കരിക്കിന്റെ വെബ് സീരീസിലൂടെയാണ് ശ്രദ്ധ നേടിയ നടി നിലീന് സാന്ദ്ര വിവാഹിതയാകുന്നു. സോഷ്യല് മീഡിയയിലൂടെ നിലീന് തന്നെയാണ് ഈ സന്തോഷ വാര്ത്ത പങ്കുവച്ചത്. യുവ സംവിധായകന് ശ്യാമിന് ഗിരീഷ് ആണ് വരന്. ദൈവം തനിക്കായി അയച്ചു തന്ന അനുഗ്രഹമെന്നാണ് തന്റെ പ്രതിശ്രുത വരനെക്കുറിച്ച് നിലീന് സാന്ദ്ര പറയുന്നത്.
തങ്ങളുടെ മനോഹരമായ നിമിഷങ്ങള് കോര്ത്തിണക്കിയ വിഡിയോയും കുറിപ്പിനൊപ്പം പങ്കുവച്ചിട്ടുണ്ട്. തന്റെ ആത്മസുഹൃത്തിനെയാണ് വിവാഹം കഴിക്കുന്നതെന്നാണ് നിലീന് പറയുന്നത്. സിനിമയിലും നീലിൻ അഭിനയിച്ചിട്ടുണ്ട്. ആവാസവ്യൂഹം, 2018 തുടങ്ങിയ സിനിമകളില് അഭിനയിച്ചിട്ടുണ്ട്. അഭിനയത്തിന് പുറമെ എഴുത്തിലും കയ്യടി നേടിയിട്ടുണ്ട്. റോക്ക് പേപ്പര് സിസേഴ്സ്, സാമര്ഥ്യശാസ്ത്രം എന്നീ സീരിസുകള് നിലീന് എഴുതിയിട്ടുണ്ട്. ‘ഇറ്റ്സ് എ മെഡിക്കല് മിറാക്കിള്’ എന്ന സിനിമയുടെ സംവിധായകനാണ് ശ്യാമിന് ഗിരീഷ്.
