ആലപ്പുഴ: ഫഹദ് ഫാസിലും നസ്രിയയും മലയാളികളുടെ പ്രിയ താരദമ്പതികളാണ് . ഇരുവരുടെയും വിവാഹം 2014ൽ ആയിരുന്നു. ആരാധകർ പ്രിയ താരങ്ങൾ ഒന്നായ സന്തോഷം ഇരുകയ്യും നീട്ടിയാണ് സ്വീകരിച്ചത്.
ഫഹദും നസ്രിയയും തങ്ങളുടെ എട്ടാം വിവാഹവാർഷികം ഇന്ന് ആഘോഷിക്കുകയാണ്.
താരദമ്പതികൾക്ക് ആശംസകളുമായി സിനിമയ്ക്ക് അകത്തും പുറത്തുമുള്ള നിരവധി പേരാണ് രംഗത്തെത്തുന്നത്. നസ്രിയ ഈ അവസരത്തിൽ പങ്കുവച്ച ഇൻസ്റ്റാഗ്രാം പോസ്റ്റാണ് ശ്രദ്ധനേടുന്നത്.
വീഡിയോയിൽ ഫഹദും നസ്രിയയും സൈക്കിൾ റൈഡ് നടത്തുന്നതാണ്.
“ശരി….ഭ്രാന്തിന്റെ മറ്റൊരു വർഷം…8 വർഷം മുമ്പ് ഏകദേശം ഈ സമയത്താണ് ഞങ്ങൾ വിവാഹിതരായത്, ദൈവമേ, ഇത് ഒരു സവാരിയാണ്”, എന്നാണ് നസ്രിയ വീഡിയോ പങ്കുവച്ച്‌ കുറിച്ചത്. ഫഹദിന്റെ അനുജൻ ഫർഹാൻ കമന്റ് ചെയ്തിരിക്കുന്നത് ഹാപ്പി ആനിവേഴ്സറി ഗയ്സ് എന്നാണ്. ഫഹദ് ഫാസിലും നസ്രിയയും തമ്മിലുള്ള വിവാഹം 2014 ഓഗസ്റ്റ് 21 നായിരുന്നു. വിവാഹം ഇരുവരും ഒന്നിച്ചഭിനയിച്ച അഞ്ജലി മേനോൻ സംവിധാനം ചെയ്ത ബാംഗ്ലൂർ ഡെയ്സ് പുറത്തിറങ്ങിയതിന് പിന്നാലെയായിരുന്നു.
