തൻറെ ഡേ കെയറിലെ കുട്ടികളോട് ലൈംഗികാതിക്രമം : ഭർത്താവിനെ ഭാര്യ വെടിവച്ചു

Advertisement


വാഷിം​ഗ്ടൺ: ഡേ കെയറിലെ കുട്ടികളോട് ലൈംഗികാതിക്രമം നടത്തിയെന്ന് ആരോപിച്ച്‌ മുൻ പൊലീസ് ഓഫീസറായ ഭർത്താവിനെ ഭാര്യ വെടിവച്ചു .

രണ്ട് വെടിയുണ്ടകളാണ് ഇയാളുടെ ശരീരത്തിലേറ്റത്. ഇയാൾ ഇപ്പോഴും ആശുപത്രിയിൽ ചികിത്സയിലാണ്. വെടിയേറ്റ 57 കാരനായ ജെയിംസ് വീംസിനെതിരെ ലൈംഗികാതിക്രമക്കേസ് നേരത്തേ ചാർജ് ചെയ്തിട്ടുണ്ടെന്നും റിപ്പോർട്ടുകളുണ്ട്.

താൻ നടത്തുന്ന ഡേ കെയറിലെ കുട്ടികളോട് ലൈംഗികാതിക്രമം നടത്തിയുമായി സംബന്ധിച്ച്‌ ഭാര്യയും ഭർത്താവും തമ്മിൽ സംസാരാമുണ്ടായിരുന്നു. ഇതിന് പിന്നാലെ 50 കാരിയായ ഭാര്യ ഷൻടേരി വീംസ് ഇയാൾക്ക് നേരെ വെടിയുതിർക്കുകയായിരുന്നു. ഭാര്യക്കെതിരെ കൊലപാതശ്രമത്തിനും തോക്ക് കൈവശം വച്ചതടക്കമുള്ള കേസുകളും ചാർജ് ചെയ്തിട്ടുണ്ട്.

വെടിവെപ്പ് നടന്ന ഹോട്ടൽ മുറിയിൽ നിന്ന് ഒരു നോട്ട് ബുക്ക് പൊലീസ് കണ്ടെടുത്തിരുന്നു. ഒരാൾ തളർന്നുകിടക്കാൻ എങ്ങനെയാണ് വെടിവെക്കേണ്ടത് എന്ന് വിവരിക്കുന്നതാണ് ഈ പുസ്തകമെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു. ആ കുട്ടികൾക്ക് നീതി ലഭിക്കണമെന്നും പുസ്തകത്തിലെഴുതിയിട്ടുണ്ടെന്നാണ് റിപ്പോർട്ട്.
വീംസിനെതിരെ പൊലീസ് അറസ്റ്റ് വാറന്റ് പ്രഖ്യാപിച്ചിട്ടുണ്ട്. 13 ലൈംഗികാതിക്രമക്കേസുകളാണ് ഇയാൾക്കെതിരെയുള്ളത്. ഇതിൽ മൂന്നെണ്ണം കുട്ടികൾക്ക് നേരെയുള്ള ലൈംഗികാതിക്രമമാണ്. ഇയാളുടെ ആശുപത്രി മുറിക്ക് പുറത്ത് പൊലീസ് കാവലുണ്ട്. വാഷിം​ഗ്ടണിലെ ഷൻടേരി ബാൾട്ടിമോർ കൗണ്ടിയിൽ ലിൽ കിഡ്‌സ് എന്ന പേരിൽ ഡേ കെയർ നടത്തുകയാണ്.

Advertisement