ലോകകപ്പ് വേളയിൽ സന്ദർശക വിസക്കാർക്ക്​ ഖത്തറിലേക്ക് പ്രവേശനമില്ല

Advertisement

ദോഹ: ലോകകപ്പ്​ വേളയിൽ സന്ദർശക വിസ വഴി ഖത്തറിലേക്കുള്ള പ്രവേശനത്തിന്​ താൽകാലിക വിലക്ക്​ പ്രഖ്യാപിച്ച്‌​ ആഭ്യന്തര മന്ത്രാലയം.

നവംബർ ഒന്ന്​ മുതൽ ഡിസംബർ 23 വരെ ലോകകപ്പിനെത്തുന്ന കാണികൾക്ക്​ ഹയാ കാർഡ്​ വഴി രാജ്യത്തേക്കുള്ള പ്രവേശനം അനുവദിക്കുമ്പോൾ, തിരക്ക്​ നിയന്ത്രിക്കുന്നതിൻറെ ഭാഗമായാണ്​ എല്ലാ തരം സന്ദർശക വിസകൾക്കും താൽകാലിക വിലക്ക്​ ഏർപ്പെടുത്തുന്നത്​.

എന്നാൽ, ഡിസംബർ 23ന്​ ശേഷം സന്ദർശക വിസ വഴിയുള്ള ​പ്രവേശനം സാധാരണ ഗതിയിലാവുമെന്ന്​ സിവിൽ ഡിഫൻസ്​ ആസ്ഥാനത്ത്​ വിളിച്ചു ചേർത്ത വാർത്താസമ്മേളനത്തിൽ അധികൃതർ അറിയിച്ചു.

നവംബർ ഒന്ന്​ മുതൽ രാജ്യത്ത്​ പ്രവേശനം അനുവദിക്കുന്ന ഹയാ കാർഡ്​ ഉടമകൾക്ക്​ ലോകകപ്പ്​ കഴിഞ്ഞും ഒരു മാസത്തിലേറെ ഖത്തറിൽ തുടരാവുന്നതാണ്​. ഇവർക്ക്​ 2023 ജനുവരി 23നുള്ളിൽ മടങ്ങി പോയാൽ മതിയാവും.

Advertisement