രചന നാരായണൻകുട്ടിയുടെ പിറന്നാൾ ആഘോഷമാക്കി മോഹൻലാലും കൂട്ടരും. ഇത്രയേറെ താരങ്ങൾ പങ്കെടുത്ത ഒരു പിറന്നാൾ ആഘോഷം എന്തായാലും അടുത്തിടെ മലയാള സിനിമയിൽ ഉണ്ടായിട്ടില്ല എന്ന കാര്യം ഉറപ്പ്. കൊച്ചിയിലെ അമ്മ ഓഫിസിൽ വച്ചായിരുന്നു ഗംഭീര പിറന്നാൾ ആഘോഷം. മോഹൻലാലിനൊപ്പം ശ്വേത മേനോൻ, ബാബുരാജ്, ഇടവേള ബാബു, സുധീർ കരമന, സിദ്ദീഖ് എന്നിവർ പങ്കെടുത്തു.
‘‘ഇങ്ങനെയായിരുന്നു എന്റെ പിറന്നാൾ ആഘോഷം. ഒരു സ്റ്റാർ ബർത്ഡേ. നന്ദി ലാലേട്ടാ, അങ്ങയുടെ സ്നേഹത്തിനും പ്രാർഥനകൾക്കും. നന്ദി സിദ്ദീഖ് ഇക്ക, ബാബു ചേട്ടന്മാർ, സുധീർ ഏട്ടാ, ശ്വേത ചേച്ചി. എക്സിക്യൂട്ടിവ് കമ്മിറ്റിക്കു ശേഷമുള്ള മനസ്സുനിറഞ്ഞുള്ള ചിരി…പിറന്നാൾ ആശംസകൾ നേർന്ന ഏവർക്കും നന്ദി. സന്തോഷത്തിന്റെ നാൽപതുകൾ ഇവിടെ ആരംഭിക്കുന്നു.’’–രചന നാരായണൻകുട്ടി കുറിച്ചു.
Advertisement
