ന്യൂഡെല്‍ഹി. മാപ്പു പറയാത്ത സാഹചര്യത്തിൽ രാഹുൽഗാന്ധിയെ സസ്പെൻഡ് ചെയ്യണമെന്ന് ആവശ്യപ്പെട്ട് : ബിജെപി രംഗത്ത്. ലണ്ടനിലെ പ്രസംഗം അവകാശലംഘനത്തിന് ഉപരിയായ കുറ്റമെന്ന് ബിജെപി
പാർട്ടി ലോക്സഭാ സ്പീക്കറിന് കത്ത് നൽകി. 2005ൽ രൂപീകരിച്ചത് പോലെ പ്രത്യേക സമിതി രൂപീകരിക്കണം എന്ന് ആവശ്യം അതിനിടെ ലണ്ടനില്‍ താന്‍ നടത്തിയ പരാമര്‍ശ വിഷയത്തിൽ സഭയിൽ വിശദികരണം നല്കാൻ അനുവദിയ്ക്കണമെന്ന് രാഹുൽ ഗാന്ധി.
വിഷയത്തില്‍ മാപ്പ് പറയണമെന്ന് ബിജെപി ആവശ്യപ്പെട്ടിരിക്കുന്ന സാഹചര്യത്തില്‍ ആണ് പാര്‍ലമെന്റില്‍ മറുപടി പറയാന്‍ അനുവദിക്കണമെന്ന് കോണ്‍ഗ്രസ് നേതാവ് രാഹുല്‍ ഗാന്ധി ആവശ്യപ്പെട്ടത്.
നാല് മന്ത്രിമാര്‍ ഉന്നയിച്ച ആരോപണങ്ങളില്‍ മറുപടി പറയേണ്ടത് തന്റെ അവകാശമാണെന്നും രാഹുല്‍ വിശദമാക്കി. രാഹുൽ ഗാന്ധി ഇക്കാര്യം സ്പീക്കറെ അറിയിച്ചു
പ്രതിപക്ഷ പ്രതിഷേധത്തിൽ നിയമസഭാ നടപടികൾ ഇന്നും സ്തംഭിച്ചേക്കും. കഴിഞ്ഞദിവസം സഭയിൽ ഉണ്ടായ തർക്കത്തിൽ പ്രതിപക്ഷ എംഎൽഎമാർക്കെതിരെ ജാമ്യമില്ല വകുപ്പ് പ്രകാരം കേസെടുത്തത് പ്രതിപക്ഷം ഉന്നയിക്കും. പ്രതിപക്ഷ എംഎൽഎമാർക്കെതിരായ കയ്യേറ്റത്തിൽ നടപടി വൈകുന്നതും പ്രതിഷേധത്തിന് കാരണമാകും. ചോദ്യോത്തര വേള മുതൽ പ്രതിപക്ഷത്തിൻ്റെ ഭാഗത്തുനിന്ന് ശക്തമായ പ്രതിഷേധം ഉണ്ടാവാനാണ് സാധ്യത. എം.എൽ.എമാർക്കെതിരെ കേസെടുത്തത് അടിയന്തര പ്രമേയ നോട്ടീസ് ആയി അവതരിപ്പിച്ചേക്കും. നിയമസഭ സംഘർഷത്തിൽ സ്പീക്കറുടെ റൂളിംഗ് ഉണ്ടാകാനുമിടയുണ്ട്. കഴിഞ്ഞ മൂന്നു ദിവസവും പ്രതിപക്ഷ പ്രതിഷേധത്തെ തുടർന്ന് സഭ നടപടികൾ തടസ്സപ്പെട്ടിരുന്നു
