അവധി ദിവസങ്ങളിൽ വീട്ടിൽ നിൽക്കുമ്പോഴും ദൂരയാത്ര പോകുമ്പോഴൊക്കെയും ലഘുഭക്ഷണങ്ങൾ നമ്മൾ കഴിക്കാറുണ്ട്. എന്നാൽ വെറുതെ എന്തെങ്കിലും കഴിച്ചതുകൊണ്ട് കാര്യമില്ല. പോഷക ഗുണമുള്ള ഭക്ഷണങ്ങൾ തന്നെ കഴിക്കേണ്ടതുണ്ട്. ഈ നട്സ് കഴിക്കൂ.
വാൽനട്ട്
വാൽനട്ടിൽ ഒമേഗ-3 ഫാറ്റി ആസിഡ് ഉണ്ട്. ഇത് തലച്ചോറിന്റെ ആരോഗ്യം നിലനിർത്തുന്നതിന് പ്രധാന പങ്കുവഹിക്കുന്നു. കൂടാതെ വാൽനട്ടിൽ ധാരാളം ആന്റിഓക്സിഡന്റുകളും അടങ്ങിയിട്ടുണ്ട്.
ബദാം
നിരവധി പോഷക ഗുണങ്ങൾ അടങ്ങിയതാണ് ബദാം. ഇത് ചീത്ത കൊളസ്റ്ററോളിനെ ഇല്ലാതാക്കുകയും ഹൃദയാരോഗ്യം മെച്ചപ്പെടുത്താനും സഹായിക്കുന്നു. കൂടാതെ ശരീരഭാരം നിയന്ത്രിക്കാനും ബദാം കഴിക്കുന്നത് നല്ലതാണ്.
അണ്ടിപ്പരിപ്പ്
നിരവധി ഗുണങ്ങൾ അടങ്ങിയതാണ് അണ്ടിപ്പരിപ്പ്. ദിവസവും ഇത് കഴിക്കുന്നത് ആരോഗ്യത്തെ മെച്ചപ്പെടുത്താൻ സഹായിക്കുന്നു. വിറ്റാമിൻ, മിനറൽ, മഗ്നീഷ്യം, കോപ്പർ, സിങ്ക് എന്നിവ അണ്ടിപ്പരിപ്പിൽ ധാരാളം അടങ്ങിയിട്ടുണ്ട്.
പീനട്ട്
പീനട്ട് വറുത്ത് കഴിക്കുന്നതാണ് നല്ലത്. ഇതിൽ ധാരാളം പ്രോട്ടീനുകളും ആരോഗ്യമുള്ള കൊഴുപ്പും അടങ്ങിയിട്ടുണ്ട്. ഇത് ചീത്ത കൊളസ്റ്ററോളിനെ ഇല്ലാതാക്കുകയും ഹൃദയാരോഗ്യം മെച്ചപ്പെടുത്തുകയും ചെയ്യുന്നു.
പൈൻ നട്സ്
പൈൻ നട്സിൽ ധാരാളം പോഷകഗുണങ്ങൾ അടങ്ങിയിട്ടുണ്ട്. ദിവസവും ഇത് കഴിക്കുന്നത് ശീലമാക്കാം. വിശപ്പ് നിയന്ത്രിക്കാൻ പൈൻ നട്സ് കഴിക്കുന്നത് നല്ലതാണ്.
പിസ്ത
പിസ്തയിൽ ധാരാളം വിറ്റാമിൻ ബി6 ഉം മറ്റ് പോഷകഗുണങ്ങളും അടങ്ങിയിട്ടുണ്ട്. ഇത് മെറ്റബോളിസം പ്രവർത്തനത്തെ പിന്തുണയ്ക്കുന്നു.
