മെക്സിക്കോയിൽ വൻഭൂചലനം; സുനാമി മുന്നറിയിപ്പ്

Advertisement

മെക്സിക്കോ സിറ്റി: തിങ്കളാഴ്ച മെക്‌സിക്കോയുടെ മധ്യ പസഫിക് തീരത്ത് വൻഭൂചലനം. ഭൂചലനത്തിൽ ഒരാൾ മരിച്ചു.

നിരവധി പേർക്ക് പരിക്കേറ്റു. 7.6 തീവ്രതയാണ് രേഖപ്പെടുത്തിയതെന്ന് യു.എസ് ജിയോളജിക്കൽ സർവേ വ്യക്തമാക്കി.

പ്രാദേശിക സമയം ഉച്ചക്ക് 1.5ഓടെയായിരുന്നു ഭൂചലനം. നിരവധി കെട്ടിടങ്ങൾ നിലംപൊത്തിയതടക്കം വ്യാപക നഷ്ടമാണ് റിപ്പോർട്ട് ചെയ്യപ്പെട്ടത്.

ഭൂചലനത്തെ തുടർന്ന് മെക്സിക്കൻ തീരപ്രദേശങ്ങളിൽ സുനാമി മുന്നറിയിപ്പ് നൽകിയിട്ടുണ്ട്. ഭൂകമ്പത്തിന്റെ പ്രഭവകേന്ദ്രത്തിന് 600ലേറെ കിലോമീറ്റർ അകലെയാണ് രാജ്യതലസ്ഥാനമായ മെക്സിക്കോ സിറ്റി. മുൻകരുതലായി മെക്സിക്കോ സിറ്റിയിൽ ആളുകളെ കെട്ടിടങ്ങളിൽനിന്ന് ഒഴിപ്പിച്ചു.

Advertisement