ്രഖ്യാപനം.
ഒറ്റപ്പേര് മാത്രാമണ് കോർ കമ്മിറ്റിയിൽ ചർച്ചയ്ക്ക് വന്നതെന്നും കെ സുധാകരൻ. സമഗിരവികസനമാണ് ലക്ഷ്യമെന്നും സ്ത്രീസുരക്ഷയ്ക്കും ഉന്നമനത്തിനും കൂടുതൽ ഊന്നൽ നൽകുമെന്നും നിയുക്തമേയർ പറഞ്ഞു
കെ എസ് യു വിലൂടെ രാഷ്ട്രീയ പ്രവർത്തനമാരംഭിച്ച പി ഇന്ദിര കണ്ണൂർ മുൻസിപ്പാലിറ്റിയിൽ രണ്ട് തവണ കൗൺസിലറായിരുന്നു. കോർപറേഷൻ രൂപീകൃതമായ ശേഷം മൂന്ന് തവണയും ജയിച്ചുകയറി. ഇത്തവണ വിമതസ്ഥാനാർഥിയെ ഉൾപ്പടെ പരാജയപ്പെടുത്തിയാണ് പയ്യാമ്പലത്ത് നിന്ന് ജയിച്ചത്. മുസ്ലിം ലീഗ് ജില്ലാ വൈസ് പ്രസിഡന്റ് കെ പി താഹിർ ആയിരിക്കും ഡെപ്യൂട്ടി മേയർ
