കൊച്ചി ∙ നടിയെ ആക്രമിച്ച സംഭവത്തിൽ അന്വേഷണച്ചുമതലയിൽ നിന്ന് എഡിജിപി എസ്.ശ്രീജിത്തിനെ മാറ്റിയത് ചോദ്യം ചെയ്ത് നൽകിയ ഹർജി ഹൈക്കോടതി തള്ളി. ഹർജി ദുരുദ്ദേശ്യപരമെന്നു നിരീക്ഷിച്ചാണ് ഹൈക്കോടതി നടപടി. സർക്കാരിന്റെ ഭരണപരമായ കാര്യങ്ങളിൽ ഇടപെടാനാകില്ലെന്ന് കോടതി പറഞ്ഞു.
സ്ഥലംമാറ്റം സംബന്ധിച്ച് സർക്കാർ നൽകിയ വിശദീകരണം കോടതി അംഗീകരിക്കുകയായിരുന്നു. അന്വേഷണ ചുമതലയിൽ നിന്ന് ശ്രീജിത്തിനെ മാറ്റിയതിന് എതിരെ ബൈജു കൊട്ടാരക്കരയാണ് ഹൈക്കോടതിയിൽ ഹർജി നൽകിയത്.
അതേസമയം, ദിലീപിന്റെ സുഹൃത്ത് ശരത്തിനെ അറസ്റ്റ് ചെയ്തത് അറിഞ്ഞില്ലെന്ന് വിചാരണക്കോടതി വ്യക്തമാക്കി. ബാലചന്ദ്രകുമാറിന്റെ മൊഴി വിശ്വാസയോഗ്യമല്ലെന്ന് പ്രതിഭാഗം കോടതിയിൽ ചൂണ്ടിക്കാട്ടി.
Advertisement
