ദുബായ്: ആരാധകര്‍ ഏറെ കാത്തിരിക്കുന്ന ട്വന്റി20 ലോകകപ്പിലെ ഇന്ത്യാ-പാക് മത്സരത്തിനായുള്ള സ്റ്റാന്‍ഡിങ് റൂം ടിക്കറ്റുകള്‍ പുറത്തിറക്കി. മത്സരത്തിന്റെ ജനറല്‍ ടിക്കറ്റുകള്‍ ഈ വര്‍ഷം ഫെബ്രുവരിയില്‍ വില്‍പ്പനക്ക് വെച്ചപ്പോള്‍ 5 മിനിറ്റിനുള്ളില്‍ വിറ്റ് പോയിരുന്നു.
ഒക്ടോബര്‍ 23ന് എംസിജെയിലാണ് ട്വന്റി20 ലോകകപ്പിലെ ഇന്ത്യ-പാകിസ്ഥാന്‍ മത്സരം. 4000 സ്റ്റാന്‍ഡിങ് റൂം ടിക്കറ്റുകളാണ് വ്യാഴാഴ്ച വില്‍പ്പനക്കായി വെച്ചത്. ആദ്യം വരുന്നവര്‍ക്ക് ആദ്യം എന്ന നിലയിലാണ് സ്റ്റാന്‍ഡിങ് റൂം ടിക്കറ്റുകള്‍ ലഭിക്കുക. ഐസിസി ഹോസ്പിറ്റാലിറ്റി, ഐസിസി ട്രാവല്‍ ആന്‍ഡ് ടൂര്‍സ് പ്രോഗാമിലെ ഏതാനും പാക്കേജുകള്‍ കൂടി വാങ്ങാന്‍ ആരാധകര്‍ക്ക് അവസരമുണ്ട്. ടിക്കറ്റുകള്‍ മറിച്ചുവില്‍ക്കാന്‍ സാധിക്കുന്ന റീ സെയില്‍ പ്ലാറ്റ്ഫോമും ടൂര്‍ണമെന്റ് ആരംഭിക്കുന്നതിന് അടുത്ത ദിവസങ്ങളില്‍ ആരംഭിക്കും.
Advertisement
