ന്യൂ ഡെൽഹി :
വിവാദമായ കാർഷിക നിയമങ്ങൾ പിൻവലിക്കുന്നതിന് കേന്ദ്രമന്ത്രിസഭാ യോഗം അനുമതി നൽകി. ഇതിനായുള്ള ബിൽ പാർലമെന്റിൽ അവതരിപ്പിക്കാനാണ് അനുമതി. നിയമങ്ങൾ പിൻവലിക്കുമെന്ന് പ്രധാനമന്ത്രി നരേന്ദ്രമോദി നേരത്തെ പ്രഖ്യാപിച്ചിരുന്നു. 
നവംബർ 29നാണ് പാർലമെന്റിന്റെ ശൈത്യകാല സമ്മേളനം ആരംഭിക്കുന്നത്. ഈ സമയത്ത് കാർഷിക നിയമം പിൻവലിക്കൽ ബിൽ അവതരിപ്പിക്കാനാണ് കേന്ദ്രം ഒരുങ്ങുന്നത്. മൂന്ന് നിയമങ്ങളും കൂടി പിൻവലിക്കുന്നതിനായി ഒരു ബിൽ ആയിരിക്കും അവതരിപ്പിക്കുക. അതേസമയം സൗജന്യ ഭക്ഷ്യധാന്യ പദ്ധതി തുടരാനും കേന്ദ്രമന്ത്രിസഭാ യോഗം തീരുമാനിച്ചു. 
കർഷകരുടെ രോഷം അവസാനിപ്പിക്കാൻ താങ്ങുവില നിയമപരമായി ഉറപ്പാക്കണമെന്ന ആവശ്യവും കേന്ദ്രം അംഗീകരിച്ചേക്കും. ഇതിനുള്ള ആലോചനകൾ കേന്ദ്രതലത്തിൽ ആരംഭിച്ചു.
 

LEAVE A REPLY

Please enter your comment!
Please enter your name here