ന്യൂഡൽഹി: പുതിയ വിർച്ചസ് മിഡ്-സൈസ് സെഡാൻ ഇന്ത്യയിൽ അവതരിപ്പിക്കാനൊരുങ്ങി ഫോക്സ്‍വാഗൺ. ഫോക്സ്‍വാഗൺ ഗ്രൂപ്പിന്റെ ഇന്ത്യ പ്ലാൻ 2.0 ന് കീഴിലുള്ള നാലാമത്തെ ഉൽപ്പന്നമായിരിക്കും പുതിയ ഫോക്‌സ്‌വാഗൺ വിർച്ചസ് സെഡാൻ. സ്‌കോഡ കുഷാക്ക് മിഡ്-സൈസ് എസ്‌യുവി പുറത്തിറക്കിയ ശേഷം ഫോക്സ്‍വാഗൺ ഗ്രൂപ്പ് സ്ലാവിയ മിഡ്-സൈസ് സെഡാൻ പുറത്തിറക്കാനുള്ള ഒരുക്കത്തിലാണ്.

വോക്സ്‍വാഗൺ ടൈഗൺ, സ്‌കോഡ കുഷാക്ക്, സ്ലാവിയ സെഡാൻ എന്നിവ പ്രാദേശികവൽക്കരിച്ച MQB AO IN പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ്. ഇന്ത്യ-സ്പെക്ക് ഫോക്‌സ്‌വാഗൺ വിർറ്റസും ഇതേ പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും. പഴയ വെന്റോ സെഡാന് പകരക്കാരനായാണ് ഇത് വരുന്നത്. ഹോണ്ട സിറ്റി, ഹ്യുണ്ടായ് വെർണ, മാരുതി സുസുക്കി സിയാസ് എന്നിവയ്‌ക്കൊപ്പം പുതിയ വിർച്ചസ് സെഡാൻ മത്സരിക്കും.

2022 മെയ് മാസത്തിൽ ലോഞ്ച് പ്രതീക്ഷിക്കുന്ന സമയത്ത് ഫോക്‌സ്‌വാഗൺ വിർച്ചസ് ഈ സാമ്പത്തിക വർഷത്തിന്റെ അവസാനത്തിന് മുമ്പ് അതിന്റെ പൊതു അരങ്ങേറ്റം കുറിക്കുമെന്ന് പ്രതീക്ഷിക്കുന്നു. 4,482 എംഎം നീളവും 1,751 എംഎം വീതിയുമുള്ള ഗ്ലോബൽ-സ്പെക്ക് വിർറ്റസിന് സമാനമായിരിക്കും ഇതിൻറെയും ഡിസൈൻ അളവുകൾ എന്നാണ് റിപ്പോർട്ടുകൾ.

ഉയരവും 1,472mm. വെന്റോയേക്കാൾ 92 എംഎം നീളവും 52 എംഎം വീതിയും 5 എംഎം ഉയരവുമുണ്ട്. വെന്റോയുടെ 2,553 മില്ലീമീറ്ററിനേക്കാൾ 98 എംഎം നീളമുള്ള 2,651 എംഎം വീൽബേസിലാണ് സെഡാൻ സഞ്ചരിക്കുന്നത്. പ്ലാറ്റ്‌ഫോം മാത്രമല്ല, ടൈഗൺ മിഡ്-സൈസ് എസ്‌യുവിയുമായി ഫോക്‌സ്‌വാഗൺ വിർറ്റസ് ഇന്റീരിയർ ഘടകങ്ങൾ പങ്കിടാൻ സാധ്യതയുണ്ട്.

ഇലക്‌ട്രിക് സൺറൂഫ്, ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയുള്ള വലിയ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, കണക്‌റ്റഡ് കാർ ടെക്, ഡിജിറ്റൽ ഇൻസ്ട്രുമെന്റ് കൺസോൾ, ഓട്ടോമാറ്റിക് എസി, എൽഇഡി പ്രൊജക്ടർ ഹെഡ്‌ലാമ്പുകൾ, എൽഇഡി ടെയിൽ-ലൈറ്റുകൾ തുടങ്ങിയ സവിശേഷതകളോടെയാണ് ഇത് വരുന്നത്. സെഡാൻ ഒന്നിലധികം എയർബാഗുകൾ, EBD ഉള്ള ABS, ESP, ഹിൽ-ലോഞ്ച് അസിസ്റ്റ്, മറ്റ് സുരക്ഷാ സവിശേഷതകൾ എന്നിവയും ഇവർ വാഗ്ദാനം ചെയ്യുന്നു.