ലൈഫ് ഇൻഷുറൻസ് കോർപറേഷൻ ഓഫ് ഇന്ത്യ (എൽ.ഐ. സി) അസിസ്റ്റന്റ് അഡ്മിനിസ്ട്രേറ്റിവ് ഓഫിസർമാരെ (ജനറലിസ്റ്റ്) നിയമിക്കുന്നതിന് അപേക്ഷ ക്ഷണിച്ചു. ഓൺലൈനായി ജനുവരി 31വരെ അപേക്ഷിക്കാം.
ഒഴിവുകൾ: 300.
വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം www. licindia.in/careersൽ.
യോഗ്യത: ഏതെങ്കിലും വിഷയത്തിൽ ബിരുദം.
പ്രായപരിധി 1.1.2023ൽ 21-30. സംവരണ വിഭാഗങ്ങളിൽപെടുന്നവർക്ക് നിയമാനുസൃത വയസ്സിളവുണ്ട്.
തെരഞ്ഞെടുപ്പ്: ഫെബ്രുവരി 17-20 വരെ നടക്കുന്ന ഓൺലൈൻ പ്രിലിമിനറി, മാർച്ച് 18ന് ദേശീയതലത്തിൽ നടത്തുന്ന ഓൺലൈൻ മെയിൻ പരീക്ഷ, വ്യക്തിഗത അഭിമുഖം എന്നിവയുടെ അടിസ്ഥാനത്തിൽ. വൈദ്യപരിശോധനയുണ്ടാവും.
തിരഞ്ഞെടുക്കപ്പെടുന്നവരെ 53600-102090 രൂപ ശമ്പള നിരക്കിൽ നിയമിക്കും. പ്രതിമാസം 92,870 രൂപ ശമ്പളം ലഭിക്കും. പെൻഷൻ, ഗ്രാറ്റുവിറ്റി, ഗ്രൂപ് ഇൻഷുറൻസ് ഉൾപ്പെടെ ആനുകൂല്യങ്ങളുമുണ്ട്.
