തിരുവനന്തപുരം. ഗവർണർ സംസ്ഥാനത്തിൻ്റെ നാമമാത്രമായ തലവനാണെന്ന് ഇനി മുതൽ വിദ്യാർത്ഥികൾ പഠിച്ച് തുടങ്ങും.. സർക്കാർ ഗവർണർ പരസ്പര പോര് തുടരുന്നതിനിടെ ഗവർണറുടെ അധികാരപരിധി വിവരിക്കുന്ന പാഠപുസ്തം കുട്ടികളുടെ കൈകളിലേക്ക് എത്തുന്നു.. പത്താം ക്ലാസ് സാമൂഹിക ശാസ്ത്രം രണ്ടാഭാഗം പുസ്തകത്തിലാണ് ഗവർണറുടെ അധികാരപരിധികൾ ഉൾപ്പെടുത്തിയ പാഠ ഭാഗമുള്ളത്.
രാജ്ഭവനിലെ പരിപാടി ബഹിഷ്കരിച്ച ശേഷം വിദ്യാഭ്യാസ മന്ത്രി വി ശിവൻകുട്ടിയുടെ പ്രഖ്യാപനം.. മൂന്ന് മാസത്തിൽ യാഥാർത്ഥ്യമായി.. ഗവർണറുടെ അധികാരവും അധികാരപരിധിയും കുട്ടികളെ പഠിപ്പിക്കുന്ന പുസ്തകം വിദ്യാർത്ഥികളുടെ കൈകളിലേക്ക്.. പത്താം ക്ലാസ് സാമൂഹ്യ ശാസ്ത്രം രണ്ടാം ഭാഗ പാഠപുസ്തകത്തിലെ “ജനാധിപത്യം; ഒരു ഇന്ത്യൻ അനുഭവം” എന്ന പാഠഭാഗത്തിലാണ് ഗവർണറുടെ അധികാര പരിധികൾ വിശദമായി വിവരിക്കുന്നത്. എല്ലാവരും പാഠഭാഗങ്ങൾ പഠിക്കണമെന്ന് വിദ്യാഭ്യാസ മന്ത്രി
ഗവർണർ സംസ്ഥാനത്തിൻ്റെ നാമമാത്ര തലവനാണ്. യഥാർത്ഥ കാര്യനിർവഹണ അധികാരം മുഖ്യമന്ത്രി തലവനായ മന്ത്രി സഭയ്ക്കാണ്. ഗവർണർ അധികാരങ്ങൾ നിർവഹിക്കേണ്ടത് മന്ത്രിസഭയുടെ ഉപദേശപ്രകാരമാണ്. ഗവർണർ എന്നത് തെരഞ്ഞെടുക്കപ്പെട്ട ഒരു ഔദ്യോഗിക സ്ഥാനമല്ല. 1983 ൽ കേന്ദ്രസർക്കാർ നിയോഗിച്ച സർക്കാരിയ കമ്മീഷൻ സജീവ രാഷ്ട്രീയക്കാരെ ഗവർണർമാരായി നിയമിക്കരുതെന്ന് ശുപാർശ ചെയ്തിട്ടുണ്ട്. കേന്ദ്രസർക്കാരുകൾ ഗവർണർമാർ മുഖേന സംസ്ഥാനങ്ങളുടെ ഭരണഘടന അവകാശങ്ങളിൽ ഇടപെടുന്നു. കേന്ദ്രാവിഷ്കൃത പദ്ധതികളിലും വിഭവങ്ങളുടെ വിതരണത്തിലും രാഷ്ട്രീയം കലരുന്നു. ഇങ്ങനെ തുടങ്ങി ഗവർണറുടെ നിയമനിർമ്മാണ, കാര്യ നിർവഹണ, നീതിന്യായ, വിവേചന അധികാരങ്ങളും പാഠഭാഗത്തിലെ 4 പേജുകളിൽ വിശദമായി പറയുന്നു.
