തിരുവനന്തപുരം: സംസ്ഥാനത്ത് ഇത്തവണ വേനൽമഴ അധികമായി ലഭിച്ചതായി കണക്ക്.
81 ശതമാനം അധികമഴയാണ് മാർച്ച്‌ മുതൽ ഏപ്രിൽ ഒമ്പത് വരെ പെയ്തത്.
ഇക്കാലയളവിൽ 59 മില്ലി മീറ്റർ മഴയാണ് സാധാരണയായി ലഭിക്കേണ്ടത്. എന്നാൽ ഇതുവരെ 106.6 മില്ലി മീറ്റർ മഴ ലഭിച്ചു. തൃശൂർ ജില്ലയിൽ മാത്രമാണ് മഴക്കുറവ് രേഖപ്പെടുത്തിയത്. കോട്ടയം (205.6 മില്ലി മീറ്റർ), പത്തനംതിട്ട(285.7 മില്ലി മീറ്റർ), എറണാകുളം(173.1 മില്ലി മീറ്റർ), ഇടുക്കി(140.5 മില്ലി മീറ്റർ), ആലപ്പുഴ (168.9 മില്ലി മീറ്റർ) ജില്ലകളിലാണ് ശക്തമായ മഴ ലഭിച്ചത്.
ശതമാനക്കണക്കിൽ കാസർകോടാണ് ഏറ്റവും കൂടുതൽ മഴ ലഭിച്ചത്. മലപ്പുറം, പാലക്കാട്, തിരുവനന്തപുരം ജില്ലകളിൽ സാധാരണ അളവിൽ മഴ ലഭിച്ചു. പത്ത് ജില്ലകളിൽ അധിക മഴ ലഭിച്ചതായും കണക്കുകൾ വ്യക്തമാക്കുന്നു.
Advertisement
