കൊച്ചി: സംസ്ഥാനത്ത് ഇന്ന് സ്വർണവിലയിൽ മാറ്റമില്ല. കഴിഞ്ഞദിവസം സ്വർണവില വലിയ തോതിൽ കുറ‍ഞ്ഞിരുന്നു.
ആദ്യം 120 രൂപയും പിന്നീട് 800 രൂപയും കുറഞ്ഞതിലൂടെ ആകെ 920 രൂപയുടെ ഇടിവാണ് കഴിഞ്ഞദിവസം സ്വർണവിലയിൽ ഉണ്ടായത്.
ഒരു പവൻ സ്വർണത്തിന് 37920 രൂപയാണ് ഇന്നത്തെ വില. 1960 രൂപയുടെ കുറവാണ് ഒരു പവൻ സ്വർണത്തിന് കഴിഞ്ഞ പത്ത് ദിവസത്തിനുള്ളിൽ സംഭവിച്ചത്.
അന്താരാഷ്ട്ര വിപണിയിലെ വില വ്യതിയാനം മൂലവും അക്ഷയ തൃതീയ ആഘോഷത്തിന് ഉപഭോക്താക്കൾക്ക് ഗുണകരമാകുന്നതിനും വേണ്ടിയാണ് ഇന്നലെ രണ്ട് തവണ വില കുറച്ചതെന്ന് ഓൾ കേരള ഗോൾഡ് ആന്റ് സിൽവർ മർച്ചന്റ്സ് അസോസിയേഷൻ വ്യക്തമാക്കി.
Advertisement
