ന്യൂഡൽഹി: പുതുക്കിയ വിറ്റാര ബ്രെസ കോംപാക്‌ട് എസ്യുവി ജൂൺ 30-ന് ഇന്ത്യയിൽ അവതരിപ്പിക്കാൻ മാരുതി സുസുക്കി ഒരുങ്ങുന്നു.
എർട്ടിഗ അവതരിപ്പിച്ചതിന് ശേഷം ഈ വർഷം ബ്രാൻഡിൽ നിന്നുള്ള മൂന്നാമത്തെ പ്രധാന ലോഞ്ച് ആയിരിക്കും ഇത് എന്ന് ഹിന്ദുസ്ഥാൻ ടൈംസ് ഓട്ടോ റിപ്പോർട്ട് ചെയ്യുന്നു.
ലോഞ്ച് ചെയ്യുമ്പോൾ, 2022 മാരുതി സുസുക്കി വിറ്റാര ബ്രെസ, ടാറ്റ നെക്‌സോൺ, നിസ്സാൻ മാഗ്‌നൈറ്റ്, മഹീന്ദ്ര XUV300 തുടങ്ങിയ എതിരാളികളുമായുള്ള മത്സരം പുതുക്കും.
ബ്രാൻഡിൽ നിന്നുള്ള ഏറ്റവും കൂടുതൽ വിറ്റഴിക്കപ്പെടുന്ന മോഡലുകളിൽ ഒന്നാണ് മാരുതി സുസുക്കി വിറ്റാര ബ്രെസ . അതിന്റെ തുടക്കം മുതൽ ബ്രാൻഡിന് വരുമാനം നൽകുന്ന മുൻ‌നിരകളിൽ ഒന്നാണ് കോം‌പാക്റ്റ് എസ്യുവി .
വരാനിരിക്കുന്ന അപ്‌ഡേറ്റ് ചെയ്‍ത മോഡൽ കാബിനിലും പുറത്തും നിരവധി അപ്‌ഡേറ്റുകളുമായി വരുമെന്ന് പ്രതീക്ഷിക്കുന്നു.
എസ്‌യുവിയുടെ ഫ്രണ്ട് ഗ്രിൽ പരിഷ്‌കരിച്ച്‌ കൂടുതൽ ഷാർപ്പാക്കുമെന്ന് പ്രതീക്ഷിക്കാം. സംയോജിത എൽഇഡി ഡേടൈം റണ്ണിംഗ് ലൈറ്റുകളോട് കൂടിയ മൂർച്ചയേറിയതും മികച്ചതുമായ എൽഇഡി പ്രൊജക്ടർ ഹെഡ്‌ലാമ്ബുകൾ ഉണ്ടാകും.
മുന്നിലും പിന്നിലും പുതുക്കിയ ബമ്പറുകൾ ഉണ്ടാകും, അതേസമയം അലോയ് വീലുകളും പുതുക്കിയ രൂപകൽപ്പനയോടെ വരുമെന്ന് പ്രതീക്ഷിക്കുന്നു.
ഇത് ആദ്യമായി സൺറൂഫുമായി വന്നേക്കാം. നിലവിലെ മോഡലിനെ അപേക്ഷിച്ച്‌ ഇത് പുതിയ ബ്രെസ്സ പ്രീമിയം ആക്കും.
