ഹൃദയത്തിന്റെ ആരോഗ്യം വളരെ പ്രധാനമാണ്. മനുഷ്യന്റെ മനസ്സ് ഹൃദയമാണ് എന്നാണ് പറയാറുളളത്. അതുകൊണ്ടു തന്നെ മാനസിക ബുദ്ധിമുട്ടുകൾ അനുഭവപ്പെടുമ്പോൾ നമ്മുടെ ഹൃദയത്തെയാണ് അത് കൂടുതലായി ബാധിക്കുന്നത്.

ഹൃദയത്തിന്റെ ആരോഗ്യത്തിന് ഏറ്റവും നല്ലത് ആയുർവേദം തന്നെയാണ്. അതുപോലെ ആയുർവേദ ഗുണമുളള ഭക്ഷണം ദിവസേനയുളള നമ്മുടെ ഭക്ഷണ ക്രമത്തിൽ ഉൾപ്പെടുത്തുന്നത് വളരെ നല്ലതാണ്.

➤ നെല്ലിക്ക ദിവസവും കഴിയ്ക്കുന്നത് രക്തക്കുഴലുകളുടെ തകരാറുകൾ പരിഹരിക്കാനാൻ സഹായിക്കുന്നു. കൂടാതെ രോഗപ്രതിരോധ ശേഷി വർധിപ്പിക്കുകയും ഹൃദയത്തെ കൂടുതൽ ഊർജസ്വലമാക്കുകയും ചെയ്യുന്നു. ഹൃദയ പേശികളെ ശക്തമാക്കാനും രക്തസമ്മർദം കുറയ്ക്കാനും നെല്ലിക്ക ഉത്തമമാണ്.

➤ നീർ മരുതിന്റെ പൊടി ചേർത്ത് തിളപ്പിച്ച വെള്ളം കുടിക്കുന്നതും ഹൃദയത്തിന്റെ ആരോഗ്യത്തിന് നല്ലൊരു മരുന്നാണ്.

➤ വെളുത്തുള്ളി, മഞ്ഞൾ, ഇഞ്ചി, മുരിങ്ങ എന്നിവയും ഹൃദയാരോഗ്യം കൂടുതൽ ശക്തമാക്കാൻ സഹായിക്കുന്നു.

➤ അമിതമായ ടെൻഷൻ കുറച്ച്‌ ഹൃദയാരോഗ്യം സംരക്ഷിക്കുന്ന നല്ലൊരു മരുന്നാണ് അശ്വഗന്ധം.

➤മോര് കഴിക്കുന്നതും മുരിങ്ങയില, കുമ്പളങ്ങ തുടങ്ങിയവ കറിയാക്കി കഴിയ്ക്കുന്നതും ഹൃദയത്തിന്റെ ആരോഗ്യത്തിന് വളരെ നല്ലതാണ്.

➤ രക്തസമ്മർദം, പ്രമേഹം, തുടങ്ങിയവയും ഹൃദയാരോഗ്യത്തെ പ്രതികൂലമായി ബാധിക്കുന്നു. അതിനാൽ എണ്ണമയമുള്ളതും കൊഴുപ്പ് കൂടിയതുമായ ഭക്ഷണങ്ങൾ ഒഴിവാക്കണം.

➤ ഓക്സിജന്റെ അളവ് ഹൃദയാരോഗ്യം വർദ്ധിപ്പിക്കുന്നതിനാൽ പ്രാണായാമം പോലുള്ള ശ്വസന വ്യായാമം ചെയ്യുന്നത് വളരെ നല്ലതാണ്. കൂടാതെ നിത്യവും യോഗ അഭ്യസിക്കുന്നതും ഗുണം ചെയ്യുന്നു.

➤ പയറു വർഗങ്ങൾ കഴിയ്ക്കുന്നതും ഹൃദ്രോഗത്തെ നിയന്ത്രിക്കുന്നു. കൂടാതെ ചുക്കുകഷായവും, വെളുത്തുള്ളി , ചീനത്തിപ്പലി, ഓരില വേര്, കരിഞ്ചീരകം, എന്നിവ ചേർത്തുണ്ടാക്കിയ കഷായവും നിത്യവും കഴിക്കിന്നത് ഹൃദ്രോഗത്തെ തടയാൻ സഹായിക്കുന്നു. കൂടാതെ അശ്വഗന്ധ അരിഷ്ടവും, ലേഹ്യവും, നെല്ലിക്ക അടങ്ങിയ ച്യവനപ്രാശവും സ്ഥിരമായി കഴിക്കുന്നത് ഹൃദയരക്ഷയ്ക്ക് വളരെയധികം നല്ലതാണ്.