ഒഡീഷ ദുരന്തത്തിന്റെ പശ്ചാത്തലത്തിൽ രാജ്യത്ത് ട്രെയിൻ ഗതാഗതം ഭാഗികമായി തടസപ്പെട്ടു

Advertisement

ഒഡീഷ ദുരന്തത്തിന്റെ പശ്ചാത്തലത്തിൽ രാജ്യത്ത് ട്രെയിൻ ഗതാഗതം ഭാഗികമായി തടസപ്പെട്ടു. 48 ട്രെയിനുകൾ പൂർണമായി റദ്ദാക്കി. 38 ട്രെയിനുകൾ വഴിതിരിച്ചുവിട്ടു. കേരളത്തിലൂടെ സർവീസ് നടത്തുന്ന ഒരു ട്രെയിൻ പൂർണമായും റദ്ദാക്കുകയും 4 ട്രെയിനുകൾ വഴി തിരിച്ചുവിടുകയും ചെയ്തു. തിരുവനന്തപുരത്ത് നിന്നും ഷാലിമാറിലേക്ക് വൈകിട്ട് 4.55 ന് പുറപ്പെടേണ്ട എക്സ്പ്രസാണ് റദ്ദാക്കിയത്. കന്യാകുമാരി – ഡിബ്രുഗർക് – വിവേക്, പട്ന- എറണാകുളം എക്സ്പ്രസ്, സിൽച്ചർ – തിരുവനന്തപുരം എക്സ്പ്രസ്, ഡിബ്രുഗർക്- കന്യാകുമാരി വിവേക് എന്നിവയാണ് വഴി തിരിച്ച് വിട്ടത്. അതേ സമയം പരിക്കേറ്റവരുടെ കുടുംബാഗങ്ങൾക്ക് ദുരന്ത ഭൂമിയിലേക്ക് യാത്ര ചെയ്യുന്നതിനായി ചെന്നൈയിൽ നിന്നും പ്രത്യേക ട്രെയിൻ ഇന്ന് സർവിസ് നടത്തും.

ഹൗറ എറണാകുളം അന്ത്യോദയ എക്സ്പ്രസ്,ഷാലിമാർ – ചെന്നെ കോറമൻറൽ എക്സ്പ്രസ്,ചെന്നെ ഹൗറ എക്സ്പ്രസ് എന്നി ട്രെയിനുകൾ ക്യാൻസൽ ചെയ്തു. തിരുച്ചിറപ്പള്ളി -ഹൗറ എക്സ്പ്രസ് ബിസിയാനഗർ വഴി തിരിച്ചുവിട്ടു സീ ഗാഡ് ടൗൺ – താമ്പരം നാഗോൺ എക്സ്പ്രസും വഴി തിരിച്ചുവിട്ടു

Advertisement